सातारा : वर्येत प्लायवूडच्या दुकानांना भीषण आग; कोट्यावधींचे नुकसान
कण्हेर : पुढारी वृत्तसेवा वर्ये ता.सातारा येथील दोन्ही प्लायवूडच्या दुकानांना अचानक भीषण आग लागली. या आगीत शामुलचंद ओसवाल व रूपाशेठ या व्यावसायिकांच्या मालमत्तेचे कोट्यावधी रुपयांचे नुकसान झाले आहे. या दुकानातील फ्लायवूड व केमिकलमुळे आगीने रौद्ररूप धारण केले. परिसरात सर्वत्र धुराचे लोट मोठ्या प्रमाणात वाहू लागले. या भीषण घटनेमुळे परिसरातील बघ्यांनी गर्दी केली आहे.
वर्ये हद्दीतील रामनगर कालव्यानजीक असलेल्या या फ्लायवूडच्या दुकानाला आज (मंगळवार) सकाळी 7.30 वाजण्याच्या सुमारास अचानक आग लागली. या दुकानातील कामगारांच्या आग लागल्याचे लक्षात आल्याने त्यांनी आरडाओरड करीत संबंधित मालकास दूरध्वनीवरील कळविले. मात्र दुकानातील मोठ्या प्रमाणात असलेल्या प्लायवुडच्या विशेषतः केमिकलमुळे आगिने भीषण स्वरूप धारण केले होते. काही क्षणातच आगीच्या माहाकाय ज्वाळांनी वेढले. या भीषण आगीने शेजारील रूपचंद सोळंकी यांचे घरे व रूपाशेठ यांच्या दुकानांना आग लागून मोठे नुकसान झाले आहे.
या आगीने शेजारील कुटुंबातील लोक हादरून गेले असून, महिलांना अश्रू अनावर झाले. आग विझवण्यासाठी सातारा व भुईंज साखर कारखान्याचा अग्निशमन बंबास पाचारण करण्यात आले असून, दोन्ही बंबांच्या सहाय्याने आग विझवण्यासाठी शर्तीचे प्रयत्न सुरू आहेत. या घटनेत लाखो रुपयांचे नुकसान झाले असून, दुकानदार हादरून गेले आहेत. आगीचे कारण अद्यापही समजू शकलेली नाही.
.हेही वाचा :
- सचिन तेंडुलकर राज्याच्या स्वच्छ मुख अभियानाचा ‘स्माइल अ‍ॅम्बेसेडर’
- कशी ठरवायची अभ्यास आणि नोकरी- व्यवसायाची दिशा?
- लग्नानंतर प्रियकराकडून गर्भवती राहिलेल्या महिलेला हायकोर्टाचा दिलासा