नाशिक : मारहाण करून उकळली खंडणी

नाशिक : पुढारी वृत्तसेवा

बलात्काराच्या खोट्या गुन्ह्यात अडकवू, बदनामी करू, अशी धमकी देत चाकूचा धाक दाखवून मारहाण करीत तिघांनी एकाकडून 8 लाख रुपयांची खंडणी उकळल्याचा प्रकार उघडकीस आला आहे. या प्रकरणी देवळाली कॅम्प पोलिस ठाण्यात महिलेसह तिघांविरोधात गुन्हा दाखल करण्यात आला आहे. नीलेश अग्रवाल (रा. देवळाली कॅम्प) यांच्या फिर्यादीनुसार, देवळाली कॅम्प पोलिस ठाण्यात महिलेसह रवि वाघ, गणेश या दोघांविरोधात गुन्हा दाखल करण्यात आला आहे. नीलेश यांच्या फिर्यादीनुसार, संशयितांनी दि. 8 ते 13 एप्रिल दरम्यान धमकावत मारहाण करीत खंडणी घेतली. नीलेश हा संशयित महिलेवर वाईट मत मांडत असल्याची कुरापत संशयितांनी काढली. तसेच धमकावत चाकूचा धाक दाखवून महिलेसह इतर दोघांनी नीलेशकडे आठ लाख रुपयांची खंडणी मागितली होती. नीलेशने भीतीपोटी संशयितांना आठ लाख रुपये दिले.

हेही वाचा:

• विहिरींचे गतवैभव काळाच्या पडद्याआड !
• Amritpal Singh : अटकेनंतर अमृतपालला आसामच्या दिब्रुगढ तुरुंगात नेणार; भटिंडा एअरबेसवरून पोलीस दिब्रुगढला रवाना
• सोने खरेदीमध्ये वाढ; वाहनांच्या खरेदीमध्ये 25 ते 30 टक्यांची वाढ