Haryana Pension for Unmarried: हरियाणा सरकारचा मोठा निर्णय; अविवाहितांना मिळणार पेन्शन
पुढारी ऑनलाईन: हरियाणा सरकारने राज्यातील अविवाहितांसाठी मोठा निर्णय जाहीर केला आहे. मुख्यमंत्री मनोहर लाल खट्टर सरकारने ४५ ते ६० वयोगटातील कमी उत्पन्न असलेल्या अविवाहितांना मासिक पेन्शन देण्याची घोषणा केली आहे.
हरियाणा सरकारने जाहीर केलेल्या घोषनेनुसार, ज्या व्यक्तीचे वय ४५ ते ६० दरम्यान आहे. अशा व्यक्तींची भविष्यात देखील अविवाहित राहण्याची योजना आहे. ज्यांचे वार्षिक उत्पन्न १.८० लाख रुपयांपेक्षा कमी आहे, अशा अविवाहित स्त्री-पुरुषांना दरमहा २,७५० रुपये पेन्शन मिळेल. हरियाणात अशी अविवाहित स्त्री-पुरूषांची संख्या जवळपास ६५ हजारांपर्यंत असून, या निर्णयामुळे राज्याच्या तिजोरीवर दरवर्षी २४० कोटी रुपयांचा अतिरिक्त बोजा पडणार आहे, असे देखील सरकारने जाहीर केले आहे.
View this post on Instagram
हरियाणातील कलामपुरा (जि. कर्नाल) येथील एका जनसंवाद कार्यक्रमात एका ६० वर्षीय अविवाहित व्यक्तीने केलेल्या तक्रारीला उत्तर देताना मुख्यमंत्र्यांनी या योजनेची घोषणा केली. तसेच अशा लोकांसाठी सरकार पेन्शन योजना सुरू करणार असून, आम्ही महिनाभरात यासंदर्भातील निर्णय घेऊ असे देखील हरियाणाचे मुख्यमंत्री मुख्यमंत्री मनोहर लाल खट्टर यांनी स्पष्ट केले आहे.
हेही वाचा:
- Rahul Gandhi defamation case | राहुल गांधींच्या शिक्षेच्या स्थगितीसाठी काँग्रेस सुप्रीम कोर्टात जाणार
- Rahul Gandhi defamation case | राहुल गांधी यांची खासदारकी रद्दच, शिक्षेला स्थगिती देण्यास गुजरात हायकोर्टाचा नकार
- महत्वाची बातमी : स्थानिक स्वराज्य संस्थांच्या निवडणुकांचा बिगुल वाजला; ‘या’ महिन्यात होण्याची शक्यता