दहीहंडी समन्वय समिती पदाधिकाऱ्यांनी घेतली मुख्यमंत्र्यांची भेट
मुंबई, पुढारी वृत्तसेवा : दहीहंडी कार्यक्रमात जखमी झालेल्या गोविंदांवर शासकीय तसेच पालिकेच्या रुग्णालयांमध्ये मोफत उपचार करण्यात येत असून जखमी झालेल्या गोविंदांना मुख्यमंत्री सहायता निधीतून आर्थिक सहाय्य देण्यात येईल, असे मुख्यमंत्री एकनाथ शिंदे यांनी सांगितले.
दहीहंडी कार्यक्रमात जखमी झालेल्या गोविंदांवर शासकीय रुग्णालयांमध्ये मोफत उपचारासह त्यांचा विमा उतरविण्याच्या निर्णयाचे दहीहंडी समन्वय समितीने स्वागत केले आहे. समितीच्या पदाधिकाऱ्यांनी आज (दि.२२) मुख्यमंत्री एकनाथ शिंदे यांची भेट घेऊन मुख्यमंत्र्यांचे आभार मानले. दहीहंडी समन्वय समितीचे अध्यक्ष बाळा पडेलकर यांच्या नेतृत्वाखालील पदाधिकाऱ्यांनी आज विधानभवनात मुख्यमंत्र्यांची भेट घेतली. यावेळी क्रीडा व युवक कल्याणमंत्री गिरीश महाजन, आमदार प्रताप सरनाईक, संजय शिरसाठ, डॉ. बालाजी किणीकर आदी उपस्थित होते.
दहीहंडीला क्रीडा क्षेत्रामध्ये साहसी खेळाचा दर्जा देण्यात आला असून समन्वय समितीचे पदाधिकारी आणि क्रीडा विभागाच्या अधिकाऱ्यांचा समावेश असलेली समिती गठीत करण्यात आली आहे, ही समिती दहीहंडीसाठी उभारण्यात येणारे मानवी मनोरे आणि इतर बाबींचा अभ्यास करणार असल्याचेही मुख्यमंत्री शिंदे यांनी यावेळी सांगितले. दहीहंडी समन्वय समितीचे कार्याध्यक्ष अरुण पाटील, सचिव सुरेंद्र पांचाळ, गीता झगडे आदी पदाधिकारी यावेळी उपस्थित होते.
हेही वाचलंत का ?
- kiara-sidharth : सिद्धार्थ मल्होत्राची नवरी होणार कियारा? करण जोहरने दिला इशारा
- सावध व्हा! नाव शिवसेनेचं घेताय आणि कार्यक्रम भाजपचा राबवताय; भाजपवाले माशासारखे तडफडत होते, भास्कर जाधवांचा हल्लाबोल
- Asia Cup 2022 IND VS PAK : पाकिस्तान विरुद्धच्या सामन्यात भारताचे ‘हे’ दिग्गज खेळाडू बसणार ‘बाहेर’?