बेळगाव : म्हैसूर दसरा मुख्यमंत्री कप क्रीडा स्पर्धेसाठी महिला संघाला शुभेच्छा
बेळगाव : पुढारी वृत्तसेवा : बेळगावला हॉकीची परंपरा असून राज्यस्तरीय म्हैसूर दसरा मुख्यमंत्री हॉकी स्पर्धेसाठी बेळगावचा महिला हॉकी संघ रवाना होत आहे, महिला संघाने कौशल्य पणाला लावून सामना जिंकण्यासाठी प्रयत्न करावेत व बेळगावचा नावलौकिक वाढवावा अशा शुभेच्छा जिल्हाधिकारी नितेश पाटील यांनी दिल्या आहेत.
संबधित बातम्या
- Pune News : खुनाच्या हेतूने अपहरण करणाऱ्या तिघांच्या पोलीसांनी आवळल्या मुसक्या
- नागपूर : कंत्राटी भरतीविरोधात विद्यार्थ्यांचा काटोल तहसील कार्यालयावर मोर्चा
- रात्री उशिरा जेवल्याने ‘हे’ आजार बळावू शकतात, काय सांगते नवे संशोधन?
जिल्हाधिकारी नितेश पाटील यांनी शुभेच्छा देत सांगितले की, बेळगावची एस्ट्रोतर्फ हॉकी मैदानाची मागणी प्रशासनातर्फे लवकरच रामतीर्थ नगर येथे पूर्णत्वास येईल. यामुळे पुन्हा एकदा बेळगावमधून दर्जेदार हॉकी खेळाडू निर्माण होण्यास मदत होईल. असेही ते म्हणाले.
प्रारंभी प्रकाश कालकुंद्रीकर यांनी हॉकी बेळगावची माहिती देऊन प्रास्ताविक केले. दत्तात्रय जाधव यांनी उपस्थित पाहुण्यांचे स्वागत केले. अध्यक्ष गुळाप्पा होसमणी यांनी प्रमुख पाहुणे जिल्हाधिकारी नितेश पाटील यांचे पुष्पगुच्छ देऊन स्वागत केले. यावेळी व्यासपीठावर प्रमुख पाहुणे म्हणून जिल्हा नियोजन खात्याचे अधिकारी श्रीनिवास, डॉ. अनिल पाटील, सौ मीना अनिल बेनके उपस्थित होते.
कर्नाटक शासनाच्या युवजन व क्रीडा खात्यातर्फे दसरा मुख्यमंत्री कप क्रीडा स्पर्धांचे आयोजन दि. १६ ते २१ आक्टोबर दरम्यान करण्यात आले आहे. सदर स्पर्धेसाठी हॉकी बेळगाव मुलींच्या संघाची निवड करण्यात आली आहे. यामध्ये श्रेया रुतकुटे, प्राजक्ता निलजकर, धनश्री शिंदे, नागेश्वरी धामणेकर, भावना किलर्गी, मृणाली भाते, विजयालक्ष्मी मुलिमनी, दर्शना रुकजे, भूमी कुगजी, श्रेया मोहिते, रेणुका मुडनगौडा, ईशा गवळी, ऐश्वर्या देसाई, श्रुती येळ्ळूरकर, मुस्कान कित्तूर, सुधाकर चाळके, संघ व्यवस्थापक आदीचा समावेश आहे. हा संघ शनिवारी (दि. १४ आक्टोबर) रोजी सायंकाळी म्हैसूरला रवाना होणार आहे.
समारंभाला उपाध्यक्ष पूजा जाधव, विनोद पाटील, मनोहर पाटील, आशा होसमणी, विकास कलघटगी, अश्विनी बस्तवाडकर, नामदेव सावंत, श्रीकांत आजगावकर, गणपत गावडे, संजय शिंदे, उत्तम शिंदे, निखिल शिंदे, विजय उपाध्ये, वेंकटेश महारेड्डी आदी उपस्थित होते.
हेही वाचा :