NCP Sharad Pawar Symbol | उद्या रायगडवर शरद पवारांच्या राष्ट्रवादीची 'तुतारी' वाजणार
पुढारी ऑनलाईन डेस्क: राष्ट्रवादी काँग्रेसमध्ये उभी फूट पडल्यानंतर उपमुख्यमंत्री अजित पवारांनी राष्ट्रवादी काँग्रेस पार्टीवर दावा सांगितला. त्यानंतर केंद्रीय निवडणुक आयोगासमोर कागदपत्रे आणि पुराव्यांवरून खरी राष्ट्रवादी काँग्रेस ही अजित पवार यांचीच असल्याचा निकाल देण्यात आला. पुढे अजित पवार गटाकडे राष्ट्रवादी काँग्रेसचे मूळ नाव आणि चिन्ह बहाल करण्यात आले. त्यानंतर आयोगाने शरद पवार गटाला ‘राष्ट्रवादी काँग्रेस पक्ष – शरदचंद्र पवार’ असे नवीन नाव आणि ‘तुतारी’ हे नवीन चिन्ह दिले. केंद्रीय निवडणुक आयोगाने दिलेल्या याच चिन्हाचे उद्या (दि.२४) किल्ले रायगड येथे अनावरण करण्यात येणार आहे, अशी माहिती शरद पवार यांच्या राष्ट्रवादी काँग्रेसने एक्स पोस्ट करत दिली आहे. (NCP Sharad Pawar Symbol)
NCP Sharad Pawar Symbol: ‘तुतारी वाजवणारा माणूस’ चिन्हाचे उद्या अनावरण
‘राष्ट्रवादी काँग्रेस पक्ष – शरदचंद्र पवार’ या पक्षाने पोस्टमध्ये म्हटले आहे की, “आता अवघा देश होणार दंग,आदरणीय खा. शरद पवार साहेबांच्या साथीने फुंकलं जाणार विकासाचं रणशिंग! ‘राष्ट्रवादी काँग्रेस पक्ष-शरदचंद्र पवार’ला मिळालेल्या ‘तुतारी वाजवणारा माणूस’ या पक्ष चिन्हाचा अनावरण सोहळा उद्या, दिनांक २४ फेब्रुवारी २०२४ रोजी किल्ले रायगड येथे आयोजित करण्यात आला आहे. चला, छत्रपती शिवरायांच्या साथीने तुतारीचा नाद दाही दिशा घुमवूया! असे आवाहन शरद पवार गटाने केले आहे. (NCP Sharad Pawar Symbol)
“आता अवघा देश होणार दंग,आदरणीय खा. शरद पवार साहेबांच्या साथीने फुंकलं जाणार विकासाचं रणशिंग!
‘राष्ट्रवादी काँग्रेस पक्ष-शरदचंद्र पवार’ला मिळालेल्या ‘तुतारी वाजवणारा माणूस’ या पक्ष चिन्हाचा अनावरण सोहळा उद्या, दिनांक २४ फेब्रुवारी २०२४ रोजी किल्ले रायगड येथे आयोजित करण्यात आला… pic.twitter.com/y9tsdvBVSZ— Nationalist Congress Party – Sharadchandra Pawar (@NCPspeaks) February 23, 2024
‘तुतारी’ पुन्हा एकदा रणशिंग फुंकण्याकरिता सज्ज- शरद पवार गटाची पोस्ट चर्चेत
शरद पवार यांच्या ‘राष्ट्रवादी काँग्रेस पक्ष – शरदचंद्र पवार’ या पक्षाला तुतारी हे निवडणूक चिन्ह मिळाले आहे. निवडणूक आयोगाने हे चिन्ह देण्यासंदर्भात आदेश काढले आहेत. पुढील आदेश येईपर्यंत आता येणाऱ्या निवडणुकीत शरद पवार गटाला आता हे चिन्ह वारण्याचे आदेश देण्यात आले आहे. ‘तुतारी’ पक्ष चिन्ह मिळताच “दिल्लीच्या तख्ताला हादरवून सोडण्यासाठी हीच ‘तुतारी’ पुन्हा एकदा रणशिंग फुंकण्याकरिता सज्ज आहे!” अशा आशयाची पोस्ट शरद पवार गटाच्या वतीने सोशल मीडियावर करण्यात आली.
हेही वाचा:
- NCP Sharad Pawar Symbol | ‘तुतारी’ चिन्ह देऊन निवडणूक आयोगाने आम्हाला शुभेच्छाच दिल्या- जितेंद्र आव्हाडांची पोस्ट चर्चेत
- Supriya Sule vs Chitra Wagh : ‘तुतारी’, भाजपद्वेषाची जुनी पिपाणी…चित्रा वाघ यांचा सुप्रिया सुळेंवर निशाणा
- Sharad Pawar NCP Tutari Sign : सत्ताधाऱ्यांना हाकलण्यासाठी तुतारी हा शुभ संकेत : विजय वडेट्टीवार