मी होणार सुपरस्टार : अंकुश चौधरी-संस्कृती बालगुडे एकत्र दिसणार
मुंबई; पुढारी ऑनलाईऩ : स्टार प्रवाहवर येत्या २१ ऑगस्टपासून सुरू होणाऱ्या मी होणार सुपरस्टार या कार्यक्रमाची कमालीची उत्सुकता आहे. मी होणार सुपरस्टार या नव्या कार्यक्रमात महाराष्ट्रभरातले एकापेक्षा एक स्पर्धक आपलं टॅलेंट या मंचावर दाखवतील.
ग्रुप डान्स, सोलो डान्स, ड्युएट असे नृत्याचे अनोखे प्रकार या मंचावर पाहायला मिळतील.
- इंडियन आयडल-१२ : टॉप ६ मधील स्पर्धक सायली कांबळेविषयी जाणून घ्या
- देवमाणूस! डॉक्टरचा खरा चेहरा काही सर्वांसमोर आला नाही
या कार्यक्रमाच्या सुपर जजची जबाबदारी पार पडणार आहे अभिनेता अंकुश चौधरी. तर संस्कृती बालगुडे या कार्यक्रमाचं सूत्रसंचालन करत आहे. हिंदी रिऍलिटी शो गाजवणारे नृत्यदिग्दर्शक वैभव घुगे आणि कृती महेश या शो चे कॅप्टन आहेत.
- या ११ स्टार्सनी Sex Life बद्दल विचित्र खुलासे केले आहेत!
- Border सिनेमाची स्टोरी ऐकून पंतप्रधान म्हणाले, हा चित्रपट झालाच पाहिजे
जजची भूमिकाही पहिल्यांदाच पार पाडतोय : अंकुश
या ग्रॅण्ड रिअलिटी शोविषयी सांगताना अंकुश म्हणाला, ‘पंधरा वर्षांनंतर पुन्हा एकदा टेलिव्हिजनकडे वळताना अतिशय आनंद होत आहे.
विशेष म्हणजे मी महाराष्ट्राची नंबर वन वाहिनी स्टार प्रवाहसोबत पहिल्यांदाच जोडला जातोय आणि जजची भूमिकाही पहिल्यांदाच पार पाडतोय. डान्स हा माझ्या अतिशय आवडीचा विषय आहे.
या शोमध्ये जरी मी जज असलो तरी मी टीव्हीसमोर बसलेल्या प्रेक्षकांच्या प्रतिनिधीची जबाबदारी पार पाडणार आहे.
फरक एवढाच असेल की, प्रेक्षक या कार्यक्रमाचा आनंद घरबसल्या घेतील आणि मी प्रत्यक्ष घेईन. हा कार्यक्रम नवी ऊर्जा घेऊन येणार आहे.
पुन्हा एकदा तीच उर्मी आणि तोच उत्साह या कार्यक्रमाच्या निमित्ताने अनुभवायला मिळेल. त्यामुळे मी या शोसाठी प्रचंड उत्सुक आहे.’
संस्कृती म्हणाली, ‘स्टार प्रवाहसोबत मी पहिल्यांदाच या कार्यक्रमाच्या निमित्ताने जोडली गेली आहे. या कार्यक्रमाचं वेगळेपण सांगायचं तर या मंचावर संपूर्ण महाराष्ट्रातून आलेलं भन्नाट टॅलेण्ट.
स्पर्धकांचे डान्स परफॉर्मन्सेस पाहून अवाक व्हायला होतं. नृत्य ही माझी आवड आहे. माझ्या करिअरची सुरुवातच नृत्याने झाली. त्यामुळे हा मंच नवी ऊर्जा देतो. मी पहिल्यांदाच सूत्रसंचालनाची जबाबदारी पार पाडते आहे.
त्यामुळे उत्सुकता नक्कीच आहे. स्पर्धकांना थिरकताना पाहून माझेही पाय थिरकायला लागतात.
आमचा सुपरजज अंकुश चौधरी आणि कॅप्टन्स वैभव घुगे आणि कृती महेश यांनी या कार्यक्रमात वेगळी रंगत आणली आहे. त्यामुळे हा कार्यक्रम प्रेक्षकांसाठी नवी पर्वणी असणार आहे अशी भावना संस्कृतीने व्यक्त केली.’
तेव्हा पाहायला विसरु नका नवा कार्यक्रम जल्लोष डान्सचा २१ ऑगस्टपासून दर शनिवार रविवार रात्री ९ वाजता फक्त स्टार प्रवाहवर.
हेही वाचलं का?
- राधिका आपटे च्या व्हाईट ‘ब्रा’वर नेटकरी म्हणाले….
- मल्लिका शेरावतच्या Sunkissed 🌞 ची सोशल मीडियात चर्चा!
- पॉर्नोग्राफी : ‘मला पॉर्न पाहण्यास भाग पाडण्यात आलं”, राज कुंद्रानंतर ULLU अॅप अडचणीत
View this post on Instagram