Bomb Blast : पाकिस्तानातील पेशावरमध्ये बॉम्बस्फोट १ ठार, ३ जखमी
पुढारी ऑनलाईन डेस्क : पेशावरमध्ये मोटारसायकलमध्ये पेरलेल्या बॉम्बच्या स्फोटात किमान एकाचा मृत्यू झाला असून तीन जण जखमी झाले आहेत, अशी माहिती स्थानिक वृत्तवाहिनीने दिली आहे. प्रांतीय राजधानीत बुधवारी (दि.१७) मोटारसायकलची दुरुस्ती सुरू असताना हा स्फोट झाला. पेशावर हे पाकिस्तानमधील सहावे मोठे शहर आणि खैबर पख्तूनख्वाची राजधानी आहे. (Bomb Blast)
Bomb Blast : १ ठार, ३ जखमी
माहितीनूसार, पेशावर शहरातील रिंग रोडवरील एका हॉटेलजवळ ही घटना घडली.”मोटारसायकलमध्ये पेरलेल्या बॉम्बचा स्फोट झाल्यानंतर हा स्फोट झाला. आम्ही स्फोटाच्या स्वरूपाची माहिती गोळा करत आहोत. प्राथमिक अहवालानुसार मोटारसायकल दुरुस्त करत असताना हा स्फोट झाला,” असे पोलीस अधिकाऱ्यांनी सांगितले. पोलिसांनी दिलेल्या माहितीनुसार, तीन जखमींमध्ये मोटरसायकल मालकाचा समावेश असून जखमींपैकी एकाची प्रकृती चिंताजनक आहे.
बॉम्ब निकामी करणार्या पथकाने दिलेल्या निवेदनानुसार २०० ग्रॅम इंप्रोव्हाइज्ड एक्सप्लोसिव्ह डिव्हाईस (आयईडी) स्फोटात वापरण्यात आले. अधिकाऱ्यांच्या म्हणण्यानुसार, कौटुंबिक-संबंधित घटनांमध्ये वारंवार आयईडीचा वापर केला जातो. पुढील तपास पोलिस करत आहेत.
हेही वाचा
- Tuljapur Temple Notice : हाफ पॅन्ट, बरमूडा असल्यास तुळजाभवानी मंदिरात ‘नो एंट्री’चा आदेश मागे
- सांगली : अपघातातून लवकर बरे व्हावे म्हणून चक्क रस्त्यावर बोकडाचा बळी! विट्यातील धक्कादायक प्रकार
- Jallikattu Supreme Court Judgement | सांस्कृतिक वारसा न्यायव्यवस्थेचा भाग असू नये, SC कडून तामिळनाडूतील ‘जल्लीकट्टू’ची वैधता कायम
- Karnataka CM : सिद्धरामय्या कर्नाटकचे मुख्यमंत्री तर डीके शिवकुमार उपमुख्यमंत्री; काँग्रेसकडून अधिकृत घोषणा