कोल्हापूर विधानपरिषद निवडणूक : सतेज पाटील करणार आज शक्तिप्रदर्शन
कोल्हापूर विधानपरिषद निवडणूक जवळ येत असल्याचे त्यात रंगत भरत आहे. गृहराज्यमंत्री सतेज पाटील आज शक्तिप्रदर्शनाने अर्ज भरणार आहेत. सकाळी ११ वाजता धैर्यप्रसाद हॉल येथे जिल्हा परिषद सदस्य आणि पंचायत समिती सदस्य एकत्र येणार असून ते १२ वाजता अर्ज दाखल करणार आहेत. कोल्हापूर विधानपरिषद निवडणुकीसाठी गृहराज्यमंत्री सतेज पाटील यांना काँग्रेसची उमेदवारी निश्चित मानली जात होती. ती औपचारिकता पुर्ण झाली आहे.
मात्र, भाजपकडून महाडिक कुटुंबातील कुणाला उमेदवारी द्यायची यावर खलबते सुरू होती. शौमिका महाडिक यांना उमेदवारी दिली जाण्याची दाट शक्यता होती. मात्र, अखेरच्या क्षणी माजी आमदार अमल महाडिक यांना उमेदवारी दिली गेली. याची अधिकृत घोषणा अद्याप केली नसली तरी सतेज पाटील विरुद्ध अमल महाडिक असा सामना रंगणार आहे.
२०१९ पूर्वी राज्यात भाजपची सत्ता आसल्याने राज्यात ठिकठिकाणच्या नगरपरिषदा, नगरपालिका, जिल्हा परिषद, पंचायत समित्यांमध्ये पक्षाचे सदस्य निवडून आणले. त्यामुळे काही ठिकाणी भाजपचे पारडे जड आहे. काही नगरपालिका, नगरपरिषदांच्या निवडणुका जवळ आल्याने अनेक सदस्यांचे डोळे विधानपरिषद निवडणुकीकडे लागले होते. आता पुन्हा एकदा जिल्ह्याच्या राजकारणात पाटील विरुद्ध महाडिक असा सामना रंगणार असल्याने राजकीय पटलाचे लक्ष लागून राहिले आहे. एकीकडे भाजपच्या विजयाचा दावा हा ठिकठिकाणच्या संख्याबळावर केला जात आहे. मात्र, सतेज पाटील यांनी याआधीच तयारी सुरू केली आहे. त्यामुळे हा सामना चांगला रंगेल अशी चिन्हे आहेत.
कोल्हापूर विधानपरिषद निवडणूक : भाजपचा विजयाचा दावा
एकीकडे भाजपकडून विजयाचे दावे केले जात असताना सतेज पाटील आज अर्ज भरून शक्तिप्रदर्शन करणार आहेत. सकाळी साडेअकरा वाजता सतेज पाटील शक्तिप्रदर्शन करीत जिल्हाधिकारी कार्यालयात अर्ज दाखल करणार आहेत. तसेच दुपारी १२ वाजता जिल्हा परिषद आणि पंचायत समिती सदस्यांचा मेळावा घेणार आहेत. या मेळाव्याच्या माध्यमातून ते प्रचाराचे रणशिंग फुंकणार आहेत.
हेही वाचा :
- Hight Court : समीर वानखेडेंच्या शाळेच्या दाखल्यावर ‘मुस्लीमच’
- स्वाभिमानीच्या रविकांत तुपकर यांना पोलिसांनी घेतलं ताब्यात
- ST employees strike : 2,296 एसटी कर्मचार्यांना एसटीचा अल्टिमेटम
- इस्लामपूर : श्रेयवादाचे राजकारण पेटले ‘त्या’ ११ कोटीला नगरविकासची स्थगिती
मतदारांची अवस्था : प्रचारासाठी नेत्यांसह शिलेदारांची पायाला भिंगरी https://t.co/c7BstOBymWकोल्हापूर-विधान-परिषद-किती-घेशील-दो-कराने/ar #pudharionline
— Pudhari (@pudharionline) November 18, 2021