fuel shortage in shirlanka : पेट्रोल-डिझेलच्या विक्रीला सैन्याचे संरक्षण

पुढारी ऑनलाईन डेस्क : आपला शेजारी देश श्रीलंका (fuel shortage in shirlanka) सध्या आर्थिक संकटाचा सामना करत आहे. तेथे जीवनावश्यक वस्तूंचे भाव गगनाला भिडले आहेत. डिझेल-पेट्रोल आणि गॅसच्या बाबतीत तर परिस्थिती अधिकच गंभीर बनली आहे. पेट्रोल आणि डिझेल खरेदीच्या प्रकरणात काही लोकांचा मृत्यूही झाला आहे. तेथील परिस्थिती आता इतकी बिघडली आहे की, श्रीलंका सरकारने पेट्रोल पंप आणि गॅस स्टेशनवर सैन्य तैनात करण्याचा निर्णय घेतला आहे.

• शरद पवार : ‘ईडीचा गैरवापर वाढला, देशासमोर गंभीर प्रश्न’

पेट्रोल आणि डिझेलचा तुटवडा (fuel shortage in shirlanka)

श्रीलंकेत डिझेल आणि पेट्रोलच्या किमती वाढल्याच नाहीत तर त्यांचा तुटवडाही निर्माण झाला आहे. त्यामुळे पेट्रोल पंपावर लांबच लांब रांगा लागल्या आहेत. तेल खरेदीसाठी हजारो लोक तासनतास रांगेत उभे आहेत.

• राजकीय सुडबुद्धीने कारवाई, ही राक्षसी हुकूमशाही; संजय राऊत यांचा घणाघात

तीन वृद्धांचा मृत्यू (fuel shortage in shirlanka)

श्रीलंकेच्या लष्कराचे प्रवक्ते निलांथा प्रेमरत्ने यांच्या हवाल्याने एका मीडिया रिपोर्टमध्ये म्हटले आहे की, तासनतास रांगेत उभे राहिल्यानंतर तीन वृद्धांचा मृत्यू झाला. या घटनेनंतर पेट्रोल पंपावर लष्कर तैनात करण्याचा निर्णय घेण्यात आला आहे.

• हिमाचल काँग्रेसमध्ये ‘मेजर सर्जरी’ची तयारी ; सोनिया गांधी करणार मोठे बदल

परिस्थिती बिघडू नये म्हणून लष्कर फक्त तेल वाटपासाठी मदत करेल, असे प्रेमरत्ने म्हणाले. ते म्हणाले की, देशातील सर्व पेट्रोल पंपांवर किमान 2-2 लष्कराचे जवान तैनात केले जातील.

साठेबाजीची तक्रार (fuel shortage in shirlanka)

अधिकाऱ्यांचे म्हणणे आहे की, सैन्याची तैनाती ही लोकांना मदत करण्यासाठी आहे, लोकांचे हक्क हिरावून घेण्यासाठी नाही. सरकारचे प्रवक्ते रमेश पाथिराना म्हणतात की, डिझेल-पेट्रोलचे अयोग्य वितरण आणि साठेबाजीच्या तक्रारी आल्यानंतर सैन्य तैनात केले जात आहे.

• सीएम उद्धव ठाकरेंच्या पत्नी रश्मी यांच्या बंधूंची ईडीकडून ६ कोटी ४५ लाखांची संपत्ती जप्त

हिंसाचाराच्या घटना

श्रीलंकेत, पेट्रोल आणि डिझेलसह जीवनावश्यक वस्तूंच्या तुटवड्यामुळे अनेक ठिकाणी तुरळक हिंसाचाराच्या बातम्या आल्या आहेत. सोमवारी अशाच एका घटनेत एका व्यक्तीची चाकूने भोसकून हत्या करण्यात आल्याचे पोलिसांनी सांगितले. तीनचाकी चालकाशी झालेल्या वादातून ही घटना घडली. याआधी कडक उन्हात तासनतास रांगेत उभे राहून तीन वृद्धांचा मृत्यू झाला होता. लष्कर तैनात झाल्यानंतर परिस्थिती सुधारेल, अशी आशा अधिकाऱ्यांना आहे.

ईडीसारख्या केंद्रीय संस्था गैरवापर वाढला आहे. ईडीच्या कारवाईची आकडेवारी समोर आली ती स्पष्ट सांगते की हा कार्यक्रम कोणाला तरी राजकीय हेतूने त्रास देण्यासाठी हाती घेतला आहे अशी टीका राष्ट्रवादी काँग्रेसचे अध्यक्ष शरद पवार यांनी केली आहे. #pudhari #marathi #sharadpawar #ED pic.twitter.com/Kg629aArSY

— Pudhari (@pudharionline) March 22, 2022