Maharashtra Cabinet Portfolio: अखेर राज्य मंत्रिमंडळाचे फेरबदलासह खातेवाटप जाहीर; वाचा, कोणतं खातं कोणाकडे?
मुंबई: मागील काही दिवसांपासून रखडलेले मंत्रीमंडळ खातेवाटप अखेर जाहीर झाले आहे. मुख्यमंत्री आणि उपमुख्यमंत्र्यांच्या चर्चेनंतर खातेवाटपावर शिक्कामोर्तब झाले. खातेवाटपाची यादी राज्यपालांकडे स्वाक्षरीसाठी गेली होती. राज्यपाल यांची स्वाक्षरी झाल्यानंतर मुख्यमंत्री यांच्या परवानगीने खातेवाटप प्रसिद्ध करण्यात आले. यामध्ये राज्य मंत्रिमंडळातील नवनियुक्त मंत्र्यांच्या खातेवाटपाबरोबरच सध्याच्या मंत्र्यांच्या खात्यांमध्ये देखील काही फेरबदल करण्यात आले आहेत. राष्ट्रवादीसाठी भाजपकडून सहा तर शिंदेकडून तीन खाती गेली आहेत. एकनाथ शिंदे यांनी महत्वाची, खाती राखण्यात यश मिळवले आहे.
मुख्यमंत्री शिंदे- सामान्य प्रशासन, नगर विकास, माहिती तंत्रज्ञान, माहिती व जनसंपर्क, परिवहन, सामाजिक न्याय, पर्यावरण व वातावरणीय बदल, खनिकर्म आणि इतर कोणत्याही मंत्र्यांना वाटप न केलेले विभाग.
उपमुख्यमंत्री देवेंद्र फडणवीस – गृह, विधी व न्याय, जलसंपदा व लाभक्षेत्र विकास, ऊर्जा, राजशिष्टाचार
उपमुख्यमंत्री अजित पवार – वित्त व नियोजन
इतर २६ मंत्र्यांची खाती पुढीलप्रमाणे:
छगन भुजबळ – अन्न व नागरी पुरवठा व ग्राहक संरक्षण.
दिलीपराव दत्तात्रय वळसे-पाटील –सहकार.
राधाकृष्ण विखे-पाटील – महसूल, पशुसंवर्धन आणि दुग्ध व्यवसाय विकास.
सुधीर सच्चिदानंद मुनगंटीवार – वने, सांस्कृतिक कार्य, व मत्स्य व्यवसाय.
हसन मियाँलाल मुश्रीफ – वैद्यकीय शिक्षण व विशेष सहाय्य.
चंद्रकांतदादा बच्चू पाटील –उच्च व तंत्रशिक्षण, वस्त्रोद्योग आणि संसदीय कार्य.
विजयकुमार कृष्णराव गावित – आदिवासी विकास.
गिरीष दत्तात्रय महाजन – ग्राम विकास आणि पंचायत राज, पर्यटन.
गुलाबराव पाटील – पाणीपुरवठा व स्वच्छता.
दादाजी दगडू भुसे – सार्वजनिक बांधकाम (सार्वजनिक उपक्रम).
संजय दुलिचंद राठोड – मृद व जलसंधारण.
धनंजय पंडितराव मुंडे – कृषि.
सुरेशभाऊ दगडू खाडे – कामगार.
संदीपान आसाराम भुमरे– रोजगार हमी योजना व फलोत्पादन.
उदय रवींद्र सामंत –उद्योग.
प्रा.तानाजी जयवंत सावंत – सार्वजनिक आरोग्य व कुटुंब कल्याण.
रवींद्र दत्तात्रय चव्हाण – सार्वजनिक बांधकाम (सार्वजनिक उपक्रम वगळून).
अब्दुल सत्तार – अल्पसंख्याक विकास व औकाफ, पणन.
दीपक वसंतराव केसरकर – शालेय शिक्षण व मराठी भाषा.
धर्मरावबाबा भगवंतराव आत्राम – अन्न व औषध प्रशासन.
अतुल मोरेश्वर सावे – गृहनिर्माण, इतर मागास व बहुजन कल्याण.
शंभूराज शिवाजीराव देसाई – राज्य उत्पादन शुल्क.
कु. अदिती सुनील तटकरे – महिला व बालविकास.
संजय बाबुराव बनसोडे – क्रीडा व युवक कल्याण, बंदरे.
मंगलप्रभात लोढा – कौशल्य विकास, उद्योजकता व नाविन्यता.
अनिल पाटील – मदत पुनर्वसन, आपत्ती व्यवस्थापन.
हेही वाचा:
सहावीत शिकणा-या रोहनची नासाच्या क्युब ईन स्पेस कार्यक्रमासाठी निवड
पाचवी, आठवीच्या शिष्यवृत्ती परीक्षेचा निकाल जाहीर
पुणे : टोमॅटो दरवाढीचा कृषी आयुक्तांकडून आढावा