या संदर्भात मिळालेल्या माहितीनुसार गोपाळ मांडवे हे डोंबिवलीतील स्टार कॉलनीमधील एका गृहसंकुलात कुटुंबीयांसह वास्तव्यास आहेत. ते दररोज सकाळी आपल्या दुचाकीने रेल्वे स्थानक परिसरात येऊन वाहनतळावर दुचाकी लावून लोकलने मुंबईकडे कर्तव्यावर जातात. घटनेच्या दिवशी रात्री साडेदहा वाजता ते ड्युटी संपवून घरी परतत असताना पाटकर रस्त्यावरील स्कायवॉक खालील रस्त्याने इंदिरा चौकाच्या दिशेने दुचाकीवरून जात होते.

इतक्यात समोरून भरधाव वेगात आलेल्या रिक्षाने त्यांच्या दुचाकीला जोरदार धडक दिली. धडक इतकी जोरात होती की ते दुचाकीसह रस्त्यावर कोसळले आणि गंभीर जखमी झाले. अपघातानंतर रिक्षाचालकाने जखमीला मदत करण्याऐवजी तेथून पळ काढला असल्याचे प्रत्यक्षदर्शींनी सांगितले. रस्त्यावरील पादचाऱ्यांनी तात्काळ धाव घेत जखमी गोपाळ मांडवे यांना उचलून रुग्णालयात दाखल केले. या अपघातात मांडवे यांच्या हाताला गंभीर दुखापत झाली असून डोळ्यालाही मार लागला आहे. याप्रकरणी फरार रिक्षा चालकाविरुद्ध रामनगर पोलिस ठाण्यात तक्रार दाखल करण्यात आल्याचे जखमी पोलीस गोपाळ मांडवे यांनी सांगितले. विशेष म्हणजे संबंधित रिक्षाचा क्रमांक सापडला असून त्याद्वारे फरार रिक्षावाल्याचा शोध घेण्यात येत आहे. लवकरच हा रिक्षावाला गजाआड असेल, असा विश्वास पोलिसांनी व्यक्त केला.

रात्रीच्या सुमारास रिक्षावाले तर्राट 

रात्रीच्या सुमारास कल्याण आणि डोंबिवली रेल्वे स्थानक परिसरात रिक्षा चालकांची मोठी गर्दी आणि धावपळ असते. त्यातच बेकायदेशीरपणे रिक्षा चालवणाऱ्यांची संख्या वाढली असून अधिक फेऱ्या मारण्याच्या नादात ते पादचाऱ्यांच्या आणि दुचाकीस्वारांच्या सुरक्षेचा विचार न करता भरधाव वेगात रिक्षा चालवत असल्याच्या तक्रारी प्रवाशांकडून केल्या जात आहेत. रात्रीच्या वेळी तर अनेक रिक्षा चालक मद्यपान करून रिक्षा चालवत असल्याने अशा प्रकारचे अपघात घडत असल्याचे प्रवाशांचे म्हणणे आहे. त्यामुळे वाहतूक नियंत्रण शाखेच्या पोलिसांनी रात्रीच्या सुमारास विशेष मोहीम राबवून बेशिस्त रिक्षाचालकांवर कारवाई करावी, अशी मागणी स्थानिक रहिवाशांसह प्रवाशांमधून जोर धरू लागली आहे.

ठाणे : पूर्णेकर हत्या प्रकरणाने ठाणे शहर हादरले असतानाच पाचपाखाडी परिसरात दोन कर्मचाऱ्यांवर धारदार शस्त्राने हल्ला झाल्याची धक्कादायक घटना समोर आली आहे. थकीत पगाराची रक्कम मागण्यासाठी दुकानात गेलेल्या दोन कर्मचाऱ्यांवर दुकानातील मॅनेजरने धारदार शस्त्राने हल्ला केल्याचा आरोप आहे. या घटनेत दोन्ही कर्मचारी जखमी झाले असून, हल्ल्याचा सीसीटीव्ही व्हिडिओही समोर आला आहे.

मिळालेल्या माहितीनुसार, जखमी झालेले दोन्ही तरुण गेल्या काही वर्षांपासून संबंधित दुकानात डिलिव्हरीचे काम करीत आहेत. त्यांचा पगार थकीत असल्याने ते सातत्याने मॅनेजरकडे पैशांची मागणी करीत होते. मात्र, ‘आज देतो, उद्या देतो’, असे सांगून पगार देण्यास टाळाटाळ केली जात असल्याचा आरोप कर्मचाऱ्यांनी केला आहे.

दरम्यान, ३० तारखेपर्यंत पगार देण्याचे आश्वासन मिळाल्यानंतर दोन्ही कर्मचारी पगार घेण्यासाठी दुकानात गेले होते. मात्र, पगार देण्याऐवजी त्यांच्यावर हल्ला करण्यात आल्याचा आरोप त्यांनी केला आहे. दुकानातील एका जबाबदार व्यक्तीने कटरसदृश धारदार शस्त्राने हातावर वार केल्याचा दावा जखमी कर्मचाऱ्यांनी केला आहे.

हल्ल्यात दोन्ही तरुणांच्या हाताला दुखापत झाली असून, त्यांच्यावर उपचार करण्यात आले आहेत. घटनेचे सीसीटीव्ही फुटेज समोर आल्याने पोलिसांकडून त्याची तपासणी केली जात आहे.

पूर्णेकर हत्या प्रकरणाची घटना ताजी असतानाच पाचपाखाडी परिसरात पुन्हा हल्ल्याची घटना घडल्याने खळबळ उडाली आहे. या प्रकरणी पोलिसांकडून पुढील तपास सुरू असून, सीसीटीव्ही फुटेजच्या आधारे हल्ल्यामागील नेमके कारण आणि संबंधितांची भूमिका तपासली जात आहे.

४४ जणांची गेली होती सहल

मिळालेल्या माहितीनुसार,आळंदी नगरपरिषदेने दिलेल्या माहितीनुसार, आळंदी येथील 'विनर्स अकॅडमी' या खासगी क्लासमधील इयत्ता अकरावीचे ४२ विद्यार्थी आणि दोन शिक्षक असे एकूण ४४ जण दिवेआगर येथे सहलीसाठी आले होते. समुद्रकिनाऱ्यावर पोहोचल्यानंतर पर्यटनाचा आनंद लुटण्यासाठी विद्यार्थी समुद्रात उतरले. मात्र, पाण्याच्या खोलीचा आणि लाटांच्या वेगाचा अंदाज न आल्याने आठ विद्यार्थी खोल पाण्यात वाहून गेले व त्यांचा बुडून मृत्यू झाला

स्थानिक वॉटर स्पोर्ट्स मालकाच्या तत्परतेने मृतदेह बाहेर

घटनेची माहिती मिळताच स्थानिक नागरिक आणि पर्यटकांमध्ये खळबळ उडाली. दिवेआगर येथील भाऊ मारुती साळुंखे महाकाली वॉटर स्पोर्ट्स'चे मालक आणि त्यांच्या सहकाऱ्यांनी क्षणाचाही विलंब न करता समुद्रात शोधमोहीम राबवली. आपल्या जीवाची पर्वा न करता भाऊ साळुंखे व त्यांच्या सहकाऱ्यांनी अथक प्रयत्नांनंतर आठही विद्यार्थ्यांचे मृतदेह पाण्यातून बाहेर काढले.

पोलीस आणि प्रशासनाची घटनास्थळी धाव

दुर्घटनेची माहिती मिळताच दिघी सागरी बोर्ली पंचतन पोलीस ठाण्याचे सहायक पोलीस निरीक्षक संतोष आवटी हे आपल्या पथकासह तातडीने घटनास्थळी दाखल झाले. पोलिसांनी स्थानिक ग्रामस्थांच्या मदतीने सर्व मृतदेह ताब्यात घेतले असून पुढील वैद्यकीय तपासणी व कायदेशीर प्रक्रियेसाठी बोर्ली पंचतन येथील प्राथमिक आरोग्य केंद्रात पाठवले आहेत.

या दुर्दैवी घटनेची नोंद पोलिसांत करण्यात आली असून पोलीस पुढील तपास करत आहेत. ऐन पर्यटनाच्या हंगामात घडलेल्या या दुःखद घटनेमुळे दिवेआगर व परिसरात शोककळा पसरली आहे.

धुळे : राज्य शासनाच्या ‘पुण्यश्लोक अहिल्यादेवी होळकर शेतकरी कर्जमुक्ती योजना २०२६’च्या तिसऱ्या टप्प्यात धुळे जिल्ह्यातील ३,२५८ शेतकऱ्यांच्या कर्जखात्यांवर ३३ कोटी १ लाख रुपयांचा लाभ वर्ग करण्यात आला आहे. कर्जाच्या ओझ्यातून शेतकऱ्यांना दिलासा देऊन आगामी हंगामासाठी आर्थिकदृष्ट्या सक्षम करण्याच्या दृष्टीने ही योजना महत्त्वाची असल्याचे पालकमंत्री जयकुमार रावल यांनी सांगितले.

राज्य मंत्रिमंडळाने २ जून २०२६ रोजी या योजनेला मंजुरी दिली. राज्यातील ५३ बँकांनी शेतकऱ्यांच्या कर्जखात्यांची माहिती महाआयटीच्या पोर्टलवर अपलोड केली आहे. राज्यभरातील सुमारे ३२ लाख कर्जखात्यांची माहिती नोंदविण्यात आली असून, पात्र थकबाकीदारांपैकी २०.१५ लाख शेतकऱ्यांची यादी आधार प्रमाणीकरणासाठी प्रसिद्ध करण्यात आली. त्यापैकी ३० सप्टेंबरअखेर १७.२१ लाख कर्जखात्यांचे आधार प्रमाणीकरण पूर्ण झाले आहे.

आधार प्रमाणीकरण पूर्ण झालेल्या पात्र शेतकऱ्यांना टप्प्याटप्प्याने लाभ देण्यात येत आहे. आतापर्यंत राज्यातील १५ लाख ८५ हजार ४९३ कर्जखात्यांवर १३ हजार २७५.४५ कोटी रुपये वर्ग करण्यात आले आहेत. तिसऱ्या टप्प्यात ३ लाख २७ हजार २५० कर्जखात्यांवर ३,१६०.४४ कोटी रुपये जमा करण्यात आले.

धुळे जिल्हा मध्यवर्ती सहकारी बँकेमार्फत तीन टप्प्यांत ५,३९४ कर्जखात्यांना ४८.१३ कोटी रुपयांचा लाभ मंजूर झाला आहे. कर्जमुक्तीचा लाभ मिळालेल्या शेतकऱ्यांना नव्या हंगामासाठी तातडीने पीक कर्ज उपलब्ध करून देण्याचे निर्देश बँकांना देण्यात आले आहेत.

पात्र यादीत नाव असूनही आधार प्रमाणीकरण न केलेल्या शेतकऱ्यांनी जवळच्या ‘आपले सरकार सेवा केंद्रा’त जाऊन प्रक्रिया पूर्ण करावी. प्रमाणीकरणानंतर पात्र लाभाची रक्कम थेट कर्जखात्यात जमा होणार असून, केवळ प्रमाणीकरण प्रलंबित असल्याने एकही पात्र शेतकरी लाभापासून वंचित राहू नये, असे आवाहन रावल यांनी केले.

नाशिकमधून २८ सप्टेंबर २०२६ रोजी आदिवासी विद्यार्थी आणि सकल आदिवासी समाजातर्फे आश्रमशाळांमधील समस्या व विविध प्रलंबित मागण्यांसाठी मुंबई राजभवनाकडे 'उलगुलान' लाँग मार्च काढण्यात आला असून हा मोर्चा आज ठाणे जिल्ह्याच्या वेशिवर म्हणजेच कसारा घाट मार्गे कसारा येथे दाखल झाला असून आज कसारा येथे मुक्काम ठोकला.

  मोर्चा मध्ये सहभागी शेकडो  विध्यार्थ्यानी  आदिवासी विकास मंत्री अशोक उईके यांच्या राजीनाम्याची मागणी केली असून त्याच बरोबर  आश्रमशाळा व वसतिगृहांमध्ये निकृष्ट भोजन आणि पायाभूत सुविधांचा अभाव असल्यामुळे मध्यवर्ती किचन बंद करावे व आश्रम शाळेतच मुलांना ताजे व सकस आहार द्यावा तसेच नंदुरबार जिल्ह्यातील : शासकीय आश्रमशाळांमध्ये विध्यार्थिनींना साप चावून मृत्यू झाला या  मृत्यूच्या घटनां चा निषेध करीत आश्रम शाळेत मयत झालेल्या मुलींच्या वारसांना एक कोटी रुपये  द्यावे.अशी अग्रही मागणी देखील मोर्चा मधील सहभागी विद्यार्थ्यांनी केली आहे. हा मोर्चा राजभवनवर धडकणार आहे

दरम्यान या आंदोलनात सहभागी झसलेले शदकडो आदिवासी विध्यार्थी विध्यार्थिनी अल्पवईन असल्याने पायी प्रवास करताना एक एक विद्यार्थी आजारी पडत आहे इगतपुरी ते कसारा दरम्यान चार मुलींना व तीन मुलांना चक्कर आल्याच्या घटना घडल्या तर एक मुलगी जागीच बेशुद्ध पडली होती सर्वांवर इगतपुरी व कसारा येथील वैद्यकीय पथकाने उपचार केले आहे  उपचार केले आहे 

मुख्यमंत्री देवेंद्र फडणवीस यांच्या सोबत आमच्या शिष्ट मंडळाची बैठक झाली मात्र या बैठकीत सकारात्मक चर्चा न झाल्याने आम्ही शेकडो विध्यार्थी येत्या ५ तारखे पर्यत राजभावनावर धडकणार आहोत.- राहुल पावरा आंदोलक

आंदोलक विध्यार्थी.निष्ठुर सरकारचा निषेध.आम्ही ४२ दिवसापासून आमच्या मागण्यासाठी नाशिकला आंदोलन करीत आहोत तरी देखील कोणी दखल घेतली नाही अखेर आम्ही २८ सप्टेंबर पासून पायी मोर्चा काढला असून शेकडो विध्यार्थी विध्यार्थिनी या मोर्चात सहभागी झाले  असून या निष्ठुर सरकारचा निषेध आम्ही या अंदोलना दरम्यान करणार असून आमच्या मागण्या मान्य  न झाल्यास मुंबईत तीव्र आंदोलन करणारे आहोत.- धनश्री पराडके.आंदोलक विध्यार्थी.

दरम्यान शेकडो आंदोलकांच्या सुरक्षेसाठी ठाणे ग्रामीण पोलीस अधीक्षक राठोड उपविभागीय अधिकारी निखिल विशाल नागरगोजे यांच्या मार्गदर्शनाखाली पोलीस अधिकारी सुरेश गावीत, महामार्ग पोलीस अधिकारी होंडे यांनी   चोख बंदोबस्त तैनात केला होता तर वैद्यकीय उपचार तात्काळ मिळण्यासाठी इगतपुरी व कसारा येथील शासकीय रुग्णालयातील वैद्यकीय पथक कार्यरत होते.

पणजी : गोवा विधानसभा संकुल, पर्वरीच्या रौप्यमहोत्सवी वर्षानिमित्त ६ ते ९ ऑक्टोबरदरम्यान विविध कार्यक्रमांचे आयोजन करण्यात आले आहे. या चार दिवसीय सोहळ्यात आजी-माजी आमदारांचा गौरव करण्याबरोबरच विधानसभा संकुलाचा सचित्र इतिहास छायाचित्र प्रदर्शनातून मांडण्यात येणार आहे. रौप्यमहोत्सवाचे उद्घाटन ६ ऑक्टोबर रोजी दुपारी ४ वाजता विधानसभा परिसरात होणार आहे.

गोवा विधानसभेचे सभापती डॉ. गणेश गावकर यांनी गुरुवारी (दि.१) पर्वरी विधानसभा कक्षात पत्रकार परिषदेत ही माहिती दिली. यावेळी विधानसभा सचिव नम्रता उल्मन आणि सहसचिव अ‍ॅड. मोहन गावकर उपस्थित होते.

उद्घाटन सोहळ्यास लोकसभा अध्यक्ष ओम बिर्ला आणि गोव्याचे राज्यपाल पुसापती अशोक गजपती राजू प्रमुख पाहुणे म्हणून उपस्थित राहणार आहेत. मुख्यमंत्री डॉ. प्रमोद सावंत, विधिमंडळ कामकाज मंत्री माविन गुदिन्हो, विरोधी पक्षनेते युरी आलेमाव यांच्यासह मंत्री व आमदारांची उपस्थिती राहणार आहे. कार्यक्रमाची सुरुवात गार्ड ऑफ ऑनर, वंदे मातरम्‌, राष्ट्रगीत आणि पारंपरिक दीपप्रज्वलनाने होईल.

यावेळी विधानसभा इमारतीवरील विशेष टपाल तिकीट व विशेष कव्हरचे प्रकाशन करण्यात येणार आहे. तसेच स्मरणिका आणि कॉफी टेबल बुकचेही प्रकाशन होणार आहे. विविध राज्यांच्या विधानसभा अध्यक्षांनाही या सोहळ्यासाठी निमंत्रित करण्यात आले आहे.

विधानसभा इमारतीच्या मागील भागात मंडप उभारून कार्यक्रम होणार असून चारही दिवस नागरिकांसाठी सोहळा खुला राहणार आहे. मात्र, सुरक्षेच्या कारणास्तव छायाचित्र असलेले ओळखपत्र सोबत आणणे बंधनकारक असेल. समारोप सोहळ्यास केरळचे राज्यपाल राजेंद्र आर्लेकर यांना निमंत्रित करण्यात आले आहे.

पेपरलेस कामकाजाचा उपक्रम सुरूच

राजेंद्र आर्लेकर सभापती असताना गोवा विधानसभेत पेपरलेस कामकाजाचा उपक्रम सुरू करण्यात आला होता. हा उपक्रम आपणही पुढे सुरू ठेवला असून, त्यामुळे कागदाची बचत होऊन लाखो झाडे वाचण्यास मदत झाली, असे डॉ. गावकर यांनी सांगितले.

कडा : अवैध वाळू वाहतूक आणि गोवंशाची बेकायदा वाहतूक करणाऱ्यांविरुद्ध आष्टी पोलिसांनी धडक कारवाई केली. दोन स्वतंत्र कारवायांमध्ये पोलिसांनी १४ लाख ७० हजार रुपयांचा मुद्देमाल जप्त केला. याप्रकरणी चार जणांविरुद्ध गुन्हे दाखल करण्यात आले आहेत.

३० सप्टेंबर रोजी टाकळसिंग ते हिंगणी रोडवरील नदीच्या पुलाजवळ विनापरवाना वाळू वाहतूक होत असल्याची माहिती प्रभारी अधिकारी तथा परिविक्षाधीन पोलीस उपअधीक्षक भारत पांढरे यांना मिळाली. त्यानुसार सकाळी ७.४५ वाजता पोलिसांनी छापा टाकून महिंद्रा अल्ट्रा वन अर्जुन ट्रॅक्टर व लाल रंगाची ट्रॉली असा सात लाख रुपयांचा मुद्देमाल जप्त केला. वाहनातील सुमारे एक ब्रास वाळूची किंमत १० हजार रुपये आहे. या प्रकरणी कानीफनाथ पांडुरंग झांबरे (रा. टाकळसिंग) याच्याविरुद्ध गुन्हा दाखल करण्यात आला.

दरम्यान, खडकत परिसरात पेट्रोलिंग करताना सीना नदीपात्रात बोलेरो पिकअपमध्ये गोवंशीय वासरे कोंबून ठेवल्याची माहिती पोलिसांना मिळाली. रात्री आठच्या सुमारास पोलिसांनी छापा टाकून अवघ्या १५ ते २० दिवसांच्या ३० वासरांची सुटका केली. त्यांची अंदाजे किंमत ६० हजार रुपये असून सात लाख रुपये किमतीची बोलेरो पिकअपही जप्त करण्यात आली. वासरांना गोशाळेत दाखल करण्यात आले.

या प्रकरणी सद्दाम ऊर्फ अजीज पठाण कुरेशी, जलील हारुण कुरेशी आणि मुजाहेद हाजी कुरेशी (सर्व रा. खडकत) यांच्याविरुद्ध गुन्हा दाखल करण्यात आला आहे. अवैध वाळू वाहतूक तसेच गोवंश तस्करीविरोधात कारवाई सुरूच राहणार असल्याचे पोलिसांनी स्पष्ट केले.

जिम कॅरी यांनी काही दिवसांपूर्वी दिली होती नात्‍याची कबुली

लग्नाच्या काही महिने आधीच जिम कॅरी यांनी 'मिन आ' सोबतच्या आपल्या नात्याची जाहीर कबुली दिली होती. फ्रान्समधील एका पुरस्कार सोहळ्यादरम्यान पुरस्कार स्वीकारताना त्यांनी आपल्या कुटुंबाचे आभार मानले. या भाषणात त्यांनी 'मिन'चा उल्लेख आपली "अत्यंत उत्कृष्ट जोडीदार" असा केला होता. "माझे अद्भुत कुटुंब, माझी मुलगी जेन आणि माझा नातू जॅक्सन यांचे मनापासून आभार. माझे तुमच्यावर नेहमीच प्रेम राहील. तसेच माझी उत्कृष्ट जोडीदार 'मिन आ', तुझेही खूप खूप आभार."

दोघांनीही खासगी आयुष्य ठेवले प्रसिद्धीच्या झोतापासून दूर

रिपोर्टनुसार, जिम कॅरी आणि मिन आ हे गेल्या अनेक वर्षांपासून एकत्र आहे. फेब्रुवारी २०२२ मध्ये 'जस्ट जारेड'ने या दोघांचे काही फोटो प्रसिद्ध केले होते. लॉस एंजेलिसमधील 'लार्गो' येथे जड अपाटो यांनी आयोजित केलेल्या एका 'चॅरिटी कॉमेडी शो'मधून बाहेर पडतानाचे हे फोटो होते. अशा मोजक्या प्रसंगी सार्वजनिक ठिकाणी एकत्र दिसण्याव्यतिरिक्त, या दोघांनीही आपले खाजगी आयुष्य नेहमीच प्रसिद्धीच्या झोतापासून दूर ठेवले आहे.

जिम कॅरी यांचा तिसरा विवाह

जिम कॅरी यांचा पहिला विवाह १९८७ मध्‍ये मेलिसा वोमर यांच्याशी झाला होता. पहिल्या लग्नापासून त्यांना जेन ही मुलगी आहे. यानंतर १९९६ ते १९९७ या काळात अभिनेत्री लॉरेन हॉली यांच्याशी लग्न झाले होते.

महाराष्ट्रात या पक्षाचे अस्तित्व प्रामुख्याने भंडारा व गोंदिया जिल्ह्यांत तसेच लगतच्या बालाघाट जिल्ह्यात आढळते. तुमसर तालुक्यात सुमारे चार ठिकाणी सारस पक्ष्यांची नोंद असल्याची माहिती वन विभागाने दिली आहे.

सुमारे पाच फूट उंचीचा आणि सहा ते सात किलो वजनाचा सारस पक्षी लांब पाय, लाल डोके व पांढरट-तपकिरी पिसांमुळे सहज ओळखता येतो. तो सहसा जोडीने राहतो. एकाच जोडीदाराशी आयुष्यभर एकनिष्ठ राहण्याच्या स्वभावामुळे सारसाला प्रेम व निष्ठेचे प्रतीक मानले जाते. बावनथडी नदी परिसरातील सारसांची उपस्थिती जैवविविधता आणि पर्यावरणीय संतुलनाच्या दृष्टीने महत्त्वाची आहे, अशी माहिती तुमसरचे वनपरिक्षेत्र अधिकारी सी. जी. रहांगडाले यांनी दिली.

सारस पक्ष्यांच्या संरक्षणासाठी जिल्हाधिकाºयांच्या पुढाकाराने जिल्हा सारस संवर्धन समिती स्थापन करण्यात आली आहे. नैसर्गिक अधिवासाचे संरक्षण, पक्ष्यांचे संवर्धन आणि स्थानिक नागरिकांमध्ये जनजागृती करण्याचे काम समितीमार्फत केले जात आहे.

हिंग (Asafoetida) हे केवळ जेवणाची चव आणि सुगंध वाढवणारे नसून आयुर्वेदात त्याला औषधी वनस्पतीचा दर्जा दिला गेला आहे. हिंग खाण्याचे काही फायदे पाहू

पचनक्रिया सुधारते: हिंग पाचक रसांचे (Digestive enzymes) स्राव वाढवते, ज्यामुळे अन्न लवकर आणि सहज पचण्यास मदत होते.

गॅस आणि अपचनापासून आराम: हिंगामध्ये अँटी-फ्लॅट्युलेन्स (वायूनाशक) गुणधर्म असतात. यामुळे पोट फुगणे, गॅस तयार होणे आणि पोटदुखी यांसारख्या समस्या तत्काळ कमी होतात.

ॲसिडिटीवर गुणकारी: रोजच्या आहारात चिमूटभर हिंग वापरल्याने किंवा कोमट पाण्यातून घेतल्याने आम्लपित्त आणि छातीत होणारी जळजळ शांत होते.

श्वसनसंस्थेचे आरोग्य: हिंगातील अँटी-बॅक्टेरियल आणि अँटी-इंफ्लेमेटरी घटकांमुळे सर्दी, खोकला, कफ आणि दमा यांसारख्या श्वसनाच्या त्रासांमध्ये आराम मिळतो.

रक्तदाब नियंत्रित ठेवण्यास मदत: हिंगामध्ये ‘कौमरिन’ नावाचा घटक असतो, जो रक्त पातळ ठेवण्यास आणि रक्ताभिसरण सुरळीत ठेवण्यास मदत करतो, ज्यामुळे उच्च रक्तदाब आटोक्यात राहतो.

मासिक पाळीतील वेदना कमी होतात: मासिक पाळीदरम्यान स्त्रियांना होणाऱ्या पोटदुखी व क्रॅम्प्सवर हिंग फायदेशीर ठरते. हे प्रोजेस्टेरॉन हार्मोन्सचे संतुलन राखण्यास मदत करते.

डोकेदुखीवर आराम: हिंगातील दाहक-विरोधी (Anti-inflammatory) गुणधर्म डोक्यातील रक्तवाहिन्यांची सूज कमी करतात, ज्यामुळे साधी डोकेदुखी तसेच मायग्रेनच्या वेदना कमी होतात.

रोगप्रतिकारशक्ती वाढवते: हिंगामध्ये शक्तिशाली अँटीऑक्सिडंट्स आणि अँटी-व्हायरल गुणधर्म असतात, जे शरीराला संसर्गापासून वाचवून रोगप्रतिकारशक्ती मजबूत करतात.

पोटातले जंत नष्ट करते: लहान मुलांच्या किंवा मोठ्यांच्या पोटात कृमी (जंत) झाले असल्यास हिंगाचे पाणी पिण्याने ते नष्ट होण्यास मदत मिळते.

मधुमेह नियंत्रणात उपयुक्त: अभ्यासानुसार, हिंगाच्या नियमित सेवनाने शरीरातील इन्सुलिनचे प्रमाण संतुलित राहण्यास आणि रक्तातील साखरेची पातळी नियंत्रणात राहण्यास मदत होते.

मेरिलेबोन क्रिकेट क्लबच्या (MCC) सुधारित क्रिकेट नियमावलीचा आधार घेऊन तयार करण्यात आलेली ही नवी नियमावली आयसीसीच्या अधिकृत संकेतस्थळावर प्रसिद्ध करण्यात आली आहे.

आयसीसीच्या पुरुष क्रिकेट समितीचे अध्यक्ष सौरव गांगुली यांनी या बदलांचे स्वागत करताना सांगितले, "खेळाचा वेग वाढवणे, क्षेत्ररक्षणाचे नियम स्पष्ट करणे आणि चेंडूंच्या मानकांसंबंधी काही महत्त्वाचे निर्णय घेण्यात आले आहेत. आधुनिक क्रिकेटची गरज ओळखून आणि खेळाची विश्वासार्हता व सातत्य अबाधित ठेवूनच हे बदल अमलात आणण्यात आले आहेत."

सर्व प्रकारांसाठी लागू होणारे महत्त्वाचे बदल:

1. वेळकाढूपणा करणाऱ्या फलंदाजांवर दंडात्मक कारवाई:

फलंदाजांनी ठरवून दिलेल्या वेळेत चेंडूचा सामना करण्यासाठी तयार होणे आता बंधनकारक असेल. फलंदाजाने वेळकाढूपणा केल्यास पहिल्या चुकीवर औपचारिक इशारा, दुसऱ्यांदा अंतिम इशारा दिला जाईल. मात्र, तिसऱ्यांदा किंवा त्यानंतर प्रत्येक वेळी अशाच प्रकारचा वेळकाढूपणा आढळल्यास क्षेत्ररक्षण करणाऱ्या संघाला थेट ५ पेनल्टी धावा (Penalty Runs) दिल्या जातील. गंभीर किंवा वारंवार होणाऱ्या उल्लंघनावर आयसीसीच्या आचारसंहितेनुसार (Code of Conduct) कारवाई होऊ शकते.

2. क्रिकेट चेंडूंची स्वतंत्र मानके निश्चित:

आतापर्यंत उत्पादकांकडून महिला व कनिष्ठ (ज्युनिअर) क्रिकेटसाठी अनेकदा एकाच प्रकारचा चेंडू वापरला जात असे. मात्र, नव्या नियमांनुसार पुरुष, महिला आणि कनिष्ठ क्रिकेट अशा तिन्ही स्तरांसाठी चेंडूंचे वजन व आकारमान यांची स्वतंत्र आणि अचूक मानके निश्चित करण्यात आली आहेत.

• पुरुषांच्या चेंडूचे वजन: १५६ ते १६३ ग्रॅम (५.५ ते ५.७५ औंस), परिघ: २२.४ ते २२.९ सेमी.

• महिलांच्या चेंडूचे वजन: १४२ ते १४९ ग्रॅम (५ ते ५.२५ औंस), परिघ: २१.५ ते २२ सेमी.

1. 'ओव्हरथ्रो'ची स्पष्ट व्याख्या:

ओव्हरथ्रोबाबतची संदिग्धता दूर करण्यात आली आहे. धावा रोखण्यासाठी किंवा धावबाद करण्याच्या उद्देशाने यष्ट्यांच्या दिशेने थेट फेकलेला चेंडू म्हणजेच 'ओव्हरथ्रो' मानला जाईल. क्षेत्ररक्षकाने चेंडू अडवताना झालेली चूक (मिसफिल्ड) किंवा दुसऱ्या सहकाऱ्याकडे दिलेला चेंडू ओव्हरथ्रो समजला जाणार नाही.

'बॉल सेटल' संदर्भात पंचांचे अधिकार:

सामन्यातील चेंडू अखेर 'सेटल' (खेळ तात्पुरता थांबल्याची स्थिती) कधी झाला, हे ठरवण्याचे अधिक अधिकार आता पंचांकडे असतील. चेंडू सेटल मानण्यासाठी तो गोलंदाज अथवा यष्टिरक्षकाच्या हातात असणेच अनिवार्य नाही. अटीतटीच्या सामन्यांच्या अंतिम क्षणी हा नियम अत्यंत कळीचा ठरणार आहे.

चेंडूवर पूर्ण नियंत्रण आवश्यक (धावबाद व यष्टिचित):

• धावबाद किंवा यष्टिचित करताना चेंडू यष्ट्यांना लागत असताना क्षेत्ररक्षकाचे चेंडूवर 'संपूर्ण नियंत्रण' असणे बंधनकारक असेल. चेंडू केवळ हाताला लागून यष्ट्या उडाल्यास ती विकेट मानली जाणार नाही.

कसोटी क्रिकेटमधील बदल:

• दिवसाच्या सामन्यांत 'गुलाबी चेंडू'चा प्रायोगिक वापर:

  खराब प्रकाशामुळे खेळाचे होणारे नुकसान टाळण्यासाठी, दोन्ही संघांच्या परस्पर संमतीने दिवसा खेळवल्या जाणाऱ्या कसोटी सामन्यांतही गुलाबी चेंडूचा वापर करण्यास प्रायोगिक तत्त्वावर परवानगी देण्यात आली आहे. मात्र, हा निर्णय सामना सुरू होण्यापूर्वीच घ्यावा लागेल आणि संपूर्ण सामन्यात तोच चेंडू वापरावा लागेल. सामना सुरू झाल्यावर लाल चेंडू बदलून गुलाबी चेंडू वापरता येणार नाही.

• दिवसाच्या शेवटच्या षटकात बाद झाल्यावरही खेळ सुरू राहणार:

  दिवसाच्या अखेरच्या षटकात एखादा फलंदाज बाद झाल्यास आधीप्रमाणे दिवसाचा खेळ लगेच संपणार नाही. वातावरण आणि प्रकाश योग्य असल्यास त्या षटकातील उर्वरित चेंडू त्याच दिवशी पूर्ण केले जातील. यामुळे दुसऱ्या दिवशी खेळाचा वेळ वाया जाणार नाही आणि सामन्यातील चुरस कायम राहील.

मर्यादित षटकांचे सामने (ODI आणि T20I):

• टी-२० डावांमधील अंतर निश्चित:

  आंतरराष्ट्रीय टी-२० सामन्यांमध्ये दोन डावांच्या दरम्यान आता १५ मिनिटांचा निश्चित ब्रेक असेल. खेळात वेळ वाया गेलेला असल्यास हा ब्रेक किमान १० मिनिटांपर्यंत कमी केला जाऊ शकतो.

• ड्रिंक्स ब्रेक दरम्यान मुख्य प्रशिक्षकांना मैदानात जाण्याची मुभा:

  एकदिवसीय आणि टी-२० सामन्यांत ड्रिंक्स ब्रेकदरम्यान मुख्य प्रशिक्षक किंवा त्यांच्या प्रतिनिधीला मैदानात जाऊन खेळाडूंशी संवाद साधण्याची अधिकृत परवानगी देण्यात आली आहे.

• 'वाइड बॉल'चा नियम कायमस्वरूपी लागू:

  गोलंदाज चेंडू टाकण्यापूर्वी किंवा टाकत असताना फलंदाज क्रीझमध्ये जागा बदलत असल्यास, चेंडू टाकण्याच्या नेमक्या क्षणी फलंदाजाच्या पायाची स्थिती काय होती, यावरून चेंडू 'वाइड' आहे की नाही हे ठरवले जाईल. प्रायोगिक तत्त्वावर राबवण्यात आलेला हा नियम आता एकदिवसीय व टी-२० आंतरराष्ट्रीय क्रिकेटमध्ये कायमस्वरूपी लागू करण्यात आला आहे.

जळगाव : शहरातील कचरा, खड्डे आणि नादुरुस्त पथदिव्यांच्या प्रश्नावरून जळगाव महापालिका प्रशासनाविरोधात राजकीय पदाधिकाऱ्यांनी आक्रमक भूमिका घेतली आहे. नागरिकांच्या प्रश्नांसाठी करण्यात आलेल्या ‘कचरा फेको’ आंदोलनानंतर पदाधिकाऱ्यांवर गुन्हे दाखल करण्यात आल्याचा आरोप करत मनपा प्रशासनाच्या कारभारावर टीका करण्यात आली. या प्रश्नांवर २ ते ८ ऑक्टोबरदरम्यान मनपावर मोर्चा काढण्याचा इशारा जिल्हाध्यक्ष प्रमोद पाटील, अशोक लाड वंजारी आणि संग्रामसिंग पाटील यांनी दिला आहे.

शहरातील विविध भागांत कचरा साचत असून, त्यामुळे नागरिकांच्या आरोग्याचा प्रश्न निर्माण झाल्याचा आरोप आंदोलनकर्त्यांनी केला. यापूर्वीही प्रशासनाला निवेदने देऊन स्वच्छतेच्या समस्येकडे लक्ष वेधण्यात आले होते. मात्र अपेक्षित कार्यवाही न झाल्याने ३० सप्टेंबर रोजी मनपा कार्यालयात ‘कचरा फेको’ आंदोलन करण्यात आले होते. या आंदोलनाची नोंद स्थानिक वृत्तांतही झाली आहे.

कचऱ्याऐवजी माती उचलल्याचा आरोप

शिवाजीनगर परिसरात कचरा साचलेला असताना कचरा वाहून नेणाऱ्या ट्रॅक्टरमध्ये माती भरली जात असल्याचा आरोप पदाधिकाऱ्यांनी केला. कचरा संकलनाच्या कामात ठेकेदारांना प्रशासनाकडून सवलत दिली जात असल्याचा दावाही करण्यात आला. ठेकेदारांवर दंडात्मक कारवाईबाबतच्या अटींची चौकशी करण्याची मागणी यावेळी करण्यात आली.

कचरा संकलनाच्या कामात अनियमितता आढळल्यास संबंधित ठेकेदारांवर कारवाई होणार की नाही, असा सवालही आंदोलनकर्त्यांनी उपस्थित केला.

आंदोलनकर्त्यांवर गुन्हे दाखल केल्याचा आरोप

शहरातील अस्वच्छतेच्या प्रश्नावर वारंवार निवेदने देऊनही कार्यवाही न झाल्याचा आरोप करण्यात आला. त्यानंतर ‘कचरा फेको’ आंदोलन करण्यात आले. या आंदोलनानंतर संबंधित पदाधिकाऱ्यांवर गुन्हे दाखल करण्यात आल्याने प्रशासनाच्या भूमिकेवर प्रश्नचिन्ह उपस्थित करण्यात आले.

दरम्यान, जळगावमध्ये कचरा व्यवस्थापनाचा प्रश्न यापूर्वीही विविध आंदोलनांमधून उपस्थित झाला आहे. सप्टेंबरमध्ये आयटीआय परिसरातील कचरा डेपो हटविण्याच्या मागणीसाठी विद्यार्थ्यांनी आंदोलन केले होते. त्यावेळी महापालिका प्रशासनाने नवीन कचरा हस्तांतरण केंद्राचे काम पूर्ण करून डेपो हलविण्याबाबत लेखी आश्वासन दिले होते.

पथदिवे, स्वच्छता आणि शेतकरी मदतीचा मुद्दा

शहरातील पथदिव्यांचा प्रश्नही यावेळी उपस्थित करण्यात आला. महासभेत पथदिव्यांसंदर्भात ठराव मंजूर होऊनही अनेक भागांत अंधार असल्याचा आरोप करण्यात आला. आगामी सणांच्या पार्श्वभूमीवर शहरातील स्वच्छता व्यवस्था सुधारण्याची मागणीही करण्यात आली.

यासोबतच दुष्काळी परिस्थितीमुळे अडचणीत असलेल्या शेतकऱ्यांना हेक्टरी एक लाख रुपयांची तातडीची मदत देण्याची मागणी करण्यात आली. मनपा प्रशासनाने आंदोलनकर्त्यांच्या प्रश्नांकडे गांभीर्याने पाहावे, अन्यथा न्यायालयीन मार्गाचा अवलंब करण्याचा इशाराही पदाधिकाऱ्यांनी दिला.

२ ते ८ ऑक्टोबरदरम्यान मनपा प्रशासनाविरोधात तीव्र आंदोलन करून विविध नागरी प्रश्नांकडे लक्ष वेधले जाईल, असे यावेळी जाहीर करण्यात आले.

मानवत : मानवत शहरातील १६ वर्षीय अल्पवयीन मुलीने जीवन संपवि ल्याची घटना ३० सप्टेंबर रोजी घडली होती. या प्रकरणी मुलीच्या भावाने दिलेल्या फिर्यादीवरून तिचा सतत पाठलाग करून त्रास देणे आणि मृत्यूस प्रवृत्त केल्याच्या आरोपावरून एका युवकाविरुद्ध मानवत पोलिस ठाण्यात गुन्हा दाखल करण्यात आला आहे.

पोलिसांकडून मिळालेल्या माहितीनुसार, १६ वर्षीय मुलीला त्याच भागातील पवन मुंजाजी माने हा वारंवार त्रास देत असल्याचा आरोप आहे. ‘तू मला खूप आवडतेस, माझ्याशी बोलत जा’, असा तगादा लावून तो मुलीला मानसिक त्रास देत असल्याचे तक्रारीत नमूद करण्यात आले आहे.

तसेच आरोपीने मुलीचा फोटो तिच्या संमतीशिवाय स्नॅपचॅट या सोशल मीडिया अ‍ॅपवर स्टेटस म्हणून प्रसारित केल्याचेही तक्रारीत म्हटले आहे. यामुळे कुटुंबाची समाजात बदनामी होईल, या भीतीने आणि मानसिक धक्क्यातून मुलीने ३० सप्टेंबर रोजी सायंकाळी साडेचारच्या सुमारास राहत्या घरी जीवन संपविल्याचा आरोप करण्यात आला आहे.

या प्रकरणी मृत मुलीचा भाऊ अमोल जयसिंग लेंगुळे यांनी मानवत पोलिस ठाण्यात फिर्याद दिली. त्यावरून पवन मुंजाजी माने याच्याविरुद्ध गुन्हा दाखल करण्यात आला आहे. सहाय्यक पोलिस निरीक्षक दर्शन शिंदे यांच्या मार्गदर्शनाखाली पोलिस उपनिरीक्षक बिक्कड पुढील तपास करीत आहेत.

मुंबई, पुढारी वृत्तसेवा : "पंडित जवाहरलाल नेहरू, डॉ. बाबासाहेब आंबेडकर यांनी लोकांना मतदानाचा अधिकार दिला; पण आज काय सुरू आहे? असा सवाल करत मुख्यमंत्री फडणवीस यांनी आंदोलन केले तर तीन दिवसांनंतर जामीन मिळेल, असे म्हटले आहे. मला त्यांना एवढंच सांगायचं आहे की, तीन दिवस नाही, तीन महिने जेलमध्ये टाका तरी चालेल! तीन महिने जरी जेलमध्ये टाकले ना, तरी मी रस्त्यावर पुन्हा येईन, पुन्हा येईन, पुन्हा येईन," अशा शब्दांमध्ये कॉकरोज जनता पार्टीचे संस्थापक अभिजित दीपके यांनी आज (दि. १) मुख्‍यमंत्री देवेंद्र फडणवीस यांना इशारा दिला. शुक्रवार, २ ऑक्टोबरपासून कॉकरोज जनता पार्टी मुख्य निवडणूक आयुक्त ज्ञानेश कुमार यांच्याविरोधात आंदोलन करत आहे. त्यांचा राजीनामा होत नाही तोपर्यंत आमचं आंदोलन सुरू राहणार, असा निर्धारही त्यांनी यावेळी व्यक्त केला.

दिल्लीचेही तख्त राखतो महाराष्ट्र माझा

मुंबई येथे आयोजित पत्रकार परिषदेत बोलताना अभिजित दीपके म्हणाले की, "लोकसभा २०२४ च्या निवडणुकीत भारतीय जनता पक्षाला केवळ ९ जागा मिळाल्या होत्या. मात्र यानंतर २०२४ ऑक्टोबर महिन्यात झालेल्या विधानसभा निवडणुकीत चित्र कसं काय बदललं? काय बदललं म्हणून आम्ही महाराष्ट्रातून मुख्य निवडणूक आयुक्तांविरोधातील आंदोलनाला सुरुवात करत आहोत. कारण दिल्लीचेही तख्त राखतो महाराष्ट्र माझा."

महात्मा गांधींना कधी ब्रिटिशांनी परवानगी दिली होती का?

आम्ही सत्ताधाऱ्यांच्या विरोधातच आंदोलन करतोय, तुम्हाला वाटतं का सरकार आम्हाला आंदोलनासाठी परवानगी देईल? महात्मा गांधींना कधी ब्रिटिशांनी परवानगी दिली होती का? तरीही आंदोलन करावं लागलं, कारण देश महत्त्वाचा होता. आंदोलनाला परवानगी नाकारणे ही सरकारची भीती आहे. त्यांना कळून आलेलं आहे देश नाराज आहे आणि देश आता शांत बसणार नाही; त्यामुळे ते धमक्या देत आहेत की आंदोलन केलं तर काय तीन दिवसांनी जामिनावर सुटका होईल, असा दावाही दीपके यांनी केला.

ज्ञानेश कुमार यांचा राजीनामा झालाच पाहिजे

देशातील जनतेचा विश्वास निवडणूक आयोगावर राहिलेला नाही. ज्ञानेश कुमार यांचा राजीनामा झालाच पाहिजे, त्यांच्यावरती फौजदारी गुन्हा दाखल झाला पाहिजे. तसेच यानंतर नियुक्त होणाऱ्या निवडणूक आयुक्तांची नियुक्तीही अत्यंत पारदर्शीपणे व्हायला हवी. ज्ञानेश कुमार यांचा राजीनामा झाला नाही तर संपूर्ण देश रस्त्यावर उतरेल. याआधी धर्मेंद्र प्रधान यांचा राजीनामा झाला; पण त्यानंतर धर्मेंद्र प्रधान यांचा राजीनामा नाहीतर प्रधानांच्या प्रधानांचा राजीनामा झाला पाहिजे अशी मागणी झाली, पुन्हा तशीच मागणी होईल.

आंदोलनात गांधीजींचा टी-शर्ट घालून यावे

उद्या येताना सर्वांनी गांधीजींचे टी-शर्ट घालून यावे आणि हातामध्ये तिरंगा घेऊन आंदोलनासाठी यावं, असे आवाहन करत आमच्या कोणत्याही आंदोलनाला आजपर्यंत परवानगी दिलेली नाही. पण आम्ही लोकशाहीला मानतो, संविधानाने आम्हाला आंदोलन करण्याचा अधिकार दिलेला आहे, कायदा आमच्या बाजूने आहे. जे लोक सत्तेत आहेत त्यांच्या विरोधात आम्ही आंदोलन करत आहोत, मग ते आम्हाला परवानगी देतील का? असा सवालही दीपके यांनी केला.

शिवसेनेच्या चार तारखेला होणाऱ्या आंदोलनाला आमचा पाठिंबा असेल

शिवाजी पार्क मैदानावर मुख्यमंत्री रॅली करू शकतात तर आम्ही आंदोलन का करू शकत नाही? मुख्यमंत्र्यांसाठी वेगळा कायदा आणि सामान्य नागरिकांसाठी वेगळा कायदा आहे का? सर्व पक्षांनी बसून एकदा ठरवावं की आम्ही कोणत्या पक्षाची बी टीम आहोत. शिवसेनेच्या चार तारखेला होणाऱ्या आंदोलनाला देखील आमचा पाठिंबा असेल, असेही दीपके यांनी यावेळी जाहीर केले.

केसेस होण्याची भीती लोकांच्या मनामधून गेली आहे

आंदोलन करण्याबाबत लोकांच्या मनामध्ये अजिबात भीती नाही. केसेस होण्याची भीती लोकांच्या मनामधून निघून गेली आहे. अमित शाह यांनी जी चूक केली होती ती मुख्यमंत्री देवेंद्र फडणवीस यांनी करू नये. आंदोलन मोठे करायचे असेल तर मुख्यमंत्र्यांनी आम्हाला अटक करावी, असे आव्हानही त्यांनी दिले.

शिक्षण आणि बेरोजगारी दोन महत्त्वाचे मुद्दे

शिक्षण आणि बेरोजगारी हे आमचे दोन महत्त्वाचे मुद्दे आहेत. आमच्याकडे त्यांच्या सर्व प्रश्नांची उत्तरे नाहीत पण सीजेपी त्यांच्या प्रश्नासाठी लढायला तयार आहे. देशात काहीतरी नवीन करण्यासाठी सीजेपी लढायला तयार आहे. सर्व लोक आमच्याकडे मोठ्या आशेने पाहत आहेत. लोकांना आम्हाला प्रश्न विचारण्याचा अधिकार आहे. पण आम्ही काही बदल घडवण्यासाठी प्रयत्न करत आहोत, असेही दीपके म्हणाले.

हा मृतदेह पोत्यात बांधून समुद्रकिनारी फेकल्याचा प्राथमिक अंदाज पोलिसांनी वर्तवला आहे. मृत्यूचे कारण अजून स्पष्ट झालेले नाही. ही हत्या आहे का याचा उलगडा आता शवविच्छेदनाचा अहवाल आल्यावरच होणार आहे. हा मृतदेह इथं कोणी टाकला याचा शोध पोलीस घेत आहेत.

वाशिम : राज्यात दुष्काळसदृश परिस्थिती निर्माण झाल्याच्या पार्श्वभूमीवर महावितरणने आपल्या तांत्रिक यंत्रणेला ‘हायअलर्ट’ दिला आहे. दुष्काळी परिस्थितीत शासनाच्या उपाययोजनांची प्रभावी अंमलबजावणी करण्यासाठी अभियंते, यंत्रचालक आणि तारमार्ग कर्मचाऱ्यांना आपले मुख्यालय न सोडण्याचे सक्त आदेश देण्यात आले आहेत. महावितरणचे संचालक (संचालन) धनंजय औंढेकर यांनी याबाबत परिपत्रक जारी केले आहे.

यंदा जूनपासून राज्यात पर्जन्यमानात मोठी तूट नोंदविण्यात आली असून, अनेक भागांत दुष्काळी परिस्थिती निर्माण झाली आहे. त्याचा परिणाम शेती पिकांवरही झाला आहे. या पार्श्वभूमीवर राज्य शासनाने विविध उपाययोजना जाहीर केल्या आहेत. त्यानुसार महावितरणनेही राज्यभरातील तांत्रिक यंत्रणा सतर्क केली आहे.

महावितरणचे अध्यक्ष व व्यवस्थापकीय संचालक लोकेश चंद्र यांच्या आदेशानुसार संचालक धनंजय औंढेकर (संचालन), योगेश गडकरी (वाणिज्य), सचिन तालेवार (प्रकल्प), राजेंद्र पवार (मानव संसाधन) यांच्यासह सर्व कार्यकारी संचालकांनी विविध परिमंडलांना तातडीने भेटी देऊन परिस्थितीचा आढावा घेतला. यावेळी कृषिपंपांसह सर्व वर्गवारीतील ग्राहकांना सुरळीत वीजपुरवठा मिळावा, यासाठी आवश्यक तांत्रिक कामे, वीजयंत्रणेची पाहणी आणि उपाययोजनांबाबत संबंधित अधिकाऱ्यांना निर्देश देण्यात आले.

दुष्काळाच्या काळात शेतीसह सर्वच ग्राहकांसाठी वीजपुरवठा सुरळीत राहणे महत्त्वाचे आहे. त्यामुळे क्षेत्रीय कार्यालयांतील अभियंते, यंत्रचालक आणि तारमार्ग कर्मचाऱ्यांनी आपापल्या मुख्यालयी उपस्थित राहणे बंधनकारक करण्यात आले आहे. कोणत्याही अधिकारी किंवा कर्मचाऱ्याला पूर्वपरवानगीशिवाय मुख्यालय सोडता येणार नाही, असे परिपत्रकात स्पष्ट करण्यात आले आहे.

दरम्यान, काही कारणामुळे वीजपुरवठा खंडित झाल्यास पर्यायी व्यवस्था करून अथवा तातडीने दुरुस्तीची कामे हाती घेऊन वीजपुरवठा पूर्ववत करण्याच्या सूचना देण्यात आल्या आहेत. या कामात हलगर्जीपणा किंवा हयगय करणाऱ्या अधिकारी-कर्मचाऱ्यांविरुद्ध शिस्तभंगाची कारवाई करण्यात येईल, असा इशाराही महावितरणने दिला आहे.

पनवेल : गणेशोत्सवादरम्यान उंच व अवजड गणेशमूर्तींच्या वाहतुकीवेळी होणारे अपघात तसेच विसर्जनानंतर भग्न मूर्तींची होणारी विटंबना रोखण्यासाठी राज्य सरकारने तातडीने कठोर नियमावली करावी, अशी मागणी पनवेलमधील जागरूक नागरिक तथा श्री मार्तंड देवस्थान, जेजुरीच्या माजी विश्वस्त नंदा प्रदीप राऊत यांनी केली आहे. याबाबत त्यांनी राज्याच्या गृह, नगरविकास आणि ऊर्जा विभागाला २९ सप्टेंबर रोजी कायदेशीर नोटीस स्वरूपातील निवेदन पाठविले आहे. या मागण्यांवर १५ दिवसांत ठोस निर्णय न झाल्यास मुंबई उच्च न्यायालयात जनहित याचिका दाखल करण्याचा इशाराही त्यांनी दिला आहे.

यंदाच्या गणेशोत्सवादरम्यान राज्यातील विविध भागांत मोठ्या गणेशमूर्तींच्या वाहतुकीदरम्यान अपघात झाल्याचा दावा या निवेदनात करण्यात आला आहे. दक्षिण मुंबईतील भुलेश्वर परिसरात २२ फूट उंच आणि सुमारे दोन टन वजनाची गणेशमूर्ती वाहून नेत असताना आधारयंत्रणा निकामी होऊन कोसळल्याची घटना घडली. या दुर्घटनेत दोघांचा मृत्यू झाला असून काही जण जखमी झाल्याचा उल्लेख निवेदनात आहे. याशिवाय धारावी आणि नालासोपारा परिसरातील मूर्ती वाहतुकीदरम्यान झालेल्या अपघातांचे संदर्भही यात देण्यात आले आहेत.

१० ते १२ फुटांची उंची मर्यादा

सार्वजनिक रस्ते, वाहतूक व्यवस्था आणि विजेच्या तारांची उंची लक्षात घेता, सार्वजनिक गणेशमूर्तींच्या उंचीवर संपूर्ण महाराष्ट्रासाठी कमाल १० ते १२ फुटांची कायदेशीर मर्यादा निश्चित करावी, ही प्रमुख मागणी यात करण्यात आली आहे. तसेच ठरावीक उंचीपेक्षा मोठ्या मूर्तींसाठी मान्यताप्राप्त अभियंत्याकडून ‘स्ट्रक्चरल ऑडिट प्रमाणपत्र’ बंधनकारक करावे, असेही नमूद केले आहे.

अधांतरी मूर्तींवर बंदीची मागणी

हवेत लटकणाऱ्या किंवा अत्यंत कमी आधारावर उभ्या असलेल्या 'अधांतरी' गणेशमूर्तींच्या रचनेवर बंदी घालावी, अशी मागणीही निवेदनात करण्यात आली आहे. मूर्ती पूर्णपणे स्थिर आणि सुरक्षित पद्धतीने उभारलेली असावी, तसेच देखाव्याच्या उभारणीमुळे मूर्तीच्या मूळ संरचनेवर कोणताही परिणाम होऊ नये, यावर भर देण्यात आला आहे.

विसर्जनासाठी स्वतंत्र नियमावली

भव्य मूर्तींच्या विसर्जनावेळी क्रेन किंवा अन्य यांत्रिक साधनांमुळे मूर्ती भग्न होण्याच्या घटनांना आळा घालण्यासाठी 'सन्मानपूर्वक विसर्जन नियमावली' लागू करावी, अशी मागणी करण्यात आली आहे. मोठ्या मूर्तींसाठी शहरनिहाय क्षमतेनुसार मोठे कृत्रिम विसर्जन तलाव आणि आवश्यक यांत्रिक सुविधा उपलब्ध करून द्याव्यात. विसर्जनानंतर समुद्रकिनारे व जलस्रोतांमध्ये राहिलेले मूर्तींचे अवशेष प्रशिक्षित यंत्रणेमार्फत गोळा करून त्यांची सन्मानपूर्वक विल्हेवाट लावावी, असेही निवेदनात म्हटले आहे.

ट्रॉली, रस्ते आणि विजेच्या तारांचे ऑडिट

मोठ्या मूर्तींच्या वाहतुकीसाठी वापरल्या जाणाऱ्या ट्रॉली, हायड्रॉलिक वाहने, वेल्डिंग व नट-बोल्ट्सची सुरक्षा तपासणी करून फिटनेस प्रमाणपत्र देण्याची ठोस व्यवस्था करावी. तसेच गणेशोत्सवापूर्वी आगमन व विसर्जन मार्गांचे रस्ते-ऑडिट करून खड्डे बुजवावेत, अनधिकृत गतिरोधक (स्पीडब्रेकर) हटवावेत आणि धोकादायक विजेच्या तारा सुरक्षित उंचीवर न्याव्यात, अशी मागणी करण्यात आली आहे.

राज्य सरकारने १५ दिवसांत या मागण्यांबाबत ठोस धोरण किंवा नियमावली जाहीर न केल्यास सार्वजनिक सुरक्षितता आणि धार्मिक श्रद्धेच्या रक्षणासाठी मुंबई उच्च न्यायालयात जनहित याचिका दाखल केली जाईल, असा इशारा नंदा राऊत यांनी दिला आहे. निवेदनासोबत संबंधित अपघातांचे पुरावे, वृत्तपत्रांतील कात्रणे, समाजमाध्यमांवरील व्हिडिओंंचे संदर्भ आणि शासनाला पाठविलेल्या कायदेशीर नोटिशीची प्रत जोडण्यात आल्याचे त्यांनी सांगितले.

पितृपक्षात पूर्वजांच्या आत्म्याच्या शांतीसाठी श्राद्धविधी केला जातो, ज्यामध्ये पितरांना नैवेद्य पोहोचवण्यासाठी कावळा हे प्रमुख माध्यम मानले जाते. कावळ्याला 'पितृलोकाचा संवाहक' मानले जाते

यमराजाच्या वरदानानुसार, कावळ्याला दिलेला नैवेद्य किंवा अन्न थेट यमलोकात असलेल्या पूर्वजांच्या (पितरांच्या) आत्म्याला तृप्ती देतो. त्यामुळे कावळा जेवला की पितरांचे पोट भरले आणि त्यांना शांती लाभली, अशी श्रद्धा आहे.

त्‍याच प्रमाणे पितृपक्षात कावळ्याला घास भरवण्यामागे काकभुशुंडी ॠषींचीही कथा आहे. रामायणातील संदर्भांनुसार अयोध्येतील 'काकभुशुंडी' हे भगवान रामाचे महान भक्त होते. त्यांना अमर राहण्याचे वरदान मिळाले होते.

काकभुशुंडीहे पहिले सामान्य माणूसच होते पण एका शापामुळे त्‍यांना लोमश ऋषींनी शाप दिला व त्‍यामुळे ते काकरुपातच राहिले काकभुशुंडींना दोन्ही लोकांमध्ये (इहलोक आणि परलोक) मुक्त संचाराची शक्ती होती.

काभुशुंडींना काल आणि मृत्यूचे भय नाही. ते भूत, वर्तमान आणि भविष्य तिन्ही काळ पाहू शकतात. पितृलोक हे पृथ्वी आणि उच्च लोकांच्या मधील सूक्ष्म जग मानले जाते. आपल्या पितरांना किंवा पुर्वजांची त्‍यांच्या मार्फत इच्छा पूर्ण करण्याची परंपरा सुरु झाली

काकभुशुंडींना मिळालेल्या वरदानानुसार, कावळ्याला अर्पण केलेले अन्न केवळ शारीरिक भूक भागवत नाही, तर ते सूक्ष्म तरंगांद्वारे पितरांच्या सूक्ष्म शरीरापर्यंत पोहोचते. अशी मान्यता आहे.

गरुड पुराणात कावळ्याचा संबंध यमराजाशी आणि काकभुशुंडींच्या आध्यात्मिक प्रभावाशी जोडला आहे. पितृपक्षात जेव्हा आपण 'काकबली' (कावळ्यासाठी काढलेला घास) देतो तो पितरांपर्यंत पोहोचतो अशी समजूत आहे

श्राद्धविधीत काढल्या जाणाऱ्या विशेष घासाला 'काकबलि' म्हटले जाते, ज्याद्वारे पितरांच्या आत्म्याला तृप्ती मिळावी म्हणून प्रार्थना केली जाते.

जोपर्यंत कावळा नैवेद्याला चोच लावत नाही, तोपर्यंत पितरांचे पोट भरले नाही किंवा त्यांची एखादी इच्छा अपूर्ण राहिली आहे, असा समज रूढ आहे.

त्रेतायुगात प्रभू श्रीरामांनी काकासुराला दिलेल्या वरदानामुळेही पितृपक्षात कावळ्याला अन्न अर्पण करणे अनिर्वाय मानले जाते.

काकभुशुंडींची ज्ञानपरंपरा आणि काकबलि विधी हे मानवाला स्वतःचा अहंकार सोडून निसर्ग आणि पूर्वजांप्रती कृतज्ञता व्यक्त करायला शिकवतात.

कॉफी पिण्याचा ट्रेंड

ब्लॅक कॉफी म्हणजे कॉफी आणि पाणी एवढेच. साखर, दूध किंवा क्रीम न घालता ती प्यायली जाते. मात्र कॉफीमध्ये दूध घातल्याने ती आपोआप अनहेल्दी होत नाही. मुख्य फरक हा दूधाचे प्रमाण, त्यातील फॅट आणि साखरेच्या वापरामुळे पडतो.

दूध घातल्याने कॉफीचे फायदे संपतात का?

नाही. दूध घातल्यामुळे कॉफीचे सर्व फायदे संपतात, असे ठोस पुरावे नाहीत. कॉफीमध्ये कॅफिनसह इतर घटक असतात आणि योग्य प्रमाणात कॉफी घेणे अनेक लोकांसाठी सुरक्षित असू शकते.

मग ब्लॅक कॉफीला एवढे महत्त्व का?

ब्लॅक कॉफीमध्ये अतिरिक्त दूध, क्रीम किंवा साखर नसल्यामुळे तिच्यातील कॅलरी कमी असतात. त्यामुळे वजन आणि कॅलरीचे प्रमाण नियंत्रित ठेवायचे असेल तर साधी ब्लॅक कॉफी हा सोपा पर्याय ठरू शकतो.

दूध घातल्यावर नेमका काय बदल होतो?

दूध घातल्यावर कॉफीमध्ये प्रोटीन, कॅल्शियम आणि काही अतिरिक्त कॅलरी मिळतात. कमी फॅटचे दूध वापरल्यास कॅलरी तुलनेने कमी राहू शकतात. त्यामुळे दूध घातलेली कॉफी म्हणजे शरीरासाठी नुकसानकारक पेय असे सरसकट म्हणता येत नाही.

खरी समस्या दूधापेक्षा साखरेची?

अनेकदा कॉफीमध्ये दूधासोबत साखर, फ्लेवर्ड सिरप किंवा क्रीमही मोठ्या प्रमाणात घातले जाते. यामुळे पेयातील कॅलरी आणि साखरेचे प्रमाण वाढते. वजन नियंत्रणाचा विचार करत असाल तर हा मुद्दा अधिक महत्त्वाचा आहे.

अॅसिडिटीचा त्रास असेल तर?

कॉफीमधील कॅफिन आणि नैसर्गिक अॅसिड काही लोकांमध्ये अॅसिडिटी किंवा अॅसिड रिफ्लक्स वाढवू शकतात. जास्त फॅट असलेले दूध किंवा क्रीमही काही लोकांमध्ये त्रास वाढवू शकते. अशावेळी कमी फॅटचे दूध, कमी प्रमाणातील कॉफी किंवा डिकॅफ कॉफी हा पर्याय विचारात घेता येतो.

दूधामुळे पोट बिघडू शकते का?

ज्यांना लॅक्टोज नीट पचत नाही, त्यांना दूध घातलेली कॉफी प्यायल्यानंतर गॅस, पोट फुगणे किंवा जुलाब होऊ शकतात. अशा व्यक्तींनी लॅक्टोज-फ्री किंवा योग्य प्लांट-बेस्ड मिल्कचा पर्याय डॉक्टर किंवा आहारतज्ज्ञांच्या सल्ल्याने निवडू शकतात.

कॉफी किती घ्यावी?

कॉफीचे फायदे मिळवण्यासाठी ती जास्त प्रमाणात पिण्याची गरज नाही. जास्त कॅफिन घेतल्यास अस्वस्थता, डोकेदुखी, हृदयाचे ठोके वेगाने जाणवणे किंवा अॅसिडिटीसारखे त्रास होऊ शकतात. प्रत्येक व्यक्तीची कॅफिन सहन करण्याची क्षमता वेगळी असते.

मग ब्लॅक की मिल्क कॉफी?

ब्लॅक कॉफी कमी कॅलरीचा पर्याय आहे; तर दूध घातल्यास प्रोटीन आणि कॅल्शियमसारखे पोषक घटक मिळू शकतात. त्यामुळे दूध घातल्याने कॉफी विषारी किंवा नुकसानकारक होते, असे नाही. मात्र साखर, क्रीम आणि फ्लेवर्ड सिरपचे प्रमाण कमी ठेवणे महत्त्वाचे आहे.

या उपांत्य लढतीत भारताचा स्फोटक फलंदाज ईशान किशनच्या फलंदाजीची जादू पाहायला मिळाली. सध्या उत्कृष्ट फॉर्मात असलेल्या ईशानने श्रीलंकेविरुद्धही आपली हीच लय कायम राखत नाबाद ८० धावांची वादळी खेळी साकारली. या महत्त्वपूर्ण खेळीच्या जोरावर त्याने तब्बल ८ वर्षांपूर्वीचा ऐतिहासिक कीर्तिमान मोडीत काढत अनेक दिग्गज खेळाडूंना मागे टाकले आहे.

सध्या आंतरराष्ट्रीय टी-२० फलंदाजांच्या आयसीसी क्रमवारीत ईशान किशन अव्वल स्थानी विराजमान आहे. त्याने उपांत्य सामन्यात मोक्याच्या क्षणी नाबाद ८० धावा ठोकत भारतीय संघाकडून टी-२० आंतरराष्ट्रीय क्रिकेटमध्ये पाचव्या किंवा त्यापेक्षा खालच्या क्रमांकावर फलंदाजी करताना सर्वोच्च वैयक्तिक धावसंख्या उभारण्याचा मान मिळवला. यापूर्वी हा विक्रम मनीष पांडेच्या नावावर होता; ज्याने २०१८ मध्ये सेंच्युरियन येथे दक्षिण आफ्रिकेविरुद्ध नाबाद ७९ धावांची खेळी केली होती.

भारतासाठी पाचव्या किंवा त्यापुढील क्रमांकावर फलंदाजी करताना सर्वाधिक धावा करणाऱ्या फलंदाजांच्या यादीत आता ईशान किशन (८०* वि. श्रीलंका, २०२६) अव्वल स्थानी पोहोचला आहे. या विक्रमी यादीत मनीष पांडे (७९* वि. दक्षिण आफ्रिका, २०१८) दुसऱ्या स्थानी, युवराज सिंग (७७* वि. ऑस्ट्रेलिया, २०१३) तिसऱ्या स्थानी, हार्दिक पंड्या (७१* वि. ऑस्ट्रेलिया, २०२२) चौथ्या स्थानी, तर रिंकू सिंहने अनुक्रमे अफगाणिस्तानविरुद्ध नाबाद ६९ (२०२४) आणि दक्षिण आफ्रिकेविरुद्ध नाबाद ६८ (२०२३) धावांसह या यादीत स्थान कायम राखले आहे.

दुसरीकडे, श्रेयस अय्यरच्या नेतृत्वाखाली खेळणाऱ्या भारतीय संघाने श्रीलंकेविरुद्ध धावांच्या फरकाने आपल्या सर्वात मोठ्या टी-२० विजयाची नोंद केली. यापूर्वी भारताने २०१७ मध्ये कटकच्या मैदानावर श्रीलंकेविरुद्ध ९३ धावांनी सर्वात मोठा विजय मिळवला होता, तो विक्रम आता भारताने मागे टाकला आहे. तसेच, श्रीलंकेच्या संघाचा आंतरराष्ट्रीय टी-२० क्रिकेटमध्ये १०० किंवा त्यापेक्षा जास्त धावांच्या फरकाने झालेला हा तिसरा मोठा पराभव ठरला आहे.

अँटिऑक्सिडंट्सचा समृद्ध स्त्रोत

कढीपत्त्यामध्ये पॉलीफिनोल्स आणि फ्लेव्होनॉइड्स भरपूर प्रमाणात असतात, जे शरीरातील पेशींचे ऑक्सिडेटिव्ह ताणापासून रक्षण करतात.

पाचक क्रिया सुधारते

कढीपत्त्यामध्ये असणारे वनस्पती घटक पचन संस्था निरोगी ठेवण्यास आणि पचनकार्यास मदत करतात.

रक्तातील साखरेवर नियंत्रण

काही अभ्यासानुसार कढीपत्त्यामुळे ग्लुकोज चयापचय क्रियेवर चांगला प्रभाव पडू शकतो, मात्र यावर मानवावरील पुरावे अजून मर्यादित आहेत.

केस आणि त्वचेसाठी फायदेशीर

कढीपत्त्यातील अँटिऑक्सिडंट्स आणि पोषक घटक अप्रत्यक्षपणे केस आणि त्वचेच्या आरोग्यासाठी उत्तम मानले जातात.

सूक्ष्म पौष्टिक घटक

या पानांमध्ये जीवनसत्त्वे, खनिजे आणि इतर फायदेशीर घटक असतात, जरी पाण्यात उतरणारे प्रमाण थोडे कमी असले तरी ते पौष्टिक ठरते.

पाणी तयार करण्याची साधी पद्धत

८ ते १० ताजे कढीपत्त्याचे पान स्वच्छ धुऊन १ ते १.५ कप पाण्यात ५ ते १० मिनिटे उकळवून घ्या.

सेवनाची सोपी पद्धत

उकळलेले पाणी थोडे थंड झाल्यावर तुम्ही त्याचे सेवन करू शकता.

सेवनाची पद्धत

तुम्हाला हवे असल्यास कढीपत्त्याची पाने गरम पाण्यात थेट भिजवून देखील ते पाणी पिऊ शकता.

साहित्य: सुक्या नारळाच्या शेंड्या, १ सुती धागा / काथ्याची दोरी किंवा ताग

नारळाच्या शेंड्यांमधील भुकटी (कोकोपीट) हाताने झटकून पूर्णपणे काढून घ्या.

फक्त लांब आणि मजबूत काथ्याचे धागे शिल्लक ठेवा.

शेंड्या हाताच्या तळहातावर किंवा ४ बोटांभोवती घट्ट गोल गुंडाळून घ्या.

भांडी घासण्यासाठी सोयीचा पडेल इतका गोल आकार द्या.

या काथ्याच्या गुंडाळीला मध्यभागी आणि बाजूने सुती धाग्याने घट्ट गाठ मारा

यामुळे भांडी घासताना काथ्या सुटणार नाही.

कडांना आलेले जास्त लांब धागे कात्रीने कापून नीट करा

तुमचा इको-फ्रेंडली स्क्रबर वापरण्यासाठी तयार आहे.

मटण हा भारतीय आहारातील लोकप्रिय पदार्थ आहे. आठवड्याला किंवा विशेष प्रसंगी अनेकांच्या घरात मटणाच्या जेवणाचा बेत केला जातो

मटणामधील उच्च दर्जाची प्रथिने, लोह, झिंक आणि व्हिटॅमिन बी-१२ यांसारखे पोषक घटक शरीराला मिळण्यास मदत होऊ शकते

२ ते ५ वयोगटातील मुलांना मटण चांगले शिजवून, मऊ करून आणि कमी प्रमाणात द्यावे. एका वेळी साधारण ३० ते ५० ग्रॅम शिजलेले मटण द्यावे

६ ते १२ या वयात मुलांची शारीरिक आणि मानसिक वाढ वेगाने होते, प्रथिने, लोह आणि झिंक यांची गरज पूर्ण करण्यासाठी आहारात मटणाचा वापर करावा

१३ ते १८ या वाढत्या वयात स्नायूंची निर्मिती आणि हार्मोनल बदल वेगाने होतात. त्यामुळे या वयोगटात ७५ ते १०० ग्रॅम शिजलेले मटण एका वेळी घेता येऊ शकते

१८ ते ४० वर्षे : शारीरिक हालचालींनुसार तरुण वयात शरीराची ऊर्जा आणि प्रथिनांची गरज भागविण्यासाठी ७५ ते १०० ग्रॅम मटण एका जेवणात पुरेसे असू शकते

४० ते ५० या वयात वजन, रक्तदाब किंवा रक्तातील कोलेस्टेरॉलशी संबंधित समस्या दिसू लागतात. त्यामुळे मटण खाताना चरबीचे प्रमाण आणि स्वयंपाकाची पद्धत महत्त्वाची ठरते

पन्नाशीनंतर शरीराची ऊर्जा गरज कमी होते. त्यामुळे जास्त मटण खाणे आवश्यक नसते. साधारण ५० ते ७५ ग्रॅम मटण एका वेळी घेणे पुरेसे ठरू शकते

साधारण ५० ते ७५ ग्रॅम शिजलेले मटण एका वेळी पुरेसे ठरू शकते. किडनी, हृदय किंवा इतर दीर्घकालीन आजार असल्यास वैयक्तिक आहारतज्ज्ञांचा सल्ला घेणे अधिक योग्य ठरते

केवळ २०२६ च्या पहिल्या ५५ दिवसांत, अंमलबजावणी यंत्रणांनी ८.२९ कोटी रुपयांच्या दंडाची ७,५८८ चलान नोंदवली. परिवहन विभागाने स्पष्ट केले आहे की, पीयूपी उल्लंघनांची एआय-आधारित अंमलबजावणी अद्याप सुरू झालेली नाही.

वाहतूक अधिकारी सध्या प्रामुख्याने रस्त्याच्या कडेला अंमलबजावणीद्वारे प्रदूषणाशी संबंधित उल्लंघनांची नोंद करत आहेत. यामध्ये पीयूपी प्रमाणपत्रांच्या वैधतेची तपासणी समाविष्ट आहे. राज्याच्या सीमांवर नव्याने स्थापित केलेली एआय-सक्षम टोल-बूथ प्रणाली पीयूपीची वैधता तपासण्यासाठी एक स्वतंत्र यंत्रणा म्हणून काम करते.

नव्याने बसवलेल्या एआय ट्रॅफिक कॅमेऱ्यांद्वारे नोंदणीसाठी सध्या सूचीबद्ध असलेले १० गुन्हे (पीयूपी उल्लंघन वगळून) सीटबेल्ट न लावणे, हेल्मेट न घालणे, विमा नसणे, गाडी चालवताना फोन वापरणे, दुचाकीवर तिघे बसणे, वाहतूक सिग्नलचे उल्लंघन, पार्किंग न करणे, आकर्षक नंबर प्लेट, चुकीच्या लेनमधून गाडी चालवणे आणि अतिवेगाने गाडी चालवणे, आदी गुन्ह्यांचा समावेश आहे.

२०२३ मध्ये, अधिकाऱ्यांनी सार्वजनिक वाहतूक संहितेच्या उल्लंघनासाठी ६५.११ लाख रुपयांच्या ४७४ चालानांची नोंद केली. यामध्ये मालवाहू वाहनांची संख्या सर्वाधिक ११९ होती, त्यापाठोपाठ मालवाहू जड वाहनांची ११३ प्रकरणे होती. एकूण प्रकरणांपैकी, १५.२७ लाख रुपयांची १०१ चलने निकाली काढण्यात आली, तर ४९.८४ लाख रुपयांची ३७३ चलने प्रलंबित राहिली.

२०२४ मध्ये २३१ चलनांचा निपटारा:

२०२४ मध्ये आकडेवारीत वाढ झाली, ज्यात ७६.०३ लाख रुपयांच्या ५१८ चालानांचा समावेश होता. मालवाहू वाहने पुन्हा एकदा १८४ प्रकरणांसह या प्रकारात अव्वल ठरली. त्यापाठोपाठ निवडक वाहन वर्ग ५८ आणि मोटारसायकल/स्कूटर्स ५६ प्रकरणांसह होते. ३८.८३ लाख रुपयांच्या २३१ चलनांचा निपटारा झाला, तर ३७.२० लाख रुपयांची २८७ चलने प्रलंबित राहिली.

२०२५ मध्ये मोठी वाढ:

२०२५ मध्ये मोठी वाढ नोंदवली गेली, जेव्हा ८.४५ कोटी रुपयांची ७,४०१ चलानं जारी करण्यात आली. यामध्ये एकट्या लाईट मोटार वाहनांची ४,८०९ प्रकरणे होती, त्यापाठोपाठ अवजड मालवाहू वाहनांची ४४१ प्रकरणे होती. एकूण ८.०५ कोटी रुपयांची ५४८ आणि ७,०७७ चलानं निकाली काढण्यात आली, ज्यामुळे ३९.३१ लाख रुपयांची ३२४ चलने प्रलंबित राहिली.

याप्रकरणी मृत विलास घुलेंचा भाऊ रमेश घुले यांच्या तक्रारीवरून दहा आरोपी विरुद्ध खुनाचा गुन्हा दाखल करण्यात आला होता. त्याचा तपास सीआयडीने करून दहा आरोपी विरुद्ध दोषारोप पत्र न्यायालयात दाखल केले आहे.

भाऊ रमेश घुले यांच्या तक्रारी वरून आरोपी विरुद्ध केज पोलीस ठाण्यात गु. र. नं. ३९२/२०२६ भा. न्या. सं. १०३(१), १८९(२), १९१(२), १९३(३), १९०, ११८(१) प्रमाणे खुनासह इतर गुन्हे दाखल झाले होते.

त्यानंतर हा तपास सहाय्यक पोलिस अधीक्षक वेंकटराम यांच्या एसआयटी पथकाने करून यातील आरोपींना वेगवेगळ्या ठिकाणाहून ताब्यात घेतले. त्या नंतर हा तपास सीआयडीकडे वर्ग करण्यात आला होता.

सीआयडी पथकाने तपास पूर्ण झाल्या नंतर दि. १५ सप्टेंबर रोजी रामेश्वर धर्मराज गायकवाड, बाबासाहेब गोरुबा उर्फ गोरख कदम, मंगेश गोरुबा उर्फ गोरख कदम, शुभम रामेश्वर गायकवाड, सुरज उर्फ भैय्यासाहेब उत्तरेश्वर गायकवाड, राजकुमार मोहन मोरे, बंकट उर्फ ​​अजय राम कदम, दीपक परसराम कदम, नवनाथ परसराम कदम आणि संतोष नरहरी कदम या दहा आरोपींच्या विरुद्ध केज न्यायालयात दोषारोप पत्र दाखल करण्यात आले आहे.

त्यावर दि. १६ सप्टेंबर रोजी न्यायालयात सुनावणी झाली. त्यावर पुढील सुनावणी २९ सप्टेंबर रोजी प्रथमवर्ग कनिष्ठ न्यायाधीश श्रीमती पी टी चव्हाण यांच्या समोर सुनावणी झाली. प्रथमवर्ग कनिष्ठ न्यायाधीश श्रीमती पी टी चव्हाण यांनी आता ही प्रकरण अतिरिक्त जिल्हा सत्र न्यायालय केज येथे वर्ग करण्यात येत असल्याचा आदेश दिला आहे. त्यामुळे आता विलास घुले खून प्रकरण हे आता केज येथील अतिरिक्त जिल्हा सत्र न्यायालयात चालणार आहे.

लातूर, पुढारी वृत्तसेवा : सहकार विभागाकडे प्राप्त तक्रारीच्या आधारे देवणी तालुक्यातील वलांडी व कवठाळा येथे कथित अवैध सावकारीप्रकरणी सहकार विभाग आणि पोलिसांच्या संयुक्त पथकाने बुधवारी (दि. ३०) तीन ठिकाणी एकाचवेळी झडती घेतली. वलांडी येथील पांडुरंग रामचंद्र पांचाळ यांच्या वलांडी व कवठाळा येथील राहत्या घरांसह वलांडी येथील श्रीराम मोबाईल शॉपचा यात समावेश आहे.

जिल्हाधिकारी डॉ. भारत बास्टेवाड व पोलिस अधीक्षक अमोल तांबे यांच्या मार्गदर्शनाखाली, विभागीय सहनिबंधक नानासाहेब चव्हाण आणि जिल्हा उपनिबंधक विष्णू पोतंगले यांच्या नियंत्रणाखाली ही कारवाई करण्यात आली. पथक प्रमुख म्हणून दीपक कांबळे, श्याम जाधव आणि रवी गायकवाड यांनी काम पाहिले.

कारवाईदरम्यान पोलिस व सामाजिक वनीकरण विभागाच्या कर्मचाऱ्यांनी सहकार्य केले. झडतीदरम्यान कथित अवैध सावकारी व्यवहाराशी संबंधित हिशोब वह्या तसेच खरेदी-विक्रीचे विविध दस्तऐवज पथकाने ताब्यात घेतले आहेत. ताब्यात घेण्यात आलेल्या कागदपत्रांची तपासणी करून पुढील चौकशी करण्यात येत आहे. महाराष्ट्र सावकारी (नियमन) अधिनियम २०१४ मधील कलम १६ अन्वये या प्रकरणाची सखोल चौकशी सुरू असल्याचे सहकार विभागाने सांगितले.

देवणी तालुक्यासह जिल्ह्यातील नागरिकांनी अवैध सावकारी व्यवहारांची माहिती सहकार विभागाच्या जिल्हा निबंधक (सावकारी) तथा जिल्हा उपनिबंधक कार्यालयाकडे किंवा संबंधित तालुक्यातील सहायक निबंधक कार्यालयाकडे गोपनीय स्वरूपात द्यावी, असे आवाहन करण्यात आले आहे.

माहिती देणाऱ्या तक्रारदाराचे नाव गोपनीय ठेवण्यात येईल. अवैध सावकारीविरोधात कठोर कारवाई करण्यासाठी नागरिकांनी पुढे यावे, असे देवणीचे सहायक निबंधक एम. डी. कच्छवे यांनी सांगितले.

रोहा तालुक्यातुन रोहा बाजारपेठेत सध्या जिबूडची आवक मोठ्या प्रमाणात वाढली आहे. असेच काहीसे चित्र रोहा तालुक्यातील कोलाड, नागोठणे, चणेरा बाजारपेठेत दिसून येत आहे. मोठ्या प्रमाणात आदिवासी बांधवासह स्थानीक शेतकरी बाजारात जिबुड विक्रीला आणत आहेत. खवय्यांना चांगला पर्याय बाजारात मिळाला आहे. त्यामुळे या फळाला बाजारात मागणी वाढली आहे.

रोहा बाजारपेठेत मोठ्या प्रमाणात पिकलेल्या जिबुडची आवक वाढली आहे. बाजारात जिबूडला साधारणता एक नगाला २०,३०, ५० ते १५० रुपये आकारानुसार दर मिळत आहे. एक शेतकरी किमान, पाच, दहा ते पंधरा जिबुड बाजारात विक्रीस आणत आहे.

साधारणता एक,दोन, अडीच ते तीन किलो पर्यंत जिबुडचे वजन आहे. बाजारात पिवळ्या, किंचित लालसर रंगाच्या जिबुडचा घमघमाट पाहवायास मिळतो. मोठ्या प्रमाणात जिबुड बाजारात विक्रीला उपलब्ध झाला असून आदिवासी बांधवांसह स्थानिक शेतकऱ्यांना चांगला रोजगार हंगामी काळात मिळाला आहे. त्याची विक्री करणाऱ्या आदिवासी बांधवांना यामुळे रोजगाराचे साधन उपलब्ध झाले आहे.

पावसाळा सुरू झाल्यानंतर आदिवासी बांधव व स्थानिक शेतकरी आपल्या परिसरात अथवा परस बागेत एक किंवा दोन गुंठ्यात वाफे करून जिबुडाची लागवड करत असतात.गणेशोत्सवाच्या दरम्यान जिबुड उत्पादनाला सुरुवात होते. साधारणतः एका वेलीस किमान पाच व त्यापेक्षा जास्त जिबुड लागलेले असतात. साधारणता गणेशोत्सव ते दसऱ्यापर्यंत याचा हंगाम असतो. पाऊस व पिकावर या उत्पादनाचे हंगाम कळते.

ग्रामीण भागातील आदिवासी कुटुंबांसाठी हंगामी रोजगाराचे हे महत्त्वाचे साधन ठरत असून, जिबूडच्या वाढलेल्या आवकेमुळे बाजारपेठेतही चांगलीच खवय्यांची खरेदीसाठी लगबग पाहायला मिळत आहे. जिबुड विक्रीतून आदिवासी बांधवांच्या कुटुंबाला उदारनिर्वाला हातभार लागतो. शेतकऱ्यांकडून पिकलेले जिबुड त्यातून बीजे बाहेर काढून राखेत मिसळून पुढच्या वर्षासाठी हे बियाणे जतन केले जाते.

महादेव करे : तालुका कृषी अधिकारी रोहा

स्थानिक शेतकऱ्यांना चांगला फायदा होत असून हे फळ साधारणता ऑगस्टनंतर बाजारात येत असतो. पोटाचा विकारावर गुणकार हे फळ असल्याने नागरिकांना हे फळ उपयुक्त ठरत असतो. आदिवासी बांधव व स्थानिक शेतकरी आपल्या परसबागेत याची लागवड करीत असतात.

प्लंबरने नेत्यान्याहूंना सांगितला सगळा घटनाक्रम

यानिव्हने को पायलटला बाजूला करण्यात आणि विमानाचा ताबा पुन्हा कमांडिग पायलटला मिळवून देण्याचे मोठे काम केले होते. मात्र एका प्लंबरला विमान कसं उडवायचं हे कसं माहिती होतं. अन् विमानाचे अत्यंत क्लिष्ट कंट्रोल्स त्याने कसे सांभाळले असा प्रश्न आपल्या मनात नक्कीच आले असतील. याबाबतचा खुलासा खुद्द यानिव्हनेच केला आहे.

यानिव्ह इस्त्रायलचे पंतप्रधान नेतान्याहू यांच्याशी बोलताना त्या वेळी काय झालं हे देखील सांगितलं. तो म्हणाला की, ती एक वाईट घटना होती. मात्र देवाचे आभार की आम्ही त्याला यशस्वी होऊ दिलं नाही. आम्ही त्याला (सह पायलट) जवळपास मारहाण केली. आम्ही मी आणि झिका, शोटा यांनी एक टीम म्हणून काम केलं. देवाचे आभार की आम्ही त्यात यशस्वी झालो. आम्हाला भीती होती. आम्हाला काही करून वाचायचं होतं. त्यामुळं आमच्या हातून ते झालं.

अचानक कॉकपिटचा दरवाजा उघडला अन्...

यानिव्हने नेमका घटनाक्रम सांगितला. तो म्हणाला, 'अचानक कॉकपिटचा दरवाजा अनलॉक झाला. आम्ही कसं तरी करून तो दरवाजा उडला. मी आणि माझ्यासोबत बहुदा एक क्रू मेंबर होता. आम्ही पाहिले की एक पायलट ज्याला भोसकण्यात आलं होतं तो दरवाजाच्या दुसऱ्या बाजूला खाली पडला होता. मात्र त्यानं बेशुद्ध होण्यापूर्वी कॉकपिटचा दरवाजा उघडला होता.

त्यापूर्वी कोणीतरी ओरडलं. एक महिला स्टॅबिंग असं ओरडताना दिसली त्यावेळी आम्हाला कळालं की हल्ला झाला आहे. विमान खूप हेलकावे खात होतं. त्यानंतर मी कॉकपिटकडे धावलो. त्यावेळी विमान वेगाने खाली उतरत होते. आम्ही पळालो आणि त्या को पायलटला आम्ही ओढून बाहेर काढलं. तो विमान नष्ट करण्याचा प्रयत्न करत होता. तो कंट्रोल्स नष्ट करण्याचा प्रयत्न करत होता.

मी एअर क्रॅशचे टीव्ही शो पाहतो

आम्ही त्याला बाहेर काढल्यानंतर मी विमानाचा ताबा घेतला आणि विमानाचे स्टेअरिंग ओढू लागलो. मी खाली जाणारे विमान सरळ रेषेत आणले. मी टीव्ही शो पाहतो त्यात मला हे स्टेअरिंग ओढायचं असतं हे समजलं होतं. मी दोन्ही स्टेअरिंगवर कोणी नव्हत हे पाहून एक स्टेअरिंग ओढलं.

आम्हाला माहिती नव्हतं की आम्ही सौदीत लँड करतोय. फ्लाईट अटेंडंटने सांगितलं की आपण सौदी अरेबियात लँड करतोय. मात्र याचा आम्हाला काही फरक पडत नव्हता आम्ही लँड करतोय हेत महत्वाचं होतं. यानिव्ह ज्यावेळी विमानातून खाली उतरला त्यावेळी तो रक्ताने माखला होता. मात्र ते रक्त त्याचे नव्हते तर त्या को पायलटचे होते.

शिवनाथ जाधव

टाकरवन : पावसाने पाठ फिरवल्याने निर्माण झालेल्या भीषण दुष्काळाची झळ आता शेतमजूर आणि रोजंदारीवर जगणाऱ्या कुटुंबांना मोठ्या प्रमाणात बसू लागली आहे. शेतीची कामे ठप्प झाली असून हाताला रोजगार मिळत नसल्याने रोज कमावून रोज खाणाऱ्या मजूर कुटुंबांसमोर उदरनिर्वाहाचा गंभीर प्रश्न निर्माण झाला आहे. कामाच्या शोधात दररोज चौकात येऊन रिकाम्या हाताने घरी परतण्याची वेळ मजुरांवर आली असून, 'खायचे काय आणि जगायचे कसे?' असा सवाल त्यांच्याकडून उपस्थित केला जात आहे.

दुष्काळामुळे विहिरी आणि कूपनलिकांच्या पाण्याची पातळी मोठ्या प्रमाणात खालावली आहे. पाण्याअभावी पिके करपून गेल्याने शेतकऱ्यांचेही मोठे नुकसान झाले आहे. परिणामी, शेतकऱ्यांकडे शेतीची कामेच उपलब्ध नसल्याने मजुरांना रोजगार मिळणे बंद झाले आहे. ग्रामीण भागात शेती हाच मजुरांसाठी प्रमुख रोजगाराचा आधार असल्याने शेतीचे नुकसान थेट त्यांच्या कुटुंबाच्या चुलीवर परिणाम करणारे ठरले आहे.

रोजगाराचा अभाव आणि वाढती महागाई यामुळे मजुरांचे आर्थिक गणित पूर्णपणे कोलमडले आहे. घरातील वृद्धांचा औषधोपचार, मुलांचे शिक्षण, अन्नधान्य आणि दैनंदिन गरजा भागविणेही कठीण झाले आहे. उत्पन्नाचे साधन नसल्याने अनेक कुटुंबांवर उधारी आणि कर्जाचा भार वाढत असून, काही कुटुंबांना रोजगाराच्या शोधात स्थलांतर करण्याची वेळ येण्याची भीती व्यक्त होत आहे. दुष्काळी परिस्थितीत शेतकरी आणि शेतमजूर अशा दोन्ही घटकांना शासनाने तातडीने दिलासा देण्याची गरज आहे. मजुरांना आर्थिक मदत देण्याबरोबरच गावपातळीवर मोठ्या प्रमाणात रोजगार हमीची कामे सुरू करावीत, अशी मागणी होत आहे.

सरकारने आम्हाला काय दिले?'

सध्या हाताला कसलेही काम नसल्यामुळे घराचा गाडा चालवायचा कसा, असा प्रश्न निर्माण झाला आहे. सरकारने शेतकऱ्यांना कर्जमाफी आणि अनुदान दिले; परंतु आमच्यासाठी काय केले ? आमचा संसार हाताला मिळणाऱ्या कामावर अवलंबून आहे. अशा कठीण काळात सरकारने आम्हालाही आर्थिक मदत करून रोजगार उपलब्ध करून द्यावा, अशी व्यथा देवबाई नंदू पटेकर, मजूर महिला, टाकरवन यांनी व्यक्त केली.

सध्या दुष्काळामुळे शेतीची पिके पूर्णपणे उद्ध्वस्त झाली आहेत. त्यातच मजूर वर्गाच्या हाताला काम मिळत नसल्याने त्यांच्यावर उपासमारीची वेळ आली आहे. शासनाने काम मागणाऱ्या मजुरांना ३० हजार रुपयांची आर्थिक मदत द्यावी. तसेच रामजी रोजगार हमी योजना बंद करून नरेगा रोजगार हमी पुन्हा प्रभावीपणे सुरू करावी. काम मागणी अर्जाची व्यवस्था असल्यास रोजगाराची गरज असलेला मजूर ग्रामपंचायतीकडे कामाची मागणी करू शकतो. त्यामुळे दुष्काळाच्या काळात मजुरांना गावातच रोजगार उपलब्ध होईल, अशी मागणी बळीराम मुंबे, शेतमजूर युनियन राज्य कोषाध्यक्ष यांनी केली.

१. शरीराच्या अवयवांची ओळख करून द्या

बाळाला शरीराच्या अवयवांची नावे सांगा. “हे माझे नाक आहे, तुझी नाक कुठे आहे?” असे विचारा. खेळताना हात, पाय, डोळे, कान यांची ओळख करून द्या.

२. रोजच्या वस्तूंची नावे शिकवा

बाळ रोज अनेक वस्तू पाहते. त्यांची नावे वारंवार सांगा. बॉल, कप, चमचा, पुस्तक, गाडी अशा सोप्या शब्दांपासून सुरुवात करा.

३. प्राणी आणि त्यांचे आवाज शिकवा

चित्रांच्या मदतीने प्राण्यांची ओळख करून द्या. “हा कुत्रा. कुत्रा भुंकतो.” असे सांगा. मांजर, बदक, सिंह अशा प्राण्यांचीही माहिती द्या.

४. रंगांची ओळख करून द्या

बाळाला वेगवेगळे रंग दाखवा. “हा लाल चेंडू आहे”, असे सांगू शकता. कपडे आणि खेळण्यांच्या माध्यमातून रंग शिकवणे सोपे जाते.

५. सोपे अॅक्शन शब्द शिकवा

“या”, “बसा”, “टाळी वाजवा” असे शब्द वापरा. शब्द बोलताना कृतीही करून दाखवा.
यामुळे बाळाला शब्द आणि कृती हे समजू लागते.

६. छोटे-छोटे आदेश द्या

बाळाला अगदी सोपी कामे सांगा. “चेंडू आण”, “हे इथे ठेव” असे बोलू शकता. बाळाने प्रयत्न केला तर त्याचे कौतुक करा.

७. कारण आणि परिणाम समजू द्या

बाळाला स्वतः गोष्टी करून पाहू द्या. बटण दाबल्यावर आवाज होतो. गाडी ढकलल्यावर ती पुढे जाते. अशा कृतींमधून बाळाला कारण-परिणाम समजू लागतो.

८. छोटी कामे स्वतः करू द्या

बाळाला स्वतः खाण्याचा प्रयत्न करू द्या. खेळणी जागेवर ठेवू द्या. पाण्याचा कप पकडू द्या. पुस्तकाची पाने स्वतः उलटू द्या.

बाळाला शिकवताना घाई करू नका!

प्रत्येक बाळाचा शिकण्याचा वेग वेगळा असतो. त्याच्यावर कोणतीही गोष्ट लादू नका.
खेळता-खेळता आणि प्रेमाने शिकवा. तुमचे कौतुक बाळाचा आत्मविश्वास वाढवेल.

मंदिर की छोटा किल्ला? तुळजापूर मंदिराला किल्ल्यासारखी तटबंदी का आहे?

परळी, पुढारी वृत्तसेवा घराच्या बांधकामासाठी घेतलेले पैसे फेडल्यानंतर गहाण ठेवलेली सोन्याची अंगठी परत घेऊन घरी जात असलेल्या ६८ वर्षीय शेतकऱ्याची अनोळखी तिघांनी फसवणूक करून अंगठी लंपास केल्याची घटना परळीत घडली. याप्रकरणी परळी शहर पोलिस ठाण्यात तिघा अनोळखी व्यक्तींविरुद्ध गुन्हा दाखल करण्यात आला आहे.

गणपत लक्ष्मण आंधळे (६८, रा. हेळंब, ता. परळी) यांनी दिलेल्या फिर्यादीनुसार, त्यांनी बांधकामासाठी परळीतील एका सराफा व्यापाऱ्याकडे १० ग्रॅम वजनाची सोन्याची अंगठी गहाण ठेवून १ लाख ९ हजार रुपये घेतले होते.

घेतलेली रक्कम परत केल्यानंतर ते अंगठी घेऊन घरी जाण्यासाठी निघाले होते. घरणीकर रोडचे बस स्टॅन्ड रस्त्यावरील बस स्थानकासमोरील ऑटो रिक्षा पॉईंट परिसरात एका अनोळखी व्यक्तीने त्यांना हटकले. त्यानंतर आणखी दोन व्यक्ती तेथे आल्या. तिघांनी त्यांना धार्मिक स्थळाचा पत्ता विचारत संभाषण सुरू केले.

याचवेळी एका व्यक्तीने हातातील खड्याबाबत बोलून वृद्धाला विशिष्ट पद्धतीने हात बंद करून चालण्यास सांगितले. त्यानंतर तिघांनी त्यांना सावलीच्या ठिकाणी नेले. एक रुद्राक्ष दाखवला. या तिघांनी त्यांच्या हातातील सोन्याची अंगठी काढून रुमालात बांधण्यास सांगितले. त्यानंतर त्यांचे लक्ष दुसरीकडे वळवून अंगठी लंपास केली. काही वेळाने रुमाल तपासला असता त्यामध्ये अंगठी आढळली नाही. चोरी झालेल्या अंगठीची किंमत अंदाजे १ लाख ७ हजार रुपये असल्याचे फिर्यादीत नमूद आहे.

अनंत चतुर्दशीच्या दुसऱ्या दिवशी म्हणजेच शनिवार, २६ सप्टेंबर २०२६ पासून सुरू झालेली ही वाहतूककोंडी दिवसेंदिवस अधिक बिकट होत चालली असून संपूर्ण जेएनपीए पोर्ट परिसराला याचा मोठा फटका बसला आहे. या पार्श्वभूमीवर 'कंटेनर फ्रेट स्टेशन्स असोसिएशन ऑफ इंडिया' ने परिपत्रक काढून (ट्रेड ॲडव्हायझरी) आयात-निर्यात क्षेत्रातील सर्व घटकांना परिस्थितीची पूर्वकल्पना दिली आहे.

गेल्या ३ ते ४ दिवसांत 'एनएसआयसीटी' टर्मिनल परिसरातील वाहतूक कोंडीचा प्रभाव इतर टर्मिनल्स आणि जोड रस्त्यांवरही पडला आहे. त्यामुळे ट्रेलर्सना तासन् तास रांगेत उभे राहावे लागत असून टर्नअराउंड वेळेत अभूतपूर्व वाढ झाली आहे. रस्त्यांवर वाहनांच्या लांबच लांब रांगा लागल्याने इतर टर्मिनल्सकडे जाणाऱ्या वाहनांचीही कोंडी झाली असून परिस्थिती अत्यंत गंभीर बनली आहे.

असोसिएशनने स्पष्ट केले आहे की, सर्व सदस्य सीएफएस उपलब्ध संसाधनांचा पुरेपूर वापर करून कामकाज सुरळीत ठेवण्याचा प्रयत्न करत आहेत. मात्र, पोहोच रस्त्यांवर लागलेली प्रचंड वाहतूक कोंडी ही सीएफएसच्या नियंत्रणाबाहेरची आहे. त्यामुळे होणारा विलंब हा प्रत्यक्ष रस्त्यावरील वाहतूक कोंडीमुळे असून तो सीएफएसच्या कामकाजातील त्रुटींमुळे नाही, असे असोसिएशनने स्पष्ट केले आहे.

या वाहतूक कोंडीमुळे होणाऱ्या विलंबासाठी आणि त्याच्या परिणामांसाठी सदस्य सीएफएस जबाबदार राहणार नाहीत, असेही 'सीएफएसएआय'चे सरचिटणीस यांनी प्रसिद्ध केलेल्या परिपत्रकात नमूद केले आहे.

आतापर्यंत आठ संशयितांना या गोळीबार प्रकरणात क्राईम ब्राँचने अटक केली आहे. त्यामध्ये कार चालक दिनाथ त्रिलोकी कोरी, शुटर्स संशयित अर्पुथराज उर्फ अण्णा नडार व बाबू अली तसेच संशयित पवन सौर, काझू शेख, इसार अली व सूरज आचार्य तसेच सतीश शिंदे यांचा समावेश आहे. सर्व संशयित सध्या कोठडीतच आहेत. आणखी एक संशयित गोपाळ नाईक हा फरारी आहे.

सुनावणी ८ ऑक्टोबर रोजी

पोलीस कोठडीत असलेला बोरीवली (मुंबई) येथील संशयित सतीश शिंदे याने उच्च न्यायालयात अर्ज करून या हल्ल्याशी त्याचा काहीही संबंध नसल्याचा दावा करून त्याला सोडून देण्याचे निर्देश द्यावी अशी विनंती केली आहे. श्रीनिवास नायक यांनी हस्तक्षेप अर्ज सादर करून त्यांच्या जीवाला धोका असल्याचा दावा करून त्याला विरोध केला आहे. हे अर्ज (बुधवारी) सुनावणीस आले; त्यावरील सुनावणी ८ ऑक्टोबरपर्यंत तहकूब करण्यात आली.

आष्टी, पुढारी वृत्तसेवा: आष्टी तालुक्यातील दुष्काळाच्या प्रश्नावरून सुरू झालेल्या राजकीय संघर्षाला आता वैयक्तिक आरोप-प्रत्यारोपांची धार आली आहे. माजी आमदार बाळासाहेब आजबे यांनी दुष्काळी मोर्चात केलेल्या आरोपांना महानंदच्या संचालिका प्राजक्ता धस यांनी आक्रमक प्रत्युत्तर दिले आहे. "मॅडमला आवरा, असे म्हणणाऱ्या बाळासाहेब आजबेंनीच आधी जिभेला आवर घालावा. माझ्यावर केलेले आरोप त्यांनी सिद्ध करून दाखवावेत; अन्यथा अब्रुनुकसानीचा दावा दाखल करू," असा इशारा प्राजक्ता धस यांनी दिला.

माजी आमदार भीमराव धोंडे आणि माजी आमदार बाळासाहेब आजबे यांच्या नेतृत्वाखाली आष्टी-पाटोदा-शिरूर तालुक्यातील दुष्काळी प्रश्नांसाठी मोर्चा काढण्यात आला होता. या मोर्चात दुष्काळ, पाणी, दूध उत्पादक शेतकरी आणि अन्य मागण्यांसोबतच प्राजक्ता धस यांच्यावर काही आरोप करण्यात आल्याचा दावा धस यांनी केला.

त्यावर प्रतिक्रिया देताना त्यांनी आजबेंवर जोरदार पलटवार केला. प्राजक्ता धस म्हणाल्या, "दुष्काळी मोर्चा काढला, तर त्यात शेतकऱ्यांच्या पाणीप्रश्नावर, दूध उत्पादकांच्या प्रश्नावर चर्चा व्हायला हवी होती. मात्र, बाळासाहेब आजबे यांनी 'मॅडमला आवरा' असे म्हणत माझ्या चारुियावर आणि जमिनीच्या व्यवहारांवर आरोप केले. पिंपळा, पुंडी, पांढरी, सोलेवाडी, तवलवाडी, इमनगाव, हनुमंतगाव, शिदेवाडी, शिराळ, चिंचपूर आणि आष्टी परिसरात माझ्या जमिनी असल्याचा आरोप केला आहे. त्यांनी हे आरोप पुराव्यासह सिद्ध करावेत. "आरोपांना उत्तर देताना प्राजक्ता धस यांनी संबंधित जमिनींच्या कागदपत्रांचा थेट उल्लेख केला. "आजबेंनी उल्लेख केलेल्या गावांपैकी कोणत्याही गावातील माझ्या नावावरील नोटरी, साठेखत, खरेदीखत किंवा सातबारा असल्यास तो त्यांनी जनतेसमोर दाखवावा," असे खुले आव्हान त्यांनी दिले.

पुंडी येथील जमीन सन २०१२ मध्ये खरेदी केल्याचे सांगत त्या म्हणाल्या की, संबंधित सर्व जमिनींचा निवडणूक शपथपत्रात उल्लेख करण्यात आला आहे. आपण दुग्ध व्यवसायासह नोंदणीकृत कंपन्यांच्या माध्यमातून व्यवसाय करीत असून त्याचा आयकर विवरणपत्राद्वारे हिशेब दिला जात असल्याचे त्यांनी स्पष्ट केले. हनुमंतगाव आणि शिदेवाडी येथील जमिनींच्या उल्लेखावरही त्यांनी स्पष्टीकरण दिले. "हनुमंतगाव येथील देशमुखांची जमीन आणि शिदेवाडी येथील काझी कंपनीची जमीन वतनदारांची आहे. माझा या जमिनींशी विनाकारण संबंध जोडला जात आहे," असे त्यांनी सांगितले.

भीमराव धोंडे यांचे कार्यकर्ते हेमंत मेहर यांच्याशी संबंधित जमिनीच्या वादाचाही त्यांनी उल्लेख केला. त्यांच्या म्हणण्यानुसार, दोन्ही बाजूंचे लोक आपल्याकडे आल्यानंतर जमीन मोजून घेऊन वाद मिटवावा, जमीन विक्री करू नये, असा सल्ला आपण दिला होता. त्यामुळे त्याचा राजकीय अर्थ काढण्याचे कारण नसल्याचे त्यांनी स्पष्ट केले. आजबे यांच्यावर पलटवार करताना प्राजक्ता धस यांनी त्यांच्या नैतिकतेवरही प्रश्न उपस्थित केला. "पाच टर्म आमदार राहिलेल्या माझ्या पर्तीचा मला नैतिक धाक आहे. त्यामुळे मला कोणाला आवरण्याची गरज नाही. तुमची नैतिकता काय आहे, याचे पुरावे माझ्याकडे आहेत. योग्य वेळी ते जनतेसमोर आणू," असा इशाराही त्यांनी दिला.

आजबे यांच्या आरोपांचा आता अतिरेक झाला असून, त्यांच्याविरुद्ध अब्रुनुकसानीचा दावा दाखल करण्याची तयारी असल्याचे त्यांनी सांगितले. तसेच, "भाऊसाहेब आजबे यांचे वारस असाल तर माझ्यावर केलेले आरोप सिद्ध करून दाखवा," असे आव्हान देत त्यांनी राजकीय संघर्ष आणखी तीव्र केला आहे. आष्टी-पाटोदा- शिरूर परिसरातील दुष्काळी परिस्थिती, पाणीटंचाई आणि शेतकऱ्यांच्या मागण्यांवरून सुरू झालेल्या आंदोलनाला आता राजकीय आरोप-प्रत्यारोपांची किनार लागली आहे. एका बाजूला दुष्काळी प्रश्नांवरून सरकारकडे मागण्यांचा रेटा सुरू असताना दुसरीकडे स्थानिक राजकारणात वैयक्तिक आरोपांवरून वातावरण तापले आहे. प्राजक्ता धस यांच्या आक्रमक प्रत्युत्तरामुळे आगामी काळात आजबे यांच्याकडून यावर काय प्रतिक्रिया येते, याकडे राजकीय

मॅडमला आवरा'; प्राजक्ता धस यांच्यावर आजबेंचे आरोप

माजी आमदार बाळासाहेब आजबे यांनी दुष्काळी मोर्चादरम्यान आमदार सुरेश धस यांच्या पत्नी तथा महानंदच्या संचालिका प्राजक्ता धस यांच्यावर गंभीर आरोप केले. 'मॅडमला आवरा' असे म्हणत त्यांनी त्यांच्या चारित्र्यावर तसेच जमिनीच्या व्यवहारांवर प्रश्न उपस्थित केला होता. प्राजक्ता धस यांनी केला आहे. पिंपळा, पुंडी, पांढरी, सोलेवाडी, तवलवाडी, इमनगाव, हनुमंतगाव, शिंदेवाडी, शिराळ, चिंचपूर आणि आष्टी परिसरात जमीन असल्याचा आरोप आजबेंनी केला.

खालापूर तालुक्यासह खोपोली शहरात मंगळवारी सायंकाळी पाचच्या सुमारास आलेल्या परतीच्या पावसाने नागरिकांना चांगलेच झोडपून काढले. वादळी वारा, विजांच्या कडकडाटासह झालेल्या मुसळधार पावसामुळे नागरिकांची चांगलीच धांदल उडाली. खोपोली शहरासह खालापूर तालुक्यातील ग्रामीण भागात अनेक झाडे उन्मळून पडल्याच्या घटना घडल्या. तर तालुक्यातील अनेक ठिकाणी रस्त्याच्या कडेला लागलेले पत्रे, घरे व इमारतींवरील पत्रे उडाल्याच्या घटना घडल्याने अनेकांची या परतीच्या पावसाने धांदल उडावल्याचे पाहायला मिळाले.

खोपोलीसह खालापूर तालुक्यातील मंगळवारी सायंकाळच्या सुमारास परतीच्या पावसाने अक्षरशः धुमाकूळ घातला. हस्त नक्षत्रातील या पावसासोबत विजांचा कडकडाट, ढगांचा गडगडाट आणि सोसाट्याचा वारा सुटल्याने नागरिकांची मोठी धावपळ जोरदार वाऱ्यामुळे मोठमोठी झाडे उन्मळून रस्त्यावर पडली. काही ठिकाणी संरक्षणासाठी उभारण्यात आलेले पत्रे व लोखंडी संरचना वाऱ्याच्या तडाख्याने उडून गेल्या, तर काही ठिकाणी विजेचे खांबही कोसळल्याने वीज पुरवठ्यावर परिणाम झाला.

संध्याकाळी पाचच्या सुमारास खोपोलीसह खालापूर पावसाने जोरदार हजेरी लावली. सुरुवातीला ढगाळ वातावरण निर्माण झाले आणि त्यानंतर विजांचा कडकडाट व ढगांचा गडगडाट सुरू झाला. काही वेळातच सोसाट्याचा वारा सुटल्याने नागरिकांना हवामानाचा रौद्र अवतार अनुभवायला मिळाला. पाऊस आणि वाऱ्याचा जोर तब्बल एक तास जाणवत होता. खोपोली शहरातील चिंचवली, शेडवली, पटेलनगर, शिळगाव तसेच शहरातील प्रमुख रस्त्यांच्या परिसरात वाऱ्यामुळे अनेक झाडे उन्मळून पडली.

काही झाडांच्या फांद्या रस्त्यावर आल्याने वाहतुकीलाही अडथळा निर्माण झाला. काही ठिकाणी विजेच्या तारांसह खांब कोसळल्याचे दिसून आले.सुदैवाने कोणतीही विपरीत घटना घडली नाही. तर खोपोली येथे लायन्स क्लब समोर मुंबई पुणे महामार्गावर नवनिर्मितीसाठी लावण्यात आले पत्रे, रस्त्यावर कोसळले. यात सुदैवाने कोणतीही दुर्घटना झाली नाही.

दरम्यान, अनेक रस्त्यांवर झाडे व फांद्या पडल्याने अनेक ठिकाणचे रस्ते बंद करण्यात आले होते. नगरपालिका अग्निशमन दल, खोपोलीतील हेल्प फांऊडेशन कार्यकर्ते, सामाजिक कार्यकर्त्यांनी तातडीने मदत कार्य करून आपत्कालीन मदत केली.

तयार होणारे भातपिक कोसळले

भात पीक उत्तम बहरले असून भात पीक तयार होत आहे. मात्र जोरदार हवा व परतीचा पाऊस असाच कोसळल्यास शेतकन्यांच्या हातातोंडाशी आलेला घास जातो की काय अशी स्थिती निर्माण झाली आहे.

वीज कर्मचाऱ्यांची धावपळ

वादळी वाऱ्यामुळे काही ठिकाणी विजेचे खांब उन्मळून पडल्याने वीज पुरवठ्यावरही परिणाम झाला. परिस्थितीची माहिती मिळताच वीज वितरण कंपनीचे कर्मचारी घटनास्थळी दाखल झाले. विजेचे खांब उभारणे. तुटलेल्या तारांची पाहणी करणे आणि सुरक्षिततेच्या दृष्टीने आवश्यक उपाययोजना करण्याचे काम युद्धपातळीवर सुरू करण्यात आले. वीजपुरवठा पूर्ववत करण्यासाठी कर्मचारी पावसाची पर्वा न करता काम करताना दिसून आले.

पावसाचे स्वरूप बदलले

यंदाच्या पावसाचे स्वरूप अनेकदा बदलताना दिसून आले. काही काळ पावसाने उघडीप दिल्यानंतर अचानक जोरदार सरी कोसळणे आणि त्यासोबत सोसाट्याचा वारा सुटणे, असे चित्र परिसरात पाहायला मिळाले.

बुधवारी पर्वरी मंत्रालयात आयोजित पत्रकार परिषदेत शिरोडकर बोलत होते. यावेळी कृषी संचालक चंद्रहास देसाई, नियोजन आणि सांख्यिकी खात्याचे संचालक विजय सक्सेना व इतर उपस्थित होते. शिरोडकर यांनी सांगितले की, पंतप्रधान नरेंद्र मोदी यांनी देशाला कृषीसंपन्न करण्याचे लक्ष्य ठेवले आहे. त्यासाठी केंद्रीय कृषी खातातर्फे विविध कार्यक्रमांतून शेतकऱ्यांना मार्गदर्शन केले जाते.

त्याचाच एक भाग म्हणून २ ऑक्टोबर रोजी फोंडा येथून शिवराज सिंग चौहान हे मार्गदर्शन करतील. यावेळी सनग्रेस सभागृहात प्रत्यक्ष दोन ते अडीच हजार शेतकरी व महिला उपस्थित राहतील. त्याचबरोबर राज्यातील सर्व पंचायती आणि पालिका त्या दिवशी खुल्या राहतील. तिथे पंच व नगरसेवकांसह स्थानिक शेतकरी, नागरिकांची उपस्थिती असेल, असे त्यांनी नमूद केले.
देशातील १२ कोटी शेतकऱ्यांना शेतकरी सन्मान निधीच्या माध्यमातून वर्षाला सहा हजार रुपये दिले जातात.

त्याचबरोबर राज्य सरकारच्या अनेक कृषी योजना आहेत, याची माहिती गोवा सरकारचे कृषी संचालक देतील. राज्यातील मच्छीमार उत्पादन वाढावे यासाठी मच्छीमारांना अनुदान दिले जाते. गतवर्षी एक लाख टन मासे उत्पादन झाले. ही संख्या वाढायला हवी यासाठी त्यावेळी मच्छीमारांना चौहान हे मार्गदर्शन करतील, असे शिरोडकर यांनी सांगितले.

सात कोटींची स्थानिक भाजी खरेदी:

गोवा सरकारच्या गोवा फलोत्पादन विकास महामंडळातर्फे राज्यातील स्थानिक शेतकऱ्यांनी उत्पादित केलेली सात कोटींची भाजी गेल्या वर्षभरामध्ये खरेदी केली. त्याचबरोबर सुमारे दीड कोटींची भाजी शेजारी राज्यातही पाठवली. यावरून गोव्यात भाजी उत्पादनाला मोठा वाव असल्याचे स्पष्ट होते, असे मंत्री सुभाष शिरोडकर यांनी सांगितले.गोव्यातील शेतकऱ्यांना ५ लाख झेंडूच्या फुलांची रोपे वाटपयंदा गोव्यातील शेतकऱ्यांना ५ लाख झेंडूची रोपे वितरित करण्यात आली.

प्रशिक्षण व अनुदानामुळे झेंडू लागवडीला चालना मिळत असून, गतवर्षी या पिकातून सुमारे २ कोटी रुपयांची उलाढाल झाल्याची माहिती कृषी संचालक चंद्रहास नाईक देसाई यांनी दिली.

यावर्षी १०० बंधारे बांधले:

जलसिंचन खातर्फे गेल्या वर्षभरामध्ये १०० बंधारे बांधले. ज्यामुळे राज्यातील बंधाऱ्यांची संख्या पाचशे झाली आहे. आणखीनही बंधारे बांधायचे आहेत. सध्या पाऊस बंद झालेला असल्यामुळे सर्व बंधारे बंद केले आहेत. त्यामुळे त्या त्या परिसरातील शेतकऱ्यांना बंधाऱ्यात साठलेल्या पाण्याचा लाभ घेता येईल, असे मंत्री सुभाष शिरोडकर यांनी स्पष्ट केले.

गोवा फ्रेश योजनेचे उद्घाटन:
केंद्रीय कृषी मंत्र्यांच्या हस्ते गोवा फ्रेश योजनेचे २ ऑक्टोबर रोजी उद्घाटन केले जाईल. या योजनेत स्थानिक शेतकऱ्यांनी पिकवलेल्या भाजीसह इतर उत्पादनांचे ब्रँडिंग, पॅकेजिंग करण्यात येईल. याद्वारे शेतकऱ्यांना स्वयंपूर्ण करण्यासाठी प्रयत्न केले जातील, अशी माहिती कृषी संचालक चंद्रहास देसाई यांनी दिली.

श्रेयस अय्यरने एम.एस. धोनीला मागे टाकले

सर्वाधिक सलग टी-२० आंतरराष्ट्रीय विजय मिळवणाऱ्या भारतीय कर्णधारांच्या यादीत श्रेयस अय्यरने एम.एस. धोनीला मागे टाकले आहे. अय्यरने आता सलग आठ टी-२० आंतरराष्ट्रीय सामने जिंकले आहेत. यापूर्वी धोनीने २०१२-१४ आणि २०१६ मध्ये सलग सात सामने जिंकण्याचा पराक्रम केला होता. आता या यादीत अय्यरची नजर सूर्यकुमार यादव आणि विराट कोहली यांच्या विक्रमांवर आहे. सूर्यकुमारने २०२३-२४ मध्ये सलग आठ आणि २०२५ मध्ये सलग नऊ सामने जिंकले होते; मात्र, २०२६ च्या टी-२० विश्वचषकानंतर त्याला केवळ कर्णधारपदावरूनच नाही, तर भारतीय टी-२० संघातूनही वगळण्यात आले होते. विराट कोहलीनेही २०१९-२० च्या काळात कर्णधार असताना सलग विजय मिळवण्याची मालिका साधली होती.

सलग सर्वाधिक T20I सामने जिंकणारे भारतीय कर्णधार

• १४ - रोहित शर्मा (२०१९/२२)

• ११ - रोहित शर्मा (२०२४)

• ९ - विराट कोहली (२०१९/२०)

• ९ - सूर्यकुमार यादव (२०२५)

• ८ - सूर्यकुमार यादव (२०२३/२४)

• ८ - श्रेयस अय्यर (२०२६)

• ७ - एम.एस. धोनी (२०१२/१४)

• ७ - एम.एस. धोनी (२०१६)

भारताचे धावांच्या फरकाने सर्वात मोठे T20I विजय

• १६८ धावा - विरुद्ध न्यूझीलंड (२०२३)

• १५० धावा - विरुद्ध इंग्लंड (२०२५)

• १४३ धावा - विरुद्ध आयर्लंड (२०१८)

• १३५ धावा - विरुद्ध दक्षिण आफ्रिका (२०२४)

• १३३ धावा - विरुद्ध बांगलादेश (२०२४)

• १२७ धावा - विरुद्ध अफगाणिस्तान (२०२६)

• १२४ धावा - विरुद्ध श्रीलंका (२०२६)

• १०६ धावा - विरुद्ध दक्षिण आफ्रिका (२०२३)

भारत आणि पाकिस्तान यांच्यात अंतिम सामना होणार

श्रीलंकेविरुद्धच्या उपांत्य सामन्यात इशान किशन आणि वैभव सूर्यवंशी यांनी उत्कृष्ट फलंदाजी केली. इशानने चार चौकार आणि पाच षटकार फटकातव ४६ चेंडूंत ८० धावा केल्या. सूर्यवंशीने २१ चेंडूंत ३८ धावा केल्या. कर्णधार अय्यर (७) यांच्यासह चार खेळाडू एकेरी धावसंख्येवर बाद झाले. प्रत्युत्तरात, श्रीलंकेने पॉवरप्लेमध्येच ३१ धावांत सहा विकेट्स गमावल्या. जसप्रीत बुमराह, अक्षर पटेल आणि अभिषेक शर्मा यांनी प्रत्येकी दोन विकेट्स घेतल्या, तर वॉशिंग्टन सुंदरने एक विकेट घेतली. श्रीलंकेचे तीन खेळाडू धावबाद (रन-आउट) झाले. आता शनिवार, ३ ऑक्‍टोबर रोजी भारत आणि पाकिस्‍तानमध्‍ये सुवर्णपदकासाठीचा सामना होणार आहे.

नेकनूर येथील शेतकरी नितीन शिवाजी काळे यांनी आपल्या दीड एकर शेतात सोयाबीनची पेरणी केली होती. मात्र मान्सूनने दडी मारल्याने सोयाबीनच्या शेंगांना दाणे भरलेच नाहीत. "पेरणी, खत, फवारणी, खुरपणी आणि नंतर काढणीसाठी लागणारे पैसेही यातून निघाले नाहीत. शेवटी हाताला काहीच लागलं नाही," अशी व्यथा त्यांनी व्यक्त केली.

सोयाबीनचे वाळलेले भुस्कट जनावरांच्या चाऱ्यासाठी उपयोगी पडले असते. मात्र ते शेतातून घरी वाहतूक करून आणायलाही परवडत नव्हते. अखेर पर्याय नसल्याने त्यांनी कष्टाने उभे केलेले पीक स्वतःच्याच हाताने जमा करून जाळून टाकले.

50 हजाराची उचल, आता फेडणार कशी?

नितीन काळे यांच्या कुटुंबाची आर्थिक परिस्थिती अत्यंत बिकट आहे. घरात पत्नी आणि 2 मुले आहेत. स्वतः शेतकरी असले तरी एक मुलगा कापड दुकानावर काम करतो आणि दुसरा मुलगा मिळेल ते मजुरीचे काम करतो.

सोयाबीनसाठी पैशांची जुळवाजुळव करताना कापड दुकानातील मुलाच्या मालकाकडून त्यांनी 50 हजार रुपये उचल घेतली होती. "सोयाबीन आलं की पैसे परत देऊ" असं ठरलं होतं. पण आता पीकच हाती न आल्याने ती उचल कशी फेडायची, घराचा उदरनिर्वाह कसा करायचा आणि मुलांनी आयुष्यभर दुसऱ्यांकडे कामच करायचं का, असे अनेक प्रश्न त्यांच्यासमोर उभे आहेत. "तीन-चार महिने शेतात राबतो आणि शेवटी निसर्गाच्या लहरीपणामुळे स्वतःचं पीक जाळायची वेळ येते, मग शेतकऱ्याने करायचं तरी काय?" असा सवाल त्यांनी केला आहे.

राज्याने दुष्काळ जाहीर केला, पण मदत कधी?

राज्य सरकारने नुकताच कोरडा दुष्काळ जाहीर करून प्रशासनाला पंचनामे करण्याचे आदेश दिले आहेत. मात्र पंचनामे होऊन मदत हाती येईपर्यंत शेतकऱ्यांना दिवस काढणे कठीण झाले आहे. शेतकरी संघटनांनी तातडीने या कुटुंबाला मदत मिळवून द्यावी आणि घेतलेल्या उचलीसाठी कर्जमाफी किंवा मुदतवाढ द्यावी, अशी मागणी होत आहे. ही एकट्या नितीन काळेंची कहाणी नाही. दुष्काळामुळे राज्यभरातील हजारो शेतकरी आज याच परिस्थितीतून जात आहेत.

लातूर, पुढारी वृत्तसेवा : पाणंद रस्त्याच्या वादातून डांगेवाडी (ता. शिरूर अनंतपाळ) येथे झालेल्या प्राणघातक हल्ल्यात दोघांचा मृत्यू, तर चौघे जखमी झालेल्या प्रकरणात निलंगा येथील अतिरिक्त सत्र न्यायालयाने पाच आरोपींना जन्मठेप व दंडाची शिक्षा सुनावली. हा निकाल २९ सप्टेंबर रोजी सुनावण्यात आला.

३ ऑक्टोबर २०१९ रोजी डांगेवाडी येथे पाणंद रस्त्याच्या कारणावरून शेतात काम करणाऱ्या सुभाष दयानंद सुडे, दयानंद नामदेव सुडे व अन्य व्यक्तींवर हल्ला झाला होता. यात सुभाष सुडे व दयानंद सुडे यांचा मृत्यू झाला, तर चौघे जखमी झाले होते. याप्रकरणी नामदेव सुभाष सुडे यांच्या फिर्यादीवरून शिरूर अनंतपाळ पोलिस ठाण्यात गुन्हा दाखल करण्यात आला होता.

पोलिसांनी प्रत्यक्षदर्शी व जखमींचे जबाब, वैद्यकीय पुरावे आणि अन्य सबळ पुराव्यांच्या आधारे न्यायालयात दोषारोपपत्र दाखल केले. खटल्यात सरकार पक्षाने १४ साक्षीदार तपासले. वैद्यकीय अधिकारी, प्रत्यक्षदर्शी, जखमी साक्षीदार आणि जप्ती पंचांच्या साक्षी महत्त्वपूर्ण ठरल्या. अतिरिक्त सत्र न्यायाधीश एस. बी. पवार यांनी ज्ञानोबा अंगद ओनामे, जगन्नाथ विश्वंभर ओनामे, राजकुमार विश्वंभर ओनामे, राम बाबुराव ओनामे आणि भागवत बाबुराव ओनामे (सर्व रा. डांगेवाडी) यांना दोषी ठरवून जन्मठेपेची शिक्षा सुनावली.

प्रत्येक आरोपीला ५ हजार रुपये दंड, दंड न भरल्यास सहा महिने अतिरिक्त कारावास, तसेच अन्य कलमांनुसारही कारावास व दंडाची शिक्षा सुनावण्यात आली. सरकार पक्षातर्फे अतिरिक्त सरकारी अभियोक्ता कपिल व्ही. पंढरीकर यांनी बाजू मांडली.

त्यांना जिल्हा सरकारी अभियोक्ता एस. व्ही. देशपांडे यांचे मार्गदर्शन लाभले. अभियोगास अॅड. सी. जे. सबनीस पाटील यांनी सहाय्य केले. कार्यालयीन कामकाजासाठी एच. जी. बिरादार व कोर्ट पैरवी कर्मचारी ए. जी. कांबळे यांनी सहकार्य

महाड औद्योगिक वसाहतीतील सलग दुर्घटनांमुळे औद्योगिक सुरक्षेचा प्रश्न पुन्हा एकदा ऐरणीवर आला आहे. विशेष म्हणजे, एका कंपनीत घडलेल्या दुर्घटनेचा परिणाम शेजारील किंवा परिसरातील अन्य कंपन्यांमध्ये काम करणाऱ्या कामगारांवरही होऊ शकतो, हे अलीकडील घटनांमधून प्रकर्षाने समोर आले आहे. त्यामुळे प्रत्येक कंपनीने स्वतंत्रपणे सुरक्षा व्यवस्था करण्याबरोबरच संपूर्ण औद्योगिक वसाहतीसाठी सामूहिक आपत्कालीन सुरक्षा यंत्रणा उभारण्याची गरज व्यक्त होत आहे.

१५ ऑगस्ट रोजी इंडो अमाईन्स कंपनीत झालेली वायूगळती ही या प्रश्नाचे गंभीर उदाहरण ठरली. उपलब्ध वृत्तांनुसार या दुर्घटनेत दोन जणांचा मृत्यू झाला असून सुमारे ६० जणांना वायूबाधा झाली. विशेष म्हणजे मृतांपैकी एक व्यक्ती शेजारील औद्योगिक युनिटमध्ये कार्यरत असल्याचे कंपनीच्या निवेदनात नमूद करण्यात आले आहे. कंपनीने दुर्घटनेनंतर महाड प्रकल्पातील उत्पादन तात्पुरते बंद केल्याचेही कळविले होते.

या घटनेमुळे एका कंपनीच्या आवारात निर्माण झालेला धोका औद्योगिक वसाहतीच्या सीमारेषेपलीकडे जाऊ शकतो, हे स्पष्ट झाले. वायूगळती, आग किंवा स्फोटाच्या वेळी वाऱ्याची दिशा, अंतर आणि दुर्घटनेचे स्वरूप यानुसार आजूबाजूच्या कंपन्यांमधील कामगारांनाही त्याचा फटका बसू शकतो. त्यामुळे केवळ संबंधित कंपनीतील सुरक्षा उपाय पुरेसे आहेत का, याचा गांभीर्याने विचार करण्याची वेळ आली आहे. त्यानंतर सीनेर्जीया केम इंडस्ट्रीजमधील दुर्घटनेनेही या प्रश्नाला अधिक महत्त्व प्राप्त झाले.

उपलब्ध ताज्या वृत्तांनुसार महाड एमआयडीसीतील सीनेर्जीया कंपनीत बॉयलर, रिॲक्टर स्फोटाची घटना घडली आणि सात जण गंभीररीत्या जखमी झाल्याचे वृत्त आहे. या दुर्घटनेचा परिणाम परिसरातील शेजारील औद्योगिक युनिट्सपर्यंत झाल्याचेही वृत्तांत नमूद करण्यात आले आहे.

या दोन्ही घटनांकडे एकत्रितपणे पाहिल्यास औद्योगिक सुरक्षेचा विषय केवळ कंपनीच्या चार भिंतींपुरता मर्यादित राहिलेला नाही, हे स्पष्ट होते. एखाद्या कंपनीत अपघात झाल्यानंतर शेजारील कंपन्यांनी तातडीने उत्पादन थांबवायचे की नाही, कामगारांना सुरक्षित स्थळी हलवायचे कसे, कोणत्या मार्गाने स्थलांतर करायचे, वैद्यकीय मदत कुठून मिळवायची आणि प्रशासनाला माहिती कोण देणार, यासाठी पूर्वनियोजित सामूहिक व्यवस्था असणे आवश्यक आहे.

शासन आणि उत्पादक संघटनेने पुढाकार घेण्याची गरज

महाड औद्योगिक वसाहतीतील सर्व कंपन्यांचा समावेश असलेला संयुक्त औद्योगिक आपत्कालीन प्रतिसाद आराखडा तयार करण्याची गरज आहे. त्यामध्ये नियमित मॉक ड्रिल, सामायिक अग्निशमन व वैद्यकीय सुविधा, आपत्कालीन संपर्क यंत्रणा, सायरन प्रणाली, सुरक्षित स्थलांतर मार्ग आणि शेजारील कंपन्यांना तात्काळ सूचना देण्याची व्यवस्था असावी. यासाठी शासन, औद्योगिक सुरक्षा विभाग, महाराष्ट्र प्रदूषण नियंत्रण मंडळ, स्थानिक प्रशासन, उत्पादक संघटना, कंपनी व्यवस्थापन आणि कामगार प्रतिनिधी यांनी संयुक्तपणे बैठक घेऊन उपाययोजना निश्चित करणे आवश्यक आहे. उत्पादक संघटनेने सर्व कंपन्यांमध्ये सुरक्षा नियमांची प्रभावी अंमलबजावणी होत आहे की नाही, यासाठी सामूहिक सुरक्षा आढावा घेण्याची गरज आहे.

• विशेषतः कंत्राटी आणि शेजारील कंपन्यांतील कामगारांनाही आपत्कालीन परिस्थितीचे प्रशिक्षण मिळणे आवश्यक आहे. एका कंपनीची सुरक्षा ही त्या कंपनीपुरती मर्यादित नसून संपूर्ण औद्योगिक वसाहतीच्या सुरक्षिततेशी जोडलेली आहे, हा दृष्टिकोन स्वीकारणे आता गरजेचे बनले आहे. इंडो अमाईन्स आणि सीनेर्जीया येथील दुर्घटनांनी दिलेला इशारा गांभीर्याने घेऊन भविष्यात एका कंपनीतील दुर्घटनेचा फटका दुसऱ्या कंपनीतील कामगारांना बसू नये, यासाठी शासन आणि उत्पादक संघटनेने संयुक्तपणे ठोस, बंधनकारक आणि परिणामकारक सुरक्षा धोरण निश्चित करावे, अशी अपेक्षा कामगार आणि नागरिकांकडून व्यक्त होत आहे.

पालकांनी दिलेल्या माहितीनुसार, विद्यार्थ्यांची पुढील आठवड्यापासून परीक्षा सुरू होणार आहे. संबंधित विषयाच्या अभ्यासक्रमात सहा धडे आणि कवितांचा समावेश असताना, त्यापैकी केवळ एक धडा सविस्तर शिकवून त्याची प्रश्नोतरे विद्यार्थ्यांना देण्यात आली आहेत.

उर्वरित धडे आणि कविता विद्यार्थ्यांनी स्वतः अभ्यासत्वात, असे वर्गात सांगण्यात आल्याचे त्यांनी सांगितले. या प्रकारची माहिती मिळाल्यानंतर काही पालकांनी शिक्षकेशी संपर्क साधला. त्यावेळी शिक्षिकेने स्वतःचा यूट्यूब चॅनेल असून आवश्यक माहिती तेथून घेण्याचा सल्ला दिल्याचे पालकांचे म्हणणे आहे.

तसेच वाहिनीवरील माहिती पाहताना 'लाईक' आणि 'सबस्क्राईब' करण्यास सांगितल्याचेही त्यांनी सांगितले.
गेल्या चार-पाच महिन्यांत विद्यार्थ्यांना या चॅनेलवर काही धड्यांचे थोडक्यात स्पष्टीकरण उपलब्ध असले, तरी सर्व धड्यांची सविस्तर माहिती, प्रश्नोतरे आणि परीक्षेच्या दृष्टीने आवश्यक अभ्याससामग्री उपलब्ध नसल्याचे पालकांचे म्हणणे आहे. त्यामुळे परीक्षा तोंडावर असताना उर्वरित अभ्यासक्रम पूर्ण करण्याची जबाबदारी पालकांवर आली आहे. या प्रकाराने विद्यार्थ्यांसह पालकही चक्रावून गेले आहेत.

...आणि त्या बंदीचे काय?:

सरकार १६ वर्षाखालील मुलांच्या सोशल मीडियावर बंदी आणण्याचा विचार करत असताना इथे पाचवीच्या विद्यार्थ्यांना शिक्षिका स्वतः यूट्यूब चॅनेल बघा म्हणून सांगत असेल तर ती गंभीर गोष्ट आहे, असे काही पालकांनी सांगितले.

शिक्षण खाते यावर काही कारवाई करणार का? नेमके किती आणि काय शिकवण्यात आले, असा सवाल पालकांनी उपस्थित केला आहे. पाचवीतील विद्यार्थ्यांना धडे, कविता आणि प्रश्नोतरे स्वतः समजून घेण्यास सांगणे कितपत योग्य, याबद्दलही पालकांनी चिंता व्यक्त केली आहे.

पितृ पक्षातील प्रत्येक दिवसाला धार्मिकदृष्ट्या महत्त्व आहे. कुटुंबातील दिवंगत व्यक्तीच्या निधनाच्या तिथीनुसार त्या तिथीला श्राद्ध करण्याची परंपरा आहे. त्यामुळे अनेक कुटुंबांकडून आपल्या पूर्वजांच्या तिथीची माहिती घेऊन त्यानुसार श्राद्धविधीची तयारी केली जाते. पितृ पक्षात केल्या जाणाऱ्या विविध विधींमध्ये पिंडदानाला महत्त्वाचे स्थान आहे.

पारंपरिक पद्धतीनुसार तांदूळ, तीळ, तूप आदी पदार्थांचा वापर करून पिंड तयार केला जातो. पितरांचे स्मरण करून विधीपूर्वक पिंड अर्पण केला जातो. तसेच तर्पणामध्ये पाणी व तीळ अर्पण करून पूर्वजांचे स्मरण केले जाते.

अनेक कुटुंबांमध्ये या काळात ब्राह्मण भोजन, अन्नदान आणि गरजू व्यक्तींना मदत करण्याची परंपराही आहे. या सर्व परंपरांमध्ये पूर्वजांविषयी श्रद्धा आणि कृतज्ञता व्यक्त करण्याची भावना केंद्रस्थानी आहे.

पितृ पक्षात आपल्या कुटुंबातील ज्या व्यक्तीचे निधन झाले आहे, त्यांच्या निधनाच्या तिथीनुसार श्राद्ध करण्याची प्रथा आहे. मृत्यूची तिथी माहीत नसल्यास किंवा संबंधित तिथीला श्राद्ध करणे शक्य झाले नसल्यास सर्वपित्री अमावस्येला श्राद्ध करण्याची परंपरा अनेक कुटुंबांमध्ये आढळते.

पितृ पक्षाच्या निमित्ताने अनेक कुटुंबांमध्ये घरगुती तसेच धार्मिक विधींची तयारी सुरू झाली आहे. श्राद्धविधी करताना स्थानिक पंचांगानुसार तिथी व वेळ निश्चित करून कुटुंबाच्या परंपरेनुसार विधी करण्याचे आवाहन धार्मिक जाणकारांकडून केले जाते.

सर्वपित्री अमावस्येचे विशेष

पितृ पक्षाचा शेवटचा दिवस म्हणजे सर्वपितृ अमावस्या. यंदा १० ऑक्टोबर २०२६ रोजी सर्वपितृ अमावस्या आहे. या दिवशी ज्ञात-अज्ञात पूर्वजांचे स्मरण करून श्राद्ध, तर्पण आणि दानधर्म करण्याची परंपरा आहे. पितृ पक्ष हा केवळ धार्मिक विधींचा काळ नसून आपल्या पूर्वजांच्या आठवणी जपण्याचा आणि त्यांच्या योगदानाबद्दल कृतज्ञता व्यक्त करण्याचा काळ मानला जातो. पूर्वजांनी कुटुंबासाठी केलेले कष्ट, त्याग आणि संस्कार पुढील पिढीपर्यंत पोहोचवण्याचे कार्यही या परंपरेतून होते.

बीड, पुढारी वृत्तसेवा : कर्जमुक्तीच्या यादीत नाव असूनही विविध कारणांमुळे लाभापासून वंचित राहिलेल्या बीड जिल्ह्यातील शेतकऱ्यांना मोठा दिलासा मिळण्याची शक्यता निर्माण झाली आहे. कर्जमुक्त्ती योजनांतील प्रलंबित प्रकरणांची सविस्तर पडताळणी करून पात्र शेतकऱ्यांना लाभ देण्याची कार्यवाही तातडीने पूर्ण करण्याचे निर्देश सहकारमंत्री बाबासाहेब पाटील यांनी दिले आहेत. त्यामुळे अनेक वर्षापासून कर्जमाफीच्या प्रतीक्षेत असलेल्या शेतकऱ्यांच्या आशा पुन्हा पल्लवित झाल्या आहेत.

बीड जिल्ह्यातील कर्जमुक्त्ती योजनांच्या अंमलबजावणीचा आढावा घेण्यासाठी सहकारमंत्री बाबासाहेब पाटील यांच्या अध्यक्षतेखाली मंत्रालयात बैठक झाली. या बैठकीस आमदार विजय सिंह पंडित, आमदार प्रकाश सोळंके, माजी आमदार अमरसिन्ह पंडित, सहकार आयुक्त दीपक तावरे, अतिरिक्त निबंधक नागनाथ येगळेवाड, सहसचिव संतोष पाटील जिल्हा उपनिबंधक सतीश तोटावार, बीड जिल्हा बँकेचे मुख्य व्यवस्थापक रवीकुमार उबाळे यांच्यासह संबंधित अधिकारी उपस्थित होते.

बैठकीत छत्रपती शिवाजी महाराज शेतकरी सन्मान योजना-२०१७, महात्मा ज्योतिराव फुले शेतकरी कर्जमुक्ती योजना-२०१९ आणि पुण्यश्लोक अहिल्यादेवी होळकर शेतकरी कर्जमुक्ती योजना-२०२६ यांच्या अंमलबजावणीचा सविस्तर आढावा घेण्यात आला.

विशेषतः बीड जिल्हा मध्यवर्ती सहकारी बँकेशी संबंधित प्रलंबित कर्जमुक्त्ती प्रकरणांवर बैठकीत चर्चा झाली. छत्रपती शिवाजी महाराज शेतकरी सन्मान योजना २०१७ अंतर्गत बीड जिल्हा मध्यवर्ती सहकारी बँकेच्या ३७ हजार ४५५ शेतकरी सभासदांच्या प्रलंबित कर्जमुक्ती प्रकरणांची सविस्तर तपासणी करण्याचे निर्देश देण्यात आले आहेत.

ऑनलाइन अर्ज, बँकेतील कर्जखाती, ग्रीन लिस्ट, अर्ज क्रमांक तसेच अलॉटमेंट आयडी या विविध नौर्दीच्या आधारे पात्रता निश्चित केली जाणार आहे. दरम्यान, राज्यस्तरावरून बीड जिल्ह्यातील ७ हजार ८६४ खात्यांची माहिती पडताळणीसाठी उपलब्ध करून देण्यात आली आहे. जुन्या नोंदी आणि ऑनलाइन उपलब्ध माहितीची बँकेच्या प्रत्यक्ष रेकॉर्डशी पडताळणी करून पात्र शेतकऱ्यांना कर्जमुक्तीचा लाभ देण्याची प्रक्रिया राबविण्यात येणार आहे.

वर्षानुवर्षाची प्रतीक्षा संपण्याची आशा

कर्जमुक्ती योजनांचा लाभ मिळेल, या अपेक्षेने अनेक शेतकरी वर्षानुवर्षे प्रतीक्षा करीत आहेत. पात्र असूनही विविध नोंदीतील तफावत, ऑनलाइन माहितीतील त्रुटी किंवा बैंक रेकॉर्डशी जुळवणी न झाल्यामुळे काही प्रकरणे प्रलंबित राहिली आहेत. आता या सर्व प्रकरणांची पुन्हा पडताळणी करण्याचा निर्णय झाल्याने संबंधित शेतकऱ्यांना मोठा दिलासा मिळाला आहे. 'पात्र असाल तर लाभापासून वंचित राहणार नाही', असा विश्वास या निर्णयामुळे निर्माण झाला आहे.

ग्रीन लिस्ट बाहेरील पात्रांनाही संधी

ग्रीन लिस्टमध्ये नाव असलेल्या पात्र लाभार्थ्यांना प्राधान्याने कर्जमुक्तीचा लाभ देण्याच्या सूचना देण्यात आल्या आहेत. मात्र, केवळ ग्रीन लिस्टमध्ये नाव नसल्यामुळे पात्र शेतकरी लाभापासून वंचित राहू नये, याचीही काळजी घेण्यात येणार आहे. उपलब्ध शासकीय नोंदी, बँक रेकॉर्ड आणि संबंधित पुराव्यांच्या आधारे अशा प्रकरणांची वस्तुनिष्ठ तपासणी केली जाणार आहे. यासाठी अधिकाऱ्यांची समिती नियुक्त करून प्रत्येक प्रकरणाची पडताळणी करण्याच्या सूचना सहकार मंत्र्यांनी दिल्या. त्यामुळे कागदपत्रे, ऑनलाइन नोंदी किंवा तांत्रिक कारणांमुळे वर्षानुवर्षे प्रलंबित राहिलेल्या पात्र शेतकऱ्यांना आता कर्जमुक्तीचा लाभ मिळण्याचा मार्ग मोकळा होणार आहे.

कर्जत तालुक्यात प्रस्तावित धरणे, टोरंटचा ऊर्जा प्रकल्प, आदिवासींच्या जमिनी, प्रकल्पग्रस्तांचा मोबदला आणि पुनर्वसनाच्या मुद्द्यावरून महायुतीतील घटक पक्ष असलेल्या शिवसेना शिंदे गट आणि राष्ट्रवादी काँग्रेस अजित पवार गटातील राजकीय संघर्ष चांगलाच पेटला आहे.

आमदार महेंद्र थोरवे यांनी पत्रकार परिषदेत राष्ट्रवादीच्या नेत्यांवर आदिवासींच्या जमिनींच्या व्यवहारासह विविध गंभीर आरोप करत प्रकल्पग्रस्तांनी योग्य मोबदला मिळेपर्यंत जमिनी विकू नयेत, असे आवाहन केले. त्यानंतर राष्ट्रवादी काँग्रेसचे रायगड जिल्हाध्यक्ष सुधाकर घारे यांनी पत्रकार परिषद घेत थोरवे यांच्या आरोपांना प्रत्युत्तर देत प्रकल्पग्रस्तांच्या प्रश्नांवर प्रत्यक्ष गावात जाऊन भूमिका मांडण्याचे आव्हान दिले.

कोंढाणे धरणाचा संदर्भ देत आमदार महेंद्र थोरवे यांनी आरोप केला की, कोंढाणे धरण क्षेत्रात मोठ्या प्रमाणावर आदिवासींच्या जमिनी होत्या. भविष्यात या जमिनींना मोठा मोबदला मिळणार असल्याचे लक्षात आल्यानंतर काही राष्ट्रवादीच्या मध्यस्थांकडून आदिवासींच्या जमिनींचे व्यवहार करण्यात आल्याचा त्यांचा दावा आहे. या व्यवहारातून मोठ्या प्रमाणावर आर्थिक फायदा घेतल्याचा तसेच संबंधित पैसा निवडणुकीत वापरल्याचा आरोपही त्यांनी केला. या आरोपांना संबंधितांकडून कायदेशीर किंवा अधिकृत प्रत्युत्तर उपलब्ध असल्यास त्याची स्वतंत्र पडताळणी आवश्यक आहे.

याच मुद्द्यावरून थोरवे यांनी कोंढाणे, शिलार आणि टोरंट प्रकल्पांचा उल्लेख केला. या प्रकल्पांसाठी आदिवासी किंवा स्थानिक शेतकऱ्यांच्या जमिनी जाणार असतील, तर योग्य मोबदला, पुनर्वसन आणि स्थानिकांच्या हक्कांचे संरक्षण होणे आवश्यक असल्याचे त्यांनी सांगितले. शासनाकडून योग्य मोबदला मिळेपर्यंत एक गुंठा जमीनही विकू नका, असे आवाहन त्यांनी स्थानिक शेतकरी आणि आदिवासी बांधवांना केले.

प्रकल्पांच्या नावाखाली जमीन खरेदी करण्यासाठी राष्ट्रवादीचे काही जण स्थानिक भागात फिरत असल्याचा आरोपही थोरवे यांनी केला. शासनाने स्थानिकांशी चर्चा करून त्यांच्या मागण्या मान्य केल्याशिवाय संबंधित प्रकल्पांना पुढे जाऊ देणार नाही, अशी भूमिका त्यांनी मांडली.

गावात जाऊन प्रश्न समजून घ्या...

आमदार थोरवे यांच्या आरोपांना प्रत्युत्तर देताना राष्ट्रवादी काँग्रेसचे जिल्हाध्यक्ष सुधाकर घारे यांनी प्रकल्पांबाबत केवळ पत्रकार परिषदांमधून आरोप करण्याऐवजी प्रत्यक्ष गावात जाऊन नागरिकांच्या समस्या समजून घेण्याची गरज व्यक्त केली. कोंढाणे, शिलार तसेच टोरंट प्रकल्पांमुळे बाधित होणाऱ्या शेतकरी, आदिवासी आणि ग्रामस्थांच्या प्रश्नांचा सखोल अभ्यास होणे गरजेचे असल्याचे घारे यांनी सांगितले. प्रकल्पग्रस्तांना न्याय मिळाल्याशिवाय कोणत्याही प्रकल्पाबाबत अंतिम भूमिका घेता येणार नाही, असेही त्यांनी स्पष्ट केले.

कोंढाणे धरणाच्या मोबदल्याचा मुद्दाही या आरोप-प्रत्यारोपात केंद्रस्थानी आला. थोरवे यांनी कोंढाणे धरणातील अनेक आदिवासी आणि शेतकऱ्यांना अद्याप पूर्ण मोबदला मिळालेला नसल्याचा आभ्यास करावा. काही प्रकरणांमध्ये जमीन व्यवहार आणि मोबदल्याची प्रक्रिया प्रलंबित असल्याचे सांगत. घारे यांनी थोरवे यांच्या दाव्यांवर प्रश्न उपस्थित करत, कोंढाणे धरणातील प्रत्यक्ष परिस्थिती वेगळी असल्याचे सांगितले. काही प्रकल्पग्रस्तांना अद्याप मोबदला मिळणे बाकी असल्याचे मान्य करतानाच जमीनविषयक प्रकरणे, मोबदला आणि पुनर्वसन यासाठी प्रशासनाकडे पाठपुरावा करण्याची गरज असल्याचे त्यांनी नमूद केले.

आदिवासींच्या जमिनींच्या कथित हस्तांतरणाचा मुद्दा दोन्ही पत्रकार परिषदांमध्ये चर्चेत आला. काही जमीनप्रकरणांमध्ये आदिवासींच्या हक्कांवर परिणाम करणारे व्यवहार अथवा जमिनीच्या नोंदींमध्ये बदल करण्याचे प्रयत्न झाल्याचे आरोप करण्यात आले. काही प्रकरणांमध्ये न्यायालयीन हस्तक्षेप झाल्याचा दावाही करण्यात आला. संबंधित जमीनप्रकरणांतील प्रत्यक्ष नोंदी, महसूल कागदपत्रे आणि न्यायालयीन आदेश तपासल्यानंतरच या आरोपांची वस्तुस्थिती स्पष्ट होऊ शकते. त्यामुळे या आरोपांबाबत अंतिम निष्कर्ष काढण्याआधी अधिकृत कागदपत्रांची पडताळणी महत्त्वाची ठरणार आहे.

• कर्जत तालुक्यात सध्या विविध जलसंधारण, ऊर्जा आणि पायाभूत प्रकल्पांच्या प्रस्तावांमुळे जमीन, रोजगार, पर्यावरण आणि पुनर्वसनाचे प्रश्न ऐरणीवर आले आहेत. या पार्श्वभूमीवर महायुतीतीलच दोन घटक पक्षांच्या स्थानिक नेत्यांमध्ये सुरू झालेल्या आरोप-प्रत्यारोपांमुळे राजकीय वातावरण तापले आहे. दोन्ही नेत्यांनी स्थानिक शेतकरी आणि आदिवासींच्या हिताचे संरक्षण करण्याची भूमिका मांडली असली, तरी प्रत्यक्षात संबंधित प्रकल्पांबाबत जमीन अधिग्रहण, मोबदला, पुनर्वसन, पर्यावरणीय परिणाम आणि स्थानिकांना मिळणारे लाभ याची अधिकृत माहिती नागरिकांसमोर येणे आवश्यक आहे.

पिंपळगाव रेणुकाई, पुढारी वृत्तसेवा : भोकरदन तालुक्यातील पिंपळगाव रेणुकाईसह परिसरात पावसाने मोठा खंड दिल्याने मका, सोयाबीन, कपाशी, मूग, उडीद व तुर पिकाचे मोठ्या प्रमाणात नुकसान झाले आहे. यामुळे आता शेतकऱ्यांचे लक्ष सरकारकडून मिळणाऱ्या मदतीकडे लागले आहे.

पिंपळगाव रेणुकाई परिसरात मोठ्या प्रमाणात खरीप पिकांचे नुकसान झाले आहे. या नुकसानीची पाहणी करण्यासाठी ग्राम महसूल अधिकारी गाडेकर, ग्रामपंचायत अधिकारी समाधान सोनुने आणि सहायक कृषी अधिकारी नंदकिशोर पायघन यांचे पथक शेतात दाखल झाले.

यावेळी शेतकरी पंडित नरवाडे, संतोष बोर्डे, गजानन नरवाडे, कृष्णा बेराड, अकील शेख व शेतकऱ्यांच्या शेतात जावुन पथकाने पाहणी केली. शेतकऱ्यांनी सांगितले की, यंदा मक्याची पेरणी वेळेत झाली होती. पीक कणीस अवस्थेत असताना पावसाने अचानक पाठ फिरवली.

पाणी न मिळाल्याने कणसातील दाणे भरलेच नाहीत. कणसे पोकळ राहिली असून झाडे जागेवरच वाळून गेली आहेत. जनावरांच्या चाऱ्यासाठी वैरण म्हणूनही या पिकाचा उपयोग होत नाही. खरीप हंगामातील मकासह इतर पिकांवर मोठा खर्च झाल्याने हा खर्च निघणार कसा असा सवाल शेतकरी कृष्णा बेराड यांनी पथकाला केला.

विशेष सखोल मतदार यादी पुनरीक्षण अर्थात SIR प्रक्रियेत केंद्रीय निवडणूक आयोगाने स्पष्ट निर्देश देऊनही पनवेलमध्ये या आदेशाची अंमलबजावणी होत नसल्याचा गंभीर प्रकार समोर आला आहे. नोटीस बजावलेल्या मतदारांच्या घरी जाऊन BLO नी कागदपत्रे स्वीकारावीत, त्यासाठी मतदारांना ERO अथवा AERO कार्यालयात सुनावणीसाठी बोलावू नये, असे केंद्रीय निवडणूक आयोगाने 26 सप्टेंबर रोजी स्पष्ट केले आहे. मात्र, पनवेल तालुक्यातील काही भागांत आजही नियोजित कार्यालयांमध्ये BLO च्या उपस्थितीत सुनावणी सुरू असल्याने निवडणूक यंत्रणेच्या कार्यपद्धतीवर प्रश्नचिन्ह निर्माण झाले आहे.

केंद्रीय निवडणूक आयोगाच्या निर्णयानुसार, SIR मध्ये ‘अनमॅप्ड’ किंवा तार्किक विसंगती आढळून नोटीस बजावलेल्या मतदारांच्या घरी BLO ने भेट देऊन आवश्यक कागदपत्रे घ्यायची आणि ती ECINETवर अपलोड करायची आहेत. संबंधित मतदाराला कार्यालयात बोलावण्याची आवश्यकता नाही. केवळ अपवादात्मक परिस्थितीत EROच्या निर्णयानुसार सुनावणी घेता येईल आणि ती शक्यतो ऑनलाइन असावी, असे आयोगाने स्पष्ट केले आहे.

याहून महत्त्वाचे म्हणजे, 30 सप्टेंबर रोजी महाराष्ट्राच्या निवडणूक यंत्रणेनेही राज्यातील अधिकाऱ्यांना सूचना देऊन नोटीस मिळालेल्या नागरिकांना सुनावणीसाठी केंद्रावर बोलावू नये आणि BLOनी त्यांच्या घरी जावे, असे निर्देश दिल्याचे समोर आले आहे. मात्र, पनवेलमध्ये या निर्देशांच्या पार्श्वभूमीवरही काही नियोजित कार्यालयांमध्ये मतदारांना बोलावून सुनावणीची प्रक्रिया सुरू असल्याचे चित्र आहे. त्यामुळे केंद्रीय निवडणूक आयोगाच्या स्पष्ट आदेशानंतरही पनवेलमध्ये कार्यालयीन सुनावणी नेमकी कोणाच्या आदेशाने सुरू आहे?

स्थानिक पातळीवर आयोगाच्या आदेशात बदल करण्याचे अधिकार कोणाला दिले आहेत? असे सवाल उपस्थित होत आहेत. दरम्यान, पनवेल महानगरपालिकेच्या SIR संदर्भातील अधिकृत माहितीतही BLO कडून आवश्यकतेनुसार घरभेटी देण्याच्या सूचना आहे.

कोकण विभागीय आयुक्त रुबल अग्रवाल यांच्या पनवेल दौऱ्यातही SIRच्या कामाचा आढावा घेण्यात आला होता. त्यांच्या पाहणीदरम्यान BLO च्या गृहभेटींना प्राधान्य देऊन कामाला गती देण्याच्या सूचना देण्यात आल्याचा दावा स्थानिक पातळीवर केला जात आहे. अशा परिस्थितीत प्रत्यक्षात मतदारांना कार्यालयात बोलावून सुनावण्या घेतल्या जात असतील तर आदेश आणि प्रत्यक्ष अंमलबजावणी यांच्यातील हा विरोधाभास नेमका कशामुळे? याचे स्पष्टीकरण निवडणूक प्रशासनाने देणे आवश्यक आहे.

एकीकडे ‘मतदारांच्या दारात BLO’ असा केंद्रीय निवडणूक आयोगाचा स्पष्ट निर्णय, तर दुसरीकडे पनवेलमध्ये ‘मतदारांनी कार्यालयात या’ अशी पद्धत सुरू असल्याचे चित्र आहे. त्यामुळे SIR प्रक्रियेतील पारदर्शकता आणि आदेशांच्या पालनाबाबत गंभीर प्रश्न निर्माण झाले आहेत.

आता पनवेलमधील या कार्यालयीन सुनावण्या कोणाच्या आदेशाने सुरू आहेत, किती मतदारांना कार्यालयात बोलावण्यात आले आणि केंद्रीय आयोगाच्या निर्देशानंतरही ही पद्धत का सुरू ठेवण्यात आली, असा प्रश्न विचारला जाऊ लागला आहे.

याप्रकरणी अस्लम रुस्तम कुरेशी (वय ३६, रा. कामतघर, भाग्यनगर, भिवंडी) याच्याविरुद्ध कासा पोलीस ठाण्यात गुन्हा रजिस्टर क्रमांक १८६/२०२६ अन्वये भारतीय न्याय संहिता तसेच अन्न सुरक्षा व मानदे कायद्यानुसार गुन्हा दाखल करण्यात आला आहे. पोलिसांनी दिलेल्या माहितीनुसार, मुंबई-अहमदाबाद महामार्गावर चारोटी टोलनाका, घोळ गाव परिसरात वाहनांची तपासणी सुरू असताना बोलेरो टेम्पोची तपासणी करण्यात आली.

या वाहनामध्ये महाराष्ट्र शासनाच्या अधिसूचनेनुसार प्रतिबंधित असलेला सुगंधी पानमसाला व तंबाखूजन्य पदार्थ मोठ्या प्रमाणात आढळून आले. जप्त करण्यात आलेल्या मुद्देमालामध्ये विविध प्रकारचा विमल पानमसाला, केसरयुक्त पानमसाला आणि तंबाखू यांचा समावेश आहे. पोलिसांनी केलेल्या पंचनाम्यानुसार या प्रतिबंधित पदार्थांची एकूण किंमत १९ लाख ८६ हजार १७४ रुपये आहे. याशिवाय सुमारे १० लाख रुपये किमतीचा पिकअप टेम्पो जप्त करण्यात आला. वाहनासह जप्त मुद्देमालाची एकूण किंमत २९ लाख ८६ हजार १७४ रुपये असल्याचे पोलिसांनी सांगितले.

महाराष्ट्र राज्य अन्न व औषध प्रशासनाच्या अधिसूचनेनुसार जनतेच्या आरोग्याच्या हितासाठी स्वादिष्ट व सुगंधित तंबाखू, तंबाखूजन्य पदार्थ आणि अन्नमिश्रकेयुक्त पानमसाला आदींची निर्मिती, साठवणूक, वितरण, वाहतूक व विक्रीवर प्रतिबंध आहे. हा प्रतिबंध माहीत असूनही आरोपी गुजरातमधील सुरत येथून प्रतिबंधित माल भरून भिवंडी येथे विक्री करण्याच्या उद्देशाने घेऊन जात असल्याचे पोलिसांच्या प्राथमिक तपासात समोर आले.

या प्रकरणी गुन्हा दाखल करण्यात आला आहे. गुन्ह्याचा पुढील तपास उदय पाठक करीत आहेत. कारवाईदरम्यान कासा पोलीस ठाण्याचे पोलीस निरीक्षक अमर पाटील व तपासी अधिकारी उदय पाठक यांनी भेट देऊन पाहणी केली.

जिंतूर, पुढारी वृत्तसेवा : तालुक्यातील मोहखेड तांडा परिसरात शेतात चक्क गांजाची लागवड करून त्याची जोपासना होत असल्याचा प्रकार अमली पदार्थविरोधी पथकाच्या कारवाईत उघडकीस आला. गुप्त माहितीच्या आधारे पथकाने शेतावर छापा टाकत तब्बल १०९ गांजाची झाडे जप्त केली. जप्त गांजाच्या झाडांचे वजन २४२ किलो ३०० ग्रॅम असून, त्याची किंमत तब्बल १ कोटी २१ लाख १५ हजार रुपये असल्याचे पोलिसांनी सांगितले. या कारवाईमुळे परिसरात खळबळ उडाली आहे.

या प्रकरणी परमेश्वर रामा चांदणे (रा. मोहखेड तांडा, ता. जिंतूर) याच्याविरुद्ध जिंतूर पोलिस ठाण्यात गुन्हा दाखल करण्यात आला. शेत ठोक्याने घेऊन त्यामध्ये गांजाची लागवड केल्याचा आरोप त्याच्यावर करण्यात आला. पोलिसांनी दिलेल्या माहितीनुसार, मोहखेड येथील शेतकरी कैलास सखाराम राठोड यांच्या गट क्रमांक २६ मधील शेतजमीन परमेश्वर चांदणे याने ठोक्याने घेतली होती.

या शेतात गांजाची लागवड करून त्याची जोपासना केली जात असल्याची गोपनीय माहिती अंमली पदार्थविरोधी पथकाला मिळाली. पथकाने संबंधित शेताची पाहणी करून कारवाईची तयारी केली. गोपनीय माहितीची खातरजमा केल्यानंतर पथकाने मोहखेड तांडा परिसरातील संबंधित शेतावर छापा टाकला. यावेळी शेतात गांजाची झाडे लागवड केलेली आढळून आली. पोलिसांनी कारवाई करत एकूण १०९ झाडे ताब्यात घेतली.

या झाडांचे वजन केल्यानंतर ते २४२ किलो ३०० ग्रॅम भरले. जप्त मुद्देमालाची किंमत १ कोटी २१ लाख १५ हजार रुपये असल्याचे पोलिसांनी नमूद केले. शेतजमीन ठोक्याने घेऊन त्यामध्ये गांजाची लागवड व जोपासना केल्याच्या आरोपावरून परमेश्वर चांदणे याच्याविरुद्ध जिंतूर ठाण्यात गुन्हा दाखल करण्यात आला. तपास पोलिसांकडून सुरू आहे.

गांजाची लागवड करण्यामागे आणखी कोणाचा सहभाग आहे का, याचाही तपास केला जात आहे. अंमली पदार्थांची लागवड, साठवणूक, विक्री आणि तस्करीला आळा घालण्यासाठी पोलिस प्रशासनाकडून विशेष मोहीम राबविण्यात येत आहे. त्याच मोहिमेचा भाग म्हणून मोहखेड तांडा परिसरातील ही कारवाई करण्यात आली. ग्रामीण भागातील शेतजमिनींचा गैरवापर करून अमली पदार्थांची लागवड केली जात असल्यास त्याची माहिती पोलिसांना देण्याचे आवाहनही प्रशासनाकडून करण्यात येत आहे.

अंमली पदार्थाच्या विळख्यातून समाजाला वाचविण्यासाठी मोहीम सुरूच राहणार असून, अंमली पदार्थांचा नायनाट करणे हेच ध्येय आहे, असा निर्धार पोलिस प्रशासनाने व्यक्त केला. विशेष पोलिस महानिरीक्षक ज्योतिप्रिया सिंग, पोलिस अधीक्षक अजित टिके, पोलिस अधीक्षक अनुज तारे आणि पोलिस उपअधीक्षक अनिल जाधव यांच्या मार्गदर्शनात कारवाई झाली. पोनि दिगंबर कोपरे, पोउपनि नितीन पवार, पोलिस उपनिरीक्षक संतोष वावळ, हनुमंत जकवेवाड, पिराजी निळे, प्रशांत कोकंडे, काशिनाथ कुंडगीर, रोहित मगर, विकास तायडे, शंकर कोस्वेवाड, गणेश जाधव, महेंद्र दासरवार, तानाजी येळगे आणि शेख मुजीब यांनी कारवाईत सहभाग घेतला.

१०९ झाडे... २४२ किलो ३०० ग्रॅम गांजा

मोहखेड तांडा परिसरातील शेतातून अंमली पदार्थविरोधी पथकाने १०९ गांजाची झाडे जप्त केली. या झाडांचे एकूण वजन २४२ किलो ३०० ग्रॅम, तर जप्त मुद्देमालाची किंमत १ कोटी २१ लाख १५ हजार रुपये असल्याचे पोलिसांनी सांगितले. त्यामुळे ग्रामीण भागातील शेतजमिनींचा अमली पदार्थांच्या लागवडीसाठी होणारा वापर हा चिंतेचा विषय ठरला आहे.