हिमाचलचे मुख्यमंत्री सुखविंदर सुक्खू यांना कोरोनाची लागण
नवी दिल्ली; पुढारी वृत्तसेवा : हिमाचल प्रदेशचे नवनिर्वाचित मुख्यमंत्री सुखविंदर सुक्खू यांना कोरोनाची लागण झाली असून पुढील तीन दिवस ते दिल्लीतील हिमाचल भवनमध्ये क्वारंटाईनमध्ये राहणार आहेत. विशेष म्हणजे पंतप्रधान नरेंद्र मोदी यांच्या भेटीपूर्वी त्यांचा कोरोना चाचणी अहवाल पॉझिटिव्ह आला आहे.
गळ्यात दुखत असल्याची तक्रार केल्यानंतर सुक्खू यांची कोरोनाची चाचणी घेण्यात आली. चाचणीचा अहवाल पॉझिटिव्ह आल्यानंतर डॉक्टरांच्या सल्ल्यानुसार त्यांनी क्वारंटाईनमध्ये राहण्याचा निर्णय घेतला आहे. कोरोनामुळे त्यांची पंतप्रधान मोदी यांच्यासोबतची भेटही लांबणीवर पडली आहे. हिमाचलच्या विधानसभा निवडणुकीत कॉंग्रेस पक्षाने दणदणीत विजय मिळवला होता. त्यानंतर मुख्यमंत्रीपदाची माळ सुक्खू यांच्या गळ्यात पडली होती.
Himachal Pradesh Chief Minister Sukhvinder Singh Sukhu tests positive for #COVID19
(File photo) pic.twitter.com/aF1K8pxmgI
— ANI (@ANI) December 19, 2022
हेही वाचा :
- Maharashtra Winter Session :सीमावादाचे नागपुरातील विधिमंडळात पडसाद; …तर ॲक्शनला रिॲक्शन होणार – मुख्यमंत्री एकनाथ शिंदे
- बेळगावात हिवाळी अधिवेशनाला प्रारंभ; सभागृहात स्वा. सावरकर यांचा फोटो लावण्यावरून वाद
- Visually impaired girls walk the ramp : दृष्टीहीन मुलींचा रॅम्पवॉक पाहून तुम्हीही म्हणालं, वाह क्या बात है… (व्हिडिओ)