pune friend murder : चेष्टा मस्करीतून मित्राचा खून; आरोपी चाकूसह पोलीस ठाण्यात हजर
पुणे : पुढारी वृत्तसेवा : pune friend murder : चेष्टा मस्करीतून झालेल्या वादात एका तरुणाने आपल्या मित्रावर चाकूने वार करुन लाकडी दांडक्याने मारहाण करून त्याचा खून केला. त्यानंतर त्याने स्वत:च पोलीस ठाण्यात जाऊन या प्रकाराची माहिती दिली.
अमन अशोक यादव (वय २६) असे खून झालेल्या तरुणाचे नाव आहे. आर सी एम गुजराथी शाळेसमोरील फुटपाथवर आज सकाळी पावणे सहा वाजता हा प्रकार घडला. चेतन सुनील पवार असे संशयित आरोपीचे नाव असून फरासखाना पोलिसांनी त्याच्यासह दोघांना ताब्यात घेतले आहे. दोघेही कचरावेचक म्हणून काम करतात.
pune friend murder : पोलिसांनी दिलेल्या माहितीनुसार
आरोपी चेतन पाटील व त्याचा मित्र अमन यादव हे कचरा वेचण्याचे काम करतात. दोन -तीन दिवसांपूर्वी त्यांच्यात किरकोळ कारणावरुन भांडणे झाली होती. तसेच दीड महिन्यापूर्वी स्वारगेट परिसरात झालेल्या भांडणाचा राग देखील मनात होता.
कुरकुरीत आणि मसालेदार कारली कशी कराल? https://t.co/lzpxvNkKfz #biitermelon #recipe #spicy
— Pudhari (@pudharionline) December 1, 2021
आज सकाळी ते कचरा गोळा करण्यासाठी पुन्हा आर सी एम गुजराथी शाळेसमोर आले होते. येथील फुटपाथवर त्यांच्यात पुन्हा वाद झाला. त्यावेळी पवार याने अमन यादव याच्यावर चाकूने वार करुन त्याचा खून केला. त्यानंतर तो स्वत:च रक्ताळलेला चाकू घेऊन पोलीस चौकीत पोहचला. चाकूसह आलेल्या आरोपीला पाहून पोलिसांची धांदल उडाली. त्याने दिलेल्या माहितीनुसार पोलिसांनी तातडीने घटनास्थळी धाव घेतली. तेथे एक मृतदेह पडलेला आढळून आला. पोलिसांनी आरोपीला ताब्यात घेतले असून तपास फरासखाना पोलिस करत आहेत.