मंगळवेढा : वाळू माफियानी पोलीस कर्मचाऱ्याला चिरडले
मंगळवेढा; पुढारी वृत्तसेवा: बेकायदेशीर वाळू वाहनाच्या धडकेत मंगळवेढा पोलीस स्टेशन येथील पोलीस कर्मचाऱ्याचा मृत्यू झाला. गणेश प्रभू सोनलकर असे त्यांचे नाव आहे.
बेकायदेशीररित्या वाळू वाहतूक करणाऱ्या टेम्पोने शिरसी गोणेवाडी रोडवर थांबलेले साेनलकर यांना जीवे मारण्याच्या उद्देशाने जोरदार धडक दिली. ही घटना शनिवारी सकाळी पावणे दहा वाजण्याच्या सुमारास घडली.
पोलीस कर्मचाऱ्याचा मृत्यू प्रकरणी टेम्पो चालक त्याचा साथीदार व मालकावर गुन्हा दाखल करण्यात आला आहे. या घटनेची फिर्याद गोणेवाडीचे पोलीस पाटील संजय मेटकरी यांनी दिली आहे.
- सांगलीच्या बाळू लोखंडे याची लोखंडी खुर्ची इंगलंडच्या हॉटेलात गमतीदार व्हिडीओ होतोय व्हायरल
- आत्मनिर्भर भारतासाठी शिक्षण,आरोग्यावर भर : मंत्री नितीन गडकरी
याबाबतची अधिक माहिती अशी की, पोलीस कॉन्स्टेबल गणेश सोनलकर हे कोर्टातील लोकअदालतीचे बजावणी केलेले समन्स फिर्यादीकडून कोर्टात जमा करण्यासाठी आले हाेते. शिरसी येथे हॅटसन डेअरीजवळ रस्त्याच्या कडेला स्वतःच्या दुचाकीवर ते थांबले होते.
याच दरम्यान या रस्त्यावरून पांढऱ्या रंगाची बिगर नंबरच्या टेम्पोमधून वाळू बेकायदेशीररित्या वाळू वाहतूक हाेत असल्याचे साेनलकर यांच्या निदर्शनास आले.
- मंत्री छगन भुजबळ म्हणाले, भविष्यात आघाडी होणार की नाही मला माहिती नाही
- स्नेहा दुबे यांनी केली पाकिस्तानचे पंतप्रधान इम्रान खान यांची ‘बोलती बंद’
गणेश सोनलकर यांनी तातडीने वाहनाला थांबण्याचा इशारा केला.
वाहनचालक व त्याचा साथीदाराने वाळूने भरलेले टेम्पाे कॉन्स्टेबल सोनलकर त्यांच्या अंगावर घातला.
या धडकेत सोनलकर यांचा मृत्यू झाला. वाहन चालक व त्याचा साथीदार फरार झाले. पोलिसांनी टेम्पाे ताब्यात घेतला आहे.
- Income Tax raids : चेन्नईच्या दोन कंपन्यांमध्ये 300 कोटींची बेहिशेबी मालमत्ता
- राज्यातील चित्रपटगृहे आणि नाट्यगृहे ‘या’ तारखेपासून खुली होणार
पोलीस अधीक्षक तेजस्विनी सातपुते, अप्पर पोलीस अधीक्षक विभागीय अधिकारी राजश्री पाटील यांनी मंगळवेढा पोलीस स्टेशन येथे भेट देऊन या घटनेची सविस्तर माहिती घेतली.
या गुन्ह्याचा तपास उपविभागीय पोलीस अधिकारी राजश्री पाटील यांच्याकडे सपुर्त करण्यात आला आहे.
हेही वाचलंत का?