दहशतवादी कृत्यात ' त्या ' चौघांचा सहभाग, एनआयए चौकशीत उघड झाली माहिती
पुणे, पुढारी वृत्तसेवा: दहशतवादी संघटनेचा भारतविरोधी अजेंडा पुढे नेण्यासाठी असुरक्षित तरुणांना दहशतवादाचे तांत्रिक प्रशिक्षण देत भारत विरोधी कृत्यासाठी प्रवृत्त करण्याचे प्रयत्न स्पष्टपणे उघड झाल्याचे तपासात निष्पन्न झाले आहे. ही कारवाई ४ दिवसांपूर्वी राष्ट्रीय तपास संस्थेने (एनआयए) केली होती, त्यात ही बाब उघड झाली आहे. राष्ट्रीय तपास संस्थेने (एनआयए) गुप्तचर यंत्रणेच्या नेतृत्वाखाली केलेल्या कारवाईत प्रतिबंधित दहशतवादी संघटना ईसीसच्या आदेशानुसार दहशतवादी कारवायांना प्रोत्साहन देण्यासाठी काम करणाऱ्या चार आरोपींना अटक करून महाराष्ट्र स्थित त्यांच्या मॉड्यूलचा पर्दाफाश केला होता. एनआयएने मुंबई, ठाणे आणि पुणे येथे मोठ्या प्रमाणावर छापे टाकून ताबीश नासेर सिद्दीकी ( नागपाडा, मुंबई), जुबेर नूर मोहम्मद शेख, अबू नुसैबा कोंढवा (पुणे) आणि शरजील शेख, झुल्फिकार अली बडोदावाला (पडघा, ठाणे) यांना अटक केली होती.
महाराष्ट्र मॉड्यूल प्रकरणात आरोपींच्या झडतीत इलेक्ट्रॉनिक गॅझेट्स आणि ईसीसशी संबंधित अनेक कागदपत्रे यासारखी अनेक गुन्हे करणारे साहित्य मिळाले होते. एनआयएच्या प्राथमिक तपासात असे सिद्ध झाले आहे की, आरोपींनी इस्लामिक स्टेट (आयएस)/इस्लामिक स्टेट ऑफ इराक अँड लेव्हंट (आयएसआयएल)/इस्लामिक स्टेट ऑफ इराक आणि यासारख्या वेगवेगळ्या नावांनी ओळखल्या जाणार्‍या ईसीसच्या दहशतवादी कारवाया पुढे नेण्याचा कट रचला होता. या प्रकरणातील आरोपी हे देशाची एकता, अखंडता, सुरक्षा आणि सार्वभौमत्वा भंग करण्याचा प्रयत्न करत असल्याचा आरोप लावण्यात आला. ईसीसच्या कटाचा एक भाग म्हणून महाराष्ट्रात स्लीपर सेलची स्थापना आणि संचालन करून भारत सरकारविरुद्ध युद्ध पुकारण्याच्या तयारीतही होते, असेही तपासात निष्पन्न झाल्याचे अधिकाऱ्यांनी सांगितले.
हेही वाचा:
जायचे होते स्कूलबसने, पण आली रुग्णवाहिका !
सत्ता संघर्षाचे पडसाद तळागाळातील कार्यकर्त्यांपर्यंत
गृहप्रकल्पांना बेकायदा नळ कनेक्शन