बेजबाबदारपणे ओव्‍हरटेक निष्‍काळजीपणे वाहन चालविण्‍यासारखेच : दिल्‍ली उच्‍च न्‍यायालय
पुढारी ऑनलाईन डेस्‍क : केवळ अतिवेगाने वाहन चालवणे म्‍हणजे निष्‍काळजीपणे वाहन चालवणे असे नाही. विशेषत: थांबलेल्‍या किंवा चालत्‍या वाहनाला बेजबाबदारपणे ओव्‍हरटेक करणे हेही निष्‍काळजीपणे वाहन ( Negligent driving ) चालविण्‍यासारखेच आहे, निरीक्षण नुकतेच दिल्‍ली उच्‍च न्‍यायालयाने नोंदवले. दिल्‍लीत २२ जुलै २०१२ रोजी इंडिकेटर न लावत रस्‍ताच्‍या मध्‍यभागी उभा असलेल्‍या डीटीसी बसला धडक लागून मोटारसायकलस्‍वारचा मृत्‍यू झाला होता. त्‍याच्‍या कुटुंबाने दाखल केलेल्‍या याचिकेवरील सुनावणीवेळी न्‍यायालयाने आपलं निरीक्षण नोंदवले आहे.
Negligent driving : कुटुंबाची उच्‍च न्‍यायालयात धाव
अपघातानंतर मोटार अपघात दावा न्‍यायाधिकरणाने अपघातात मृत्‍यू झालेल्‍या दुचाकीस्‍वाराच्‍या कुटुंबाला १७ लाख रुपये नकुसान भरपाई म्‍हणून देण्‍याचे आदेश दिले होते. मात्र मृत व्‍यक्‍तीची निष्‍काळजीपणे अपघात झाल्‍याने या नुकसान भरपाईतील २० टक्‍के कपात करण्‍याचे आदेश दिले होते. यासंदर्भात दाखल केलेल्‍या याचिकेपासून विमा कंपनीने पैसे भरेपर्यंत याचिकाकर्‍त्यांना ७.५ टक्‍के दराने व्‍याज देण्‍याचे आदेश देण्‍यात आले होते. मात्र नुकसान भरपाईतील २० टक्‍के रक्‍कम कपात करण्‍याचे आदेशाविरोधात कुटुंबाने उच्‍च न्‍यायालयात याचिका दाखल केली होती.
बेजबाबदारपणे ओव्‍हरटेक निष्‍काळजीपणे वाहन चालविण्‍यासारखेच
न्‍यायमूर्ती गोरांग कांत यांनी आपल्‍या आदेशात स्‍पष्‍ट केले की, “या प्रकरणामधील प्रत्‍यक्षदर्शींच्‍या जबाबाच्‍या आधारे डीटीसी बस रस्‍त्‍याच्‍या मध्‍ये उभा होती. बेजबाबदारपणे पार्किंग केल्‍यामुळे हा अपघात झाला आहे यात शंका नाही; पंरतु ओव्‍हरटेक करताना काळजी घेतली असती तर हा अपघात टाळता आला असता. केवळ अतिवेगाने वाहन चालवणे म्‍हणजे निष्‍काळजीपणे वाहन चालवणे असे नाही. विशेषत: थांबलेल्‍या किंवा चालत्‍या वाहनाला बेदरकारपणे ओव्‍हरटेक हेही निष्‍काळजीपणे वाहन चालविण्‍यासारखेच आहे.”
अपघातात मृत्‍यू झालेल्‍या व्‍यक्‍ती ५४ वर्षांचा होता. त्‍याच्‍या कुटुंबाची जबाबदारी होती, असे स्‍पष्‍ट करत न्‍यायालयाने संबंधिताच्‍या कुटुंबाला नुकसानभरपाई म्‍हणून ४२ लाख रुपये द्‍यावेत, असेही स्‍पष्‍ट केले.
Not taking due care while driving, overtaking amounts to rash and negligent driving: Delhi High Court
reports @ShagunSuryam https://t.co/oRYuoPpVyT
— Bar & Bench (@barandbench) April 1, 2023
हेही वाचा :
- Bombay High Court | हायकोर्टाचा विमा कंपनीला दणका, मोटार वाहन कायद्यांतर्गत नुकसान भरपाईबाबत दिला महत्त्वपूर्ण निर्णय, वाचा अधिक
- High Court used ChatGPT : देशात उच्‍च न्‍यायालयामध्‍ये प्रथमच ChatGPT चा वापर! खून प्रकरणातील आरोपीचा जामीन अर्ज फेटाळला
- Gujarat High Court : विवाहित ‘गर्लफ्रेंड’चा ताबा मागणाऱ्या रोमिओला न्यायालयाचा दणका, ठोठावला ५००० रुपयांचा दंड
- Gauhati High Court : अशी कारवाई आम्‍ही रोहित शेट्टीच्‍या फिल्‍ममध्‍येही पाहिलेली नाही! : ‘बुलडोझर’ कारवाईवर गुवाहाटी उच्‍च न्‍यायालयाची टिप्पणी