Mukti Mohan Wedding: मुक्ती मोहनचे लग्न होताच शक्ती मोहन भावूक
पुढारी ऑनलाईन डेस्क : प्रसिद्ध बॉलीवूड नृत्यांगना आणि अभिनेत्री मुक्ती मोहनने ९ डिसेंबर रोजी तिचा लॉन्गटाईम बॉयफ्रेंड अभिनेता कुणाल ठाकूरशी विवाह केला. कुणालने ‘अॅनिमल’ या चित्रपटात रश्मिका मंदनाच्या होणाऱ्या नवऱ्याची भूमिका साकारली आहे. (Mukti Mohan Wedding) त्यांच्या लग्नानंतर आता त्यांचे चाहते आणि कुटुंबीय नवविवाहित जोडप्याला शुभेच्छा देत आहेत. (Mukti Mohan Wedding)
या कपलने नुकतेच इन्स्टाग्रामवर त्यांच्या लग्नाचे अनेक फोटो शेअर करून त्यांच्या लग्नाचा खुलासा केला आहे. आता मुक्ती मोहनची बहीण शक्ती मोहन हिने एक भावनिक नोट लिहून लग्नाचे अनेक फोटो शेअर केले आहेत. तिने बहिणीवरही प्रेमाचा वर्षाव केला आहे.
View this post on Instagram
‘जरा नचके देखा २’, ‘झलक दिखला जा ६’ आणि ‘खतरों के खिलाडी ७’ सारख्या शोमध्ये दिसलेली मुक्ती मोहन लग्नगाठ बांधली आहे. या खास दिवशी अभिनेत्रीने पेस्टल रंगाचा लेहेंगा घातला होता, ज्यामध्ये ती खूपच सुंदर दिसत होती. तिचा लूक पूर्ण करण्यासाठी, मुक्तीने हिरा-पन्ना चोकर, मॅचिंग ईअरिंग्ज, माथापट्टी आणि नथसह एक लांब हार घातला होता.
शक्ती मोहनने शेअर केले फोटो
शक्ती मोहनने तिच्या लग्नातील न पाहिलेले फोटो शेअर केले आहेत. १० डिसेंबर रोजी मुक्ती मोहनने तिच्या इन्स्टाग्रामवर लग्नाचे अनेक फोटो शेअर केले होते. मुक्तीच्या बहिणी शक्ती मोहन, नीती मोहन आणि कृती मोहन देखील त्यांच्या पालकांसोबत लग्नाच्या फोटोंमध्ये दिसल्या होत्या. आता, शक्तीने तिच्या इन्स्टाग्राम हँडलवर या लग्नाचे अनेक नवीन फोटो शेअर केले आहेत आणि तिच्या बहिणीसाठी एक भावनिक नोट देखील लिहिली आहे.
लग्नातील न पाहिलेले फोटो शेअर करत शक्तीने लिहिले, “माझ्या लहान गोलूचे लग्न झाले आहे. माझ्या हृदयाचा एक तुकडा तुझ्याबरोबर निघून गेल्यासारखे वाटते. मी तुमच्यासाठी आणि कुणाल ठाकूरसाठी खूप आनंदी आहे. परिपूर्ण जोडीदार शोधल्याबद्दल अभिनंदन. तुमचे जीवन आनंदाने आणि आनंदाने समृद्ध होवो. मला तुझी खूप आठवण येईल मुक्ती मोहन. प्रत्येक गोष्टीत माझी साथीदार….
View this post on Instagram
सेलेब्सचे कॉमेंट्स
कॉमेंट सेक्शनमध्ये सेलिब्रिटीजने शुभेच्छा दिल्या आहेत. विजय वर्माने लिहिलं, ‘खूप अभिनंदन. खूप सुंदर.’ विशाल ददलानीने लिहिले, ‘तुम्ही दोघे खूप सुंदर दिसत आहात. सॉरी मी तेथे येऊ शकलो नाही. मुक्ती – कुणालला जगातील सर्व आनंद मिळो.’ गायिका ऋचा शर्मा लिहिते, ‘तुला आणि तुझ्या कुटुंबीयांना खू खू शुभेच्छा.’ आयुष्मान खुराना, नकुल मेहता, मौनी रॉय, गौहर खान यांनीही तिला शुभेच्छा दिल्या आहेत.
गायिका शक्ती मोहननेही तिच्या बहिणीच्या लग्नात पहिल्यांदा हातावर मेहंदी लावली. शक्तीच्या या पोस्टवर मुक्तीने कमेंट केली की, ‘मी बाईक चालवायला शिकले आहे, दीदी, मी फक्त २० मिनिटांच्या अंतरावर आहे आणि तुम्ही माझ्यासाठी मेहंदी लावा. मेहंदी ‘उफ द लास्ट हॅज माय हार्ट’.
नीती मोहनने तिच्या सोशल मीडिया हँडल इन्स्टाग्रामवर एक भावनिक पोस्ट देखील शेअर केली आणि लिहिले, ‘BRB…मुक्ती मोहन, कुणाल ठाकूरने नुकतेच लग्न केले आहे’.
View this post on Instagram