नाशिक : दारू पिऊन धिंगाणा घालणाऱ्या नवऱ्याला ठार करत पत्नीने संपवला त्रास
सिन्नर; पुढारी वृत्तसेवा : दारू पिऊन घरी आलेल्या पतीने पत्नीसह मुलाला त्रास द्यायला सुरू केल्याने राग अनावर झालेल्या पत्नीकडून पतीचा खून केल्याची घटना घडली. ही खळबळजनक घटना सिन्नर येथे घडली. संशयित पत्नीला पोलिसांनी अटक केली आहे.
लक्ष्मण बबन गाजरे (४०, रा. ढोकेनगर, सिन्नर) असे मृत पतीचे नाव आहे. रविवारी (दि 12) मध्यरात्रीच्या सुमारास लक्ष्मण गाजरे दारु पिऊन घरी आल्यावर पत्नी नंदा व त्यांच्यात कडाक्याचे भांडण झाले. वाद विकोपाला गेल्यावर नंदा हिने हातोडी सारख्या टणक हत्याराने लक्ष्मण गाजरे यास छातीवर, हातापायावर मारहाण केली त्यातच लक्ष्मण याचा मृत्यू झाल्याची माहिती पोलिसांनी दिली.
- ‘भांडकुदळ बायको सात सेकंदही नको’; पत्नी पीडितांनी पिंपळाला उलट्या फेऱ्या मारत साजरी केली वट पौर्णिमा
राजू बबन गाजरे यांनी पोलिसात नंदा गाजरे यांच्या विरोधात फिर्याद दिली. पोलीस उपाधीक्षक सोमनाथ तांबे यांनी घटनास्थळी भेट दिली. पोलीस निरीक्षक संतोष मुटकुळे, सहाय्यक निरीक्षक विजय माळी, उपनिरीक्षक सचिन चौधरी, हवालदार नवनाथ पवार, चेतन मोरे, राहुल इंगोले, साळवे यांनी घटनेची माहिती घेत नंदा गाजरे हिला ताब्यात घेऊन अटक केली. सहाय्यक पोलीस निरीक्षक विजय माळी पुढील तपास करीत आहेत.
‘भांडकुदळ बायको सात सेकंदही नको’; पत्नी पीडितांची पिंपळाला उलट्या फेऱ्या… https://t.co/9ZYyHl2UiB #Pudharionline #Pudharinews #Aurangabad
— Pudhari (@pudharionline) June 13, 2022
हेही वाचा