Rape : सासऱ्याचा सुनेवर बलात्कार; सासू-सासर्यासह पतीवर गुन्हे
भंडारा, पुढारी वृत्तसेवा : उच्च शिक्षित सुनेवर सासऱ्यानेच बळजबरीने अत्याचार (Rape) केल्याची घटना साकोली तालुक्यातील पळसगाव सोनका येथे उघडकीस आली. सुनेच्या तक्रारीवरून सासरा, पती आणि सासूवर पोलिसांनी गुन्हे दाखल करण्यात आले आहेत.
यातील विवाहित तरुणी उच्चशिक्षित आहे. ३१ मे २०१९ रोजी तिचे लग्न सचिन सुखदेव वाढई याच्याशी झाले. सचिन हा नागपूर येथे सीसीआरआय अनुसंधान केंद्र येथे टेक्निकल अधिकारी या पदावर कार्यरत आहे.
२५ ऑक्टोबर २०२० रोजी दुपारी ३ च्या दरम्यान घरी एकटी असताना सासरा सुखदेव वाढई याने बेडरूममध्ये शिरून दरवाजा बंद केला. जबरदस्तीने सुनेशी शारीरिक संबंध (Rape) प्रस्थापित केले. या प्रकाराची माहिती महिलेने पती आणि सासूला दिली.
परंतु, दोघांनीही तिच्याकडे दुर्लक्ष केले. उलट ती मानसिक रुग्ण आहे असे गावात सांगून तिची बदनामी सुरू केली. तसेच मुलाने पत्नीला सोडून देण्यास सांगून तिच्यावर मानसिक दडपण आणले जात होते.
ही घटना मागील वर्षी घडली असून तिच्याकडे सर्वांनीच दुर्लक्ष केले होते. तसेच नेहमी अश्लील शिवीगाळ करत होते. हा प्रकार असह्य झाल्याने तिने साकोली पोलिसात तक्रार दाखल केली.
तक्रारीवरून पोलिसांनी पती सचिन, सासरा सुखदेव आणि सासू केसरबाई वाढई यांच्याविरुद्ध ३७६, ४९८ अ, ३०६, ५११, ५०९ अन्वये गुन्हे दाखल केले आहेत. सासऱ्याला अटक करण्यात आली असून तपास पोलीस निरीक्षक बोरकर करीत आहेत.
हे ही वाचलंत का?
- चाट पापडी विकणारे गौरव गुप्ता दिसतात मुख्यमंत्री अरविंद केजरीवाल यांच्यासारखे!
- Zomato ने ग्राहकासोबत चॅटमध्ये असं काय म्हटलं की #Reject_Zomato ट्रेंड सुरु झाला
- महाराष्ट्र राज्य प्राथमिक संघाच्या शिष्टमंडळाची लवकरच बैठक बोलवू : वर्षाताई गायकवाड
- पतीस आत्महत्येस प्रवृत्त केल्याप्रकरणी पत्नी-प्रियकराविरुद्ध गुन्हा दाखल
- Aryan Khan Case: आर्यनच्या जामिनासाठी शिवसेना नेत्याची सर्वोच्च न्यायलयात धाव