नाशिक : चोरट्याने चोरल्या दहा रिक्षांच्या टायरसह स्टेपनी
सातपूर : पुढारी वृत्तसेवा
अशोकनगर येथील पवार संकुल परिसरातून बुधवारी (दि. 5) मध्यरात्रीनंतर १२ ते पहाटे ४ च्या सुमारास चोरट्यांनी तब्बल 10 रिक्षांचे टायर व स्टेपनी चोरून नेल्याची घटना घडली. हा प्रकार सकाळी उघडकीस आला. याबाबत अज्ञाताविरोधात गुन्हा दाखल करण्यात आला आहे. अधिक माहिती अशी की, पवार संकुल येथे घरासमोर रिक्षाचालक रिक्षा उभ्या करतात. मध्यरात्रीच्या सुमारास अज्ञातांनी रस्त्याच्या कडेला उभ्या असलेल्या आठ ते दहा रिक्षांचे टायर व स्टेपनी चोरून नेल्या. त्यामुळे रिक्षाधारकांमध्ये घबराटीचे वातावरण निर्माण झाले आहे. सामाजिक कार्यकर्ते अनिल गडाख यांनी परिसरात पोलिस गस्त वाढविण्याची मागणी केली आहे.
हेही वाचा:
- सुश्मिताच्या नव्या प्रोजेक्टचं पोस्टर रिलीज; दिसणार या प्रसिद्ध तृतीयपंथीयाच्या भूमिकेत
- जेजुरीच्या डोंगर खोऱ्यात तब्बल अठरा तास रंगला मर्दानी दसरा सोहळा, रमणा डोंगरात पहाटे तीन वाजता झाली देवभेट
- जेजुरी : तलवार तोलून धरणे स्पर्धत अमोल खोमणे, कसरत स्पर्धेत सचिन कुदळे प्रथम
