कोल्हापूर : मंडळाचे साहित्य आणताना तरुणाचा अपघातात मृत्यू

By:Arun Patil Published on: September 11, 2021, 6:42 AM

बिद्री : उंदरवाडी (ता. कागल) येथील गणेश मंडळाचे साहित्य आणण्यासाठी गेलेल्या तरुणाचा अपघातात मृत्यू झाला. दुचाकी बोरवडे येथे देवालयाच्या कठड्याला धडकून तो जागीच ठार झाला तर एकजण जखमी झाला.

संदीप साताप्पा इंदूलकर (वय 30) असे मृताचे नाव असून ओंकार संभाजी पोवार (21) असे जखमीचे नाव आहे. संदीप व ओंकार हे गावातील सार्वजनिक गणेशोत्सव मंडळाचे साहित्य आणण्यासाठी कोल्हापूरला गेले होते.

गुरुवारी रात्री पावणेअकराच्या दरम्यान बोरवडे गावच्या प्रवेशद्वाराजवळ असलेल्या म्हसोबा मंदिराच्या कठड्याला त्यांच्या दुचाकीची जोरात धडक बसली. ही धडक इतकी भीषण होती की, ते दोघेही दुचाकीसह अंदाजे 50 फूट अंतरावर जाऊन पडले.