Heavy Rainfall Alert| रविवारपासून दक्षिण द्विपकल्पीय प्रदेशात पावसाचा जोर वाढणार!; महाराष्ट्रातही मुसळधार
पुढारी ऑनलाईन : अद्याप मान्सूनने संपूर्ण भारत व्यापलेला नाही. आत्तापर्यंत मान्सूनने भारताचा ९९ टक्के भाग व्यापला आहे. दरम्यान पुढच्या काही तासांत मान्सून संपूर्ण भारत व्यापेल असा अंदाज आहे. मान्सून देशभरातील बहुतांश भागात सक्रिय झाला आहे. त्यामुळे २ जुलैपासून दक्षिण भारतातील द्विपकल्पीय प्रदेशात पावसाचा जोर वाढण्याची शक्यता (Heavy Rainfall Alert) आहे, अशी माहिती आयएमडी पुणे विभागाचे प्रमुख डॉ. के. एस होसाळीकर यांनी ट्विटरवरून दिली आहे.
डॉ. के. एस होसाळीकर यांनी ट्विटमध्ये पुढे म्हटले आहे की, रविवारी २ जुलैपासून दक्षिण द्वीपकल्पीय भारतात जोरदार ते अति मुसळधार पावसाची शक्यता आहे. आजपासून (३० जून) मंगळवारपर्यंत (४ जुलै) देशभरातील विविध भागात ऑरेंज, यलो अलर्ट देण्यात आला आहे. दरम्यान संपूर्ण भारतात मुसळधार ते अतिमुसळधार पावसाचा इशारा (Heavy Rainfall Alert) आएमडीकडून देण्यात आला आहे.
30/6: ☔☔A fresh spell of heavy to very heavy rainfall likely over south Peninsular India from 2 July, 2023.
🚩Subdivision wise all India severe weather warnings Orange / Yellow, issued from 30 Jun to 4 July 2023. pic.twitter.com/JOMjkaj26U
— K S Hosalikar (@Hosalikar_KS) June 30, 2023
Heavy Rainfall Alert: येत्या पाच दिवसांत महाराष्ट्रात जोरदार पावसाचा इशारा
रविवारी २ जुलैपासून दक्षिण भारत आणि संलग्न भागात अतिमुसळधार पावसाचा इशारा हवामान विभागाकडून देण्यात आला आहे. याचा प्रभाग महाराष्ट्रावरदेखील पडणार आहे. याचा सर्वाधिक प्रभाव पश्चिम घाटावर होणार असून, येत्या पाच दिवसांत राज्यात मुसळधार ते अतिमुसळधार पावसाची शक्यता आहे, असे आयएमडी पुणे विभागाचे प्रमुख डॉ. के. एस. होसाळीकर यांनी ट्विटरवरून सांगितले आहे.
येत्या 5 दिवसात राज्यात 🌧 मुसळधार ते 🌧🌧 अती मुसळधार पावसाची शक्यता असून;
🚩 2 जुलै पासून मुसळधार पावसाचा नवीन स्पेल सुरू होण्याची शक्यता, त्याचा प्रभाव दक्षिण भारतातील भागांत व संलग्न भागावर होण्याची शक्यता. राज्यातही 4,5 दिवशी ते याचा प्रभाव असेल. https://t.co/xBKNQdPUls— K S Hosalikar (@Hosalikar_KS) June 30, 2023