nagpur corona : नागपुरात २८ कोरोना पॉझिटिव्ह, प्रशासनाची चिंता वाढली
नागपूर ; पुढारी वृत्तसेवा : राज्यातील इतर जिल्ह्यांच्या तुलनेत नागपुरात कोरोना बाधितांची संख्या कमी असल्याने दिलासा व्यक्त करण्यात येत होता. मात्र, गेल्या सहा महिन्यांपासून सातत्याने एक आकडी असलेली कोरोना बाधितांची संख्या गेल्या तीन दिवसांपासून दोन आकडी येत असल्याने प्रशासनाची चिंता वाढली आहे. (nagpur corona)
मंगळवार २८ डिसेंबर रोजी शहरात ३४ कोरोना बाधित आढळले. ग्रामीण आणि जिल्ह्याबाहेरील धरून रूग्णसंख्या ४४ होती. बुधवार २९ रोजी शहरातील २४ सह एकूण २७ आणि गुरूवार ३० रोजी शहरातील २६ सह एकूण २८ कोरोनाबाधित निघाले.
सिंधुदुर्ग जिल्हा बँकेच्या मतदानानंतर म्याव म्याव आणि कोंबड्यांच्या आवाजाने परिसर दणाणला https://t.co/BgXJEwCTzl #pudharinews #pudharionline
— Pudhari (@pudharionline) December 30, 2021
२३ डिसेंबरपर्यत एक आकडी असलेली कोरोना बाधिताची संख्या २४ डिसेंबरपासून दुहेरी झाली आहे.
- जप्त केलेला खजिना कोर्टाकडून परत मागितला: ‘टॅक्स आणि दंडाचे 52 कोटी टॅक्स वजा करून बाकीचे पैसे द्या’
२४ डिसेंबर रोजी १२, २५ डिसेंबर २४, २६ डिसेंबर रोजी ३२, २७ डिसेंबर रोजी १२ कोरोना बाधित नोंदवण्यात आले.
चाचण्यांची संख्या तेवढीच असताना बाधितांची संख्या वाढत असल्यामुळे प्रशासनाची चिंता वाढली आहे. (nagpur corona)