केंद्राच्या अध्यादेशाविरोधात केजरीवाल यांना माकपचा पाठिंबा
नवी दिल्ली; पुढारी वृत्तसेवा : दिल्लीतील प्रशासनिक सेवांवर केंद्र सरकारचेच वर्चस्व राहील, असे सांगत केंद्राने काही दिवसांपूर्वी एक अध्यादेश आणला होता. त्या अध्यादेशाला संसदेत विरोध करण्यासाठी दिल्लीचे मुख्यमंत्री अरविंद केजरीवाल हे विरोधी पक्ष नेत्यांच्या भेटीगाठी घेत आहेत. या पार्श्वभूमीवर केजरीवाल यांना सदर मुद्यावर मार्क्सवादी कम्युनिष्ट पक्षाचा पाठिंबा मिळाला आहे.
केजरीवाल यांनी वरील विषयाच्या अनुषंगाने मंगळवारी माकप नेते सीताराम येचुरी यांची भेट घेतली. त्यावेळी येचुरी यांनी केजरीवाल यांना समर्थन देण्याचा निर्णय घेतला. या मुद्यावर केजरीवाल यांना आतापर्यंत शिवसेना (उद्धव ठाकरे गट ) , भारत राष्ट्र समिती, राष्ट्रवादी – काँग्रेस आणि तृणमूलचा पाठिंबा मिळालेला आहे. केजरीवाल यांनी काँग्रेसकडेही समर्थन मागितले असले तरी काँग्रेसने आपले पत्ते उघड केलेले नाहीत.
दिल्ली ही देशाची राजधानी आहे. त्यामुळे हा प्रदेश राष्ट्रपतींच्या नियंत्रणाखाली राहील, असे केंद्र सरकारने जारी केलेल्या अध्यादेशात म्हटले होते. राजधानीतील सनदी अधिकाऱ्यांच्या नियुक्त्या तसेच बदल्या नॅशनल कॅपिटल सिव्हिल सर्व्हिसेस ऑथॉरिटीच्या माध्यमातून केल्या जातील, असेही केंद्राने अध्यादेशात स्पष्ट केले होते.
दिल्ली में मोदी सरकार अपनी तानाशाही चला रही है, दिल्ली की जनता के हक़ छीन रही है। आज CPI(M) के वरिष्ठ नेता श्री सीताराम येचुरी जी एवं पार्टी के अन्य नेताओं से मिलकर इस मुद्दे पर चर्चा की। सभी नेताओं का मानना है कि मोदी सरकार दिल्ली के लोगों के साथ अन्याय कर रही है। CPI(M) ने… pic.twitter.com/RB8LIHUB2M
— Arvind Kejriwal (@ArvindKejriwal) May 30, 2023
हेही वाचा :
- अरविंद केजरीवाल, मल्लिकार्जुन खर्गे यांच्या विरुद्ध तक्रार दाखल; जाणून घ्या काय आहे प्रकरण
- Vande Bharat Express : ‘वंदे भारत’ प्रत्येक राज्यात; स्वातंत्र्य दिनापर्यंत ७५ गाड्या सुरू करण्याची मोदी सरकारची योजना
- भारत निर्माणासाठी यापुढेही मेहनत करत राहणार : पंतप्रधान मोदी, केंद्रातील रालोआ सरकारची ९ वर्षे पूर्ण