Asian Para Games 2023 | बॅडमिंटनमध्ये भारताचा डबल धमाका, प्रमोद भगतला सुवर्ण, नितेश कुमारला रौप्य | पुढारी

Asian Para Games 2023 | बॅडमिंटनमध्ये भारताचा डबल धमाका, प्रमोद भगतला सुवर्ण, नितेश कुमारला रौप्य

By:Deepak Bhandigare Published on: October 27, 2023, 9:29 AM
Asian Para Games 2023

पुढारी ऑनलाईन : आशियाई पॅरा गेम्सच्या पाचव्या दिवशी भारतीय खेळाडूंची सुवर्ण कामगिरी कायम आहे. पॅरा-शटलर प्रमोद भगतने चीनमधील हांगझोऊ येथे सुरु असलेल्या आशियाई क्रीडा स्पर्धेमध्ये भारताला २१ वे सुवर्णपदक जिंकून दिले. प्रमोद भगतने बॅडमिंटनमध्ये पुरुषांच्या SL3 प्रकारातील रोमहर्षक लढतीत भारताच्याच नितेश कुमारचा २२-२०, १८-२१, २१-१९ असा पराभव केला आणि सुवर्ण जिंकले. तर नितेश कुमारला रौप्यपदकावर समाधान मानावे लागले.

संबंधित बातम्या

तर बॅडमिंटनच्या पुरुष एकेरीच्या SH6 प्रकारात कृष्णा नगर याने रौप्यपदकाची कमाई केली. कृष्णा नगरने पॅरा बॅडमिंटन पुरुष एकेरी – SH6 प्रकारात उत्कृष्ट कामगिरी करत हाँगकाँगच्या काई मान चू विरुद्धच्या लढतीत रौप्यपदक मिळवले.

दरम्यान, तिरंदाजीत महिलांच्या वैयक्तिक कंपाऊंडमध्ये शीतल देवीने आणखी एक सुवर्ण जिंकले. तिने अंतिम फेरीत सिंगापूरच्या अलीम नूर स्याहिदा हिला १४४-१४२ अशा गुणांनी हरवले. शीतल देवीचे हे आशियाई पॅरा गेम्समधील तिसरे पदक आहे.

संबंधित बातम्या

तसेच आशियाई पॅरा गेम्समध्ये पुरुषांच्या १५०० मीटर- T38 धावण्याच्या स्पर्धेत भारताच्या रमण शर्मा याने सुवर्ण कामगिरी केली. रमण शर्माने अंतिम फेरीत ४:२०.८० मिनिटांच्या वेळेसह नवा आशियाई विक्रम नोंदवत सुवर्ण जिंकले.

Tags
By:Deepak Bhandigare Published on: October 27, 2023, 9:29 AM
Back to top button