चित्रपट बालभारतीचे मुख्यमंत्री एकनाथ शिंदेंनी केले कौतुक | पुढारी

चित्रपट बालभारतीचे मुख्यमंत्री एकनाथ शिंदेंनी केले कौतुक

मुख्यमंत्री एकनाथ शिंदेंसोबत सिद्धार्थ जाधव
मुख्यमंत्री एकनाथ शिंदेंसोबत सिद्धार्थ जाधव
Visual Portfolio, Posts & Image Gallery for WordPress

मुख्यमंत्री एकनाथ शिंदे यांनी ‘बालभारती’ चित्रपटाचा ट्रेलर पाहून त्याचे तोंडभरून कौतुक केले. हा चित्रपट मराठी संस्कृती, भाषा आणि शिक्षण या आपल्यासाठी जिव्हाळ्याच्या गोष्टींना एकत्र जोडतो, असे गौरवोद्गार शिंदे यांनी काढले आहेत.

मुख्यमंत्र्यांनी या चित्रपटाचा नुकताच प्रकाशित झालेला ट्रेलर पाहिला. त्यावरील आपले म्हणणे व्हिडिओ चित्रित करून दिले. त्याचबरोबर चित्रपटाच्या संपूर्ण टीमला शुभेच्छाही दिल्या.

बालभारती चित्रपटाचा ट्रेलर मी पाहिला आणि मला तो खूप आवडला. हा चित्रपट मराठी संस्कृती, भाषा आणि शिक्षण या अगदी जिव्हाळ्याच्या अशा मुद्द्यांना एकत्रित जोडतो. पालकांची आपल्या मुलांच्या शिक्षणाबद्दलची कळकळ या चित्रपटात अगदी गंमतीशीर पद्धतीने मांडली गेली आहे. मी बालभारतीच्या संपूर्ण टीमला मनापासून खूप खूप शुभेच्छा देतो, असे उद्गार मुख्यमंत्र्यांनी काढले आहेत.

या चित्रपटाचे दिग्दर्शन नितीन नंदन यांनी केले आहे. निर्माते कोमल व संजय वाधवा यांनी या चित्रपटाची निर्मिती केलीय.

या चित्रपटात सिद्धार्थ जाधव, नंदिता पाटकर, आर्यन मेंघजी यांच्या प्रमुख भूमिका आहेत. ग्लॅमरस अभिजित खांडकेकर एका विशेष भूमिकेत दिसणार आहे.

रवींद्र मंकणी, संजय मोने आणि उषा नाईक या ज्येष्ठ कलाकारांच्या विशेष भूमिका या चित्रपटात आहेत.

 

 

आणखी पहा

Visual Portfolio, Posts & Image Gallery for WordPress
Load More Loading More… You’ve reached the end of the list

 

 

Back to top button