Global temperature : चिंताजनक! तापमानाचा विक्रम मोडण्याची शक्यता ९८ टक्क्यांपर्यंत, WMO चा दावा; जाणून घ्या कारणे
पुढारी ऑनलाईन डेस्क : दिवंसेदिवस जागतिक तापमान वाढ होत आहे. हे आपण पाहत आलो आहोत. याचे परिणामही आपण भोगत आहोत. नुकताच एक अहवाल जाहीर झाला आहे. हा अहवाल जागतिक हवामान संघटनेने मांडला आहे. (WMO) या अहवालात म्हंटलं आहे की, उष्णता शोषून घेणारे हरितगृह वायू आणि एल निनोमुळे येत्या पाच वर्षात जागतिक तापमानात विक्रमी वाढ होईल. (Global temperature )
येत्या पाच वर्षात हवामान बदलाचे वाईट परिणाम
जागतिक अहवाल संघटनेने मांडलेल्या या अहवालात म्हटले आहे की, उष्णता शोषून घेणारे हरितगृह वायू आणि एल निनोमुळे येत्या पाच वर्षांत जागतिक तापमानात विक्रमी वाढ होईल. या अहवालात पुढे असेही म्हंटले आहे की, २०२३ ते २०२७ दरम्यान एक वर्ष असेल जे जागतिक तापमान वाढीचे सर्व विक्रम मोडेल. आतापर्यंत जागतिक तापमान वाढीचा विचार केला तर २०१६ हे जागतिक तापमानाचे विक्रम मोडणारे वर्ष आहे. २०२३ ते २०२७ या वर्षातील एक वर्ष जे २०१६ चाही विक्रम मोडीत काढेल याची शक्यता ९८ टक्के इतकी आहे. आणि २०२३ आणि २०२७ मधील वार्षिक सरासरी नजीकच्या पृष्ठभागावरील जागतिक तापमान किमान एक वर्षासाठी पूर्व-औद्योगिक पातळीपेक्षा १..५°C पेक्षा जास्त असेल अशी ६६ टक्के शक्यता आहे.
Global temperature : पॅरिस करार २०१५
पॅरिस करार २०१५ अंतर्गत असे ठरवण्यात आले होते की, शतकाच्या अखेरीस, पूर्व-औद्योगिक कालखंड (१८५०-१९००) च्या तुलनेत पृथ्वीच्या पृष्ठभागाचे सरासरी तापमान १.५ डिग्री सेल्सिअस पेक्षा जास्त नसावे जेणेकरून जगाला तापमान वाढीपासून वाचवता येईल. अन्यथा हवामान बदलाच्या भयंकर उद्रेकाला सामोरे जावे लागेल. कोणत्याही परिस्थितीत पृथ्वीच्या पृष्ठभागाचे सरासरी तापमान २°C च्या खाली ठेवा. परंतु, WMO च्या अहवालानुसार, २०२३ ते २०२७ दरम्यान सरासरी वार्षिक सरासरी जागतिक तापमान औद्योगिक काळातील पातळीपेक्षा १.५ °C पेक्षा जास्त असेल याची शक्यता ६६ टक्के इतकी आहे.
ला निना ते एल निनोमध्ये बदलाचे फायदेही
हवामानशास्त्रज्ञ लिओन हर्मनसन म्हणतात, एक चांगली बातमी देखील आहे. ला निना ते एल निनोमध्ये बदल झाल्यामुळे, जिथे पूर्वी पूर आला होता, तिथे दिलासा मिळेल आणि जिथे पूर्वी दुष्काळ होता तिथे मुसळधार पाऊस पडेल. अॅमेझॉन पर्जन्यवन पुढील पाच वर्षे असामान्यपणे कोरडे राहील, तर आफ्रिकेतील साहेल – उत्तरेकडील सहारा आणि दक्षिणेकडील सवाना यांमधील संक्रमण क्षेत्र – पावसाने ओले होईल. पेनसिल्व्हेनिया विद्यापीठाचे हवामान शास्त्रज्ञ मायकेल मान म्हणतात, खरी चिंता ही महासागरांच्या खोल पाण्यातील तापमान वाढीची आहे.
New #StateofClimate update says 66% chance that annual average global temperature will TEMPORARILY be more than 1.5°C above pre-industrial levels in at least one of next five years.
🔗https://t.co/4PpgpKo9Hd pic.twitter.com/Y2xfF3hiFv— World Meteorological Organization (@WMO) May 17, 2023
हेही वाचा