'अरे'ला 'कारे' म्हणण्याची हिम्मत महाराष्ट्र सरकारने दाखवावी : अजित पवार
मुंबई, पुढारी वृत्‍तसेवा : सीमाभागात महाराष्ट्रातील वाहनांवर झालेला हल्ल्याचा तीव्र निषेध करण्यात येत आहे. महाराष्ट्राच्या गाड्यांवरचा हल्ला हा महाराष्ट्राच्या स्वाभिमानावरचा हल्ला आहे. अशा हल्ल्यातून सीमाभागातील मराठी भाषिकांच्या मनात दहशत निर्माण करण्याचा प्रयत्न कधीही यशस्वी होणार नाहीत. असे हल्ले महाराष्ट्र सरकारने खपवून घेऊ नयेत, ‘अरे’ ला ‘कारे’ म्हणण्याची हिम्मत महाराष्ट्र सरकारने दाखवावी, असे आवाहन अजित पवार यांनी आज केले केले.
मराठी भाषक बेळगाव भागात महाराष्ट्राच्या गाड्यांवर कन्नड गुंडांनी केलेल्या भ्याड हल्ल्याचा तीव्र निषेध! महाराष्ट्राच्या गाड्यांवर हल्ला महाराष्ट्राच्या स्वाभिमानावर हल्ला आहे. अशा हल्ल्यातून सीमाभागातील मराठी भाषिकांच्या मनात दहशत निर्माण करण्याचा प्रयत्न कधीही यशस्वी होणार नाही.
— Ajit Pawar (@AjitPawarSpeaks) December 6, 2022
सीमाभागातील मराठी भाषिकांमागे महाराष्ट्र एकजुटीने उभा
महाराष्ट्र सरकार आणि सत्तारूढ पक्षांनी नेभळटपणा, बोटचेपी भूमिका सोडावी. निव्वळ निषेध करून चालणार नाही. ‘अरे’ ला ‘कारे’ म्हणण्याची हिम्मत महाराष्ट्र सरकारने दाखवावी. कर्नाटक सरकारच्या पाठीब्यामुळेच हे प्रकार घडत आहेत. महाराष्ट्र सरकारने यासंदर्भात कणखर भूमिका घ्यावी. केंद्र सरकारने कर्नाटकच्या मुख्यमंत्र्यांना समज द्यावी. मराठी माणसांच्या रक्षणासाठी, अस्मितेसाठी विरोधी पक्ष आणि महाराष्ट्र अभिमानी नागरिक एकजूटीने सीमाभागातील मराठी भाषिकांच्यामागे ठामपणे उभे आहेत.
सत्तारुढ पक्षांनी देखील आपलं कर्तव्य पार पाडावं. कोणत्याही परिस्थितीत सीमाभागात अनुचित प्रकार आणि भ्याड हल्ले खपवून घेऊ नयेत. महाराष्ट्राची एकजूट दाखवण्याची हीच वेळ आहे.
— Ajit Pawar (@AjitPawarSpeaks) December 6, 2022
सत्तारुढ पक्षांनीही आपले कर्तव्य पार पाडावे. कोणत्याही परिस्थितीत सीमाभागात अनुचित प्रकार आणि हल्ले खपवून घेवू नयेत. महाराष्ट्राची एकजूट दाखवण्याची हीच वेळ आहे. अशा शब्दात विधानसभेचे विरोधी पक्षनेते अजित पवार यांनी कर्नाटकमध्‍ये महाराष्ट्रातील वाहनांवर झालेल्‍या हल्‍ल्‍यांचा निषेध केला.
हेही वाचा :
- नाशिक : ऑनलाइन वाहन बुक करणे पोलिसास पडले महागात, 22 हजारांचा गंडा
- कोल्हापूर : श्री क्षेत्र नृसिंहवाडी येथे बुधवारी दत्त जन्मोत्सव सोहळा
- महाराष्ट्राच्या संयमाची परीक्षा बघू नका : शरद पवारांचा कर्नाटकच्या मुख्यमंत्र्यांना इशारा