Satara Lok Sabha | छत्रपती शिवाजी महाराजांच्या बारा मावळातील सरदारांच्या थेट वंशजांचा उदयनराजेंना पाठिंबा
सातारा, पुढारी वृत्तसेवा : छत्रपती शिवाजी महाराजांच्या बारा मावळातील सरदारांच्या थेट वंशजांनी साताऱ्यात (Satara Lok Sabha) येऊन लोकसभा मतदारसंघातील महायुतीचे उमेदवार खा. श्री. छ. उदयनराजे भोसले (Chhatrapati Udayanraje Bhonsle) यांना पाठिंबा दर्शवला. सातारा लोकसभा मतदारसंघात छत्रपती शिवाजी महाराजांचे तेरावे थेट वंशज उदयनराजे भोसले यांच्या समर्थनार्थ ते पुढे आले आहेत. छत्रपती शिवाजी महाराजांच्या बारा मावळातील सरदारांचे थेट वंशजांनी साताऱ्यात येऊन उदयनराजेंना पाठिंबा दिला आणि ते प्रचारात सक्रिय झाले आहेत.
स्वराज्य निर्मितीसाठी छत्रपती शिवाजी महाराजांनी सातारा राजधानीत रायरेश्वरावर जाऊन स्वराज्याची शपथ घेतली. ही शपथ घेतानाच बारा मावळमधील बारा सरदार छत्रपती शिवाजी महाराजांच्या बरोबर होते आणि याच बारा मावळच्या सरदारांनी छत्रपतींचे स्वराज्य निर्माण करण्यासाठी मोठे योगदान दिले. आता छत्रपती शिवाजी महाराजांच्या बारा सरदारांचे थेट वंशज उदयनराजेंच्या समर्थनार्थ साताऱ्यात आले आहे.
बारा मावळातर्फे महायुतीला पाठिंबा…
छत्रपती शिवाजी महाराज यांच्यासोबत स्वराज्य निर्मितीसाठी लढलेल्या सरदारांच्या वंशजांतर्फे महायुतीचे सातारा लोकसभा मतदारसंघाचे उमेदवार म्हणून आम्हास जाहीर पाठिंबा देण्यात आला.#संवाद_मेळावा pic.twitter.com/BSsOmsIYC1
— Chhatrapati Udayanraje Bhonsle (@Chh_Udayanraje) May 1, 2024
हे ही वाचा :
- यशवंतराव चव्हाणांना मरणोत्तर भारतरत्न द्या : खा. उदयनराजेे
- शशिकांत शिंदेेंच्या अटकेच्या मेसेजवरून गरमागरमी
- मी जिवंत असेपर्यंत संविधान बदलू देणार नाही : पीएम नरेंद्र मोदी