Asian Para Games 2023 | बॅडमिंटनमध्ये भारतीय खेळाडूंचे वर्चस्व, तरुण- नितेश जोडीला सुवर्ण
पुढारी ऑनलाईन : आशियाई पॅरा गेम्समध्ये भारतीय खेळाडूंचा पदकांचा धडाका कायम आहे. विशेषतः बॅडमिंटनमध्ये भारतीय खेळाडूंनी वर्चस्व राखले आहे. भारताच्या तरुण आणि नितेश या जोडीने MD SL3-SL4 प्रकारात इंडोनेशियाचा ९-२१, २१-१९, २२-२० असा पराभव करत सुवर्णपदक जिंकले. भारताचे हे २४ सुवर्ण आहे. याआधी नितेश कुमारने बॅडमिंटनमध्ये पुरुषांच्या SL3 प्रकारात रौप्यपदक जिंकले होते.
संबंधित बातम्या
- Asian Para Games | सुहास यथीराजने जिंकले भारतासाठी २३ वे सुवर्ण
- Asian Para Games 2023 | बॅडमिंटनमध्ये भारतीयांचा दबदबा, तुलसीमथी मुरुगेसनने जिंकले सुवर्ण
- Asian Para Games 2023 | बॅडमिंटनमध्ये भारताचा डबल धमाका, प्रमोद भगतला सुवर्ण, नितेश कुमारला रौप्य
- Asian Para Games 2023 | पॅरा गेम्समध्ये रमण शर्माची नव्या आशियाई विक्रमासह सुवर्णधाव
आशियाई पॅरा गेम्समध्ये भारताने आतापर्यंत ९४ पदके मिळवली आहेत. यात २४ सुवर्ण, २७ रौप्य आणि ४३ कांस्यपदकांचा समावेश आहे. पदकतालिकेत भारत चौथ्या स्थानी आहे. ४२३ पदकांसह चीन अव्वल स्थानी आहे.
२०१८ मध्ये भारताने १५ सुवर्ण, २४ रौप्य आणि ३३ कांस्य अशी एकूण ७२ पदके मिळवली होती. पण यावेळी भारताने मागील पदकांचा आकडा पार केला आहे. आता भारत शंभर पदकांच्या जवळ पोहोचला आहे.
दरम्यान, तुलसीमथी मुरुगेसनने चीनच्या यांग क्विक्सिया हिचा २१-१९, २१-१९ असा पराभव करत बॅडमिंटनच्या SU5 प्रकारात सुवर्णपदक जिंकले आहे. तिने दुसऱ्या गेममध्ये ५-१६ पिछाडीवरुन पुनरागमन करत २१-१९ असा विजय मिळवला. याआधी मुरुगेसनने बॅडमिंटनच्या मिश्र दुहेरी SL3-SU5 इव्हेंटमध्ये कांस्यपदकाची कमाई केली होती.
🇮🇳 Para Shuttlers are bringing more GOLD home 🥇🏸
Our para #TOPScheme shuttlers, @niteshnk11 and @dhillontarun191, have scripted history by winning the GOLD in Badminton – Men’s Doubles SL3-SL4. Their exceptional teamwork prevailed with a thrilling 2-1 victory against Fredy… pic.twitter.com/BCNWldW98L— SAI Media (@Media_SAI) October 27, 2023