बीड : नेकनूरजवळ तिहेरी अपघात; एक ठार

नेकनूर; पुढारी वृत्तसेवा : नेकनूर परिसरातील येळंबघाट रस्त्यावर बुधवारी (दि.१) रात्री साडेआठच्या दरम्यान बोलेरो जीप- ट्रॅक्टर- टेम्पो असा तिहेरी अपघात झाला. या अपघातात एकाचा जागीच मृत्यू झाला असून काही जण जखमी झाले. येथे सुरू असलेला बेकायदेशीर लाकडाचा व्यवसाय या अपघातास कारणीभूत ठरल्याचे बोलले जात आहे.

नेकनूर परिसरात लाकडाचा व्यवसाय करणाऱ्यांनी येळंबघाट रस्त्यावर मोठ्या प्रमाणात बस्तान बसवले आहे. या रस्त्यावर बुधवारी (दि.१) रात्री साडेआठच्या दरम्यान लाकडाची वाहतूक करणाऱ्या ट्रॅक्टरची बोलेरो जीपला (MH 26.V. 3402) जोरदार धडक बसली. या अपघातात बोलेरो जीप रस्त्याच्या कडेला जाऊन पलटी झाली. त्यानंतर याच ट्रॅक्टरला ( MH16. f 7904 ) पाठीमागून आयशर टेम्पो (MH 24. AU.7885) धडक बसली. या अपघातात बोलेरो जीपमधील एकाचा जागीच मृत्यू झाला असून काही जण जखमी आहेत. जखमींना नेकनूर रुग्णालयातील उपचारानंतर पुढील उपचारासाठी बीडला हलविण्यात आले आहे. मृताचे नाव समजू शकलेले नाही.

हेही वाचा :

• शेअर मार्केट फ्रॉड जोमात: उच्चभ्रू जाळ्यात; चार महिन्यांत तब्बल 50 कोटींचा गंडा
• धुळे: गंगापूर येथे हळदीच्या कार्यक्रमात महिलेचा एक जणावर विळ्याने वार
• चीनमधील ग्वांगडोंग प्रांतात महामार्ग कोसळला, १९ ठार