सातारा : पंढरपूरला देवदर्शनासाठी निघालेल्या बोलेराचा अपघात; सात जण जखमी

By:Mohan Karande Published on: June 29, 2023, 12:43 PM

सातारा; पुढारी वृत्तसेवा : लोधवडे फाटा (ता. माण) येथील सातारा-पंढरपूर रस्त्यावर पंढरपूरला देवदर्शनासाठी निघालेल्या बोलेरो गाडी आज सकाळी आठ वाजता पलटी होऊन झालेल्या अपघातात सात जण जखमी झाले आहेत. सर्व जखमी कोरेगाव तालुक्यातील गुजरवाडी येथील आहेत.

चालक कल्याण भोसले (वय 45), आण्णा गाढवे (वय 42), पप्पू भिसे (वय 40), दादासो थोरात (वय 42), सागर भोसले, विजय माने (वय 45), श्रीमंत पवार (वय 50), रुद्र भोसले, अशी जखमींची नावे आहेत. या अपघाताची नोंद करण्याची प्रक्रिया सुरू असल्याची माहिती दहिवडी चे स पो नी अक्षय सोनवणे यांनी दिली.

सकाळच्या वेळी भरधाव वेगाने चाललेली बोलेरो गाडी अचानक लोधवडे फाटा येथे आली असताना चालकाचा ताबा सुटल्याने गाडी तीन वेळा पलटी झाली. या अपघातात सात जण गंभीर जखमी झाले असून अपघातातील जखमींना सातारा येते उपचारासाठी हलवलेले आहे.

हेही वाचा :