पंढरपूर : ट्रॅक्टर उजनी कालव्यात कोसळला, ३ महिला, दोन मुलांसह ५ ठार
सोलापूर ; पुढारी वृत्तसेवा : पंढरपूर तालुक्यातील करकंब येथे (मंगळवार) रात्री 11 वाजण्याच्या सुमारास ऊस ट्रॅक्टर उजनी कालव्यात पलटी झाला. या अपघातात तीन महिला आणि दोन बालकांचा मृत्यू झाला. जखमींपैकी दोघांवर करकंब ग्रामीण रुग्णालयात तर एकावर सोलापुरातील शासकीय रुग्णालयात उपचार सुरू आहेत.
करकंब येथील देशमुख आणि मदने वस्तीजवळील उजनीच्या 33 नंबर फाट्यावर ट्रॅक्टर पलटी झाला. ट्रॅक्टर ट्रॉली तर पूर्ण उलटी झाली. काहीजण त्या ट्रॉलीखाली अडकले होते. मृत मध्य प्रदेश येथील कोलकी (ता. वरला जि बडवाणी) येथील आहेत. मृतांमध्ये अरविंद कवशे (वय २ वर्षे), प्रिया नवल सिंग आर्या (वय १ वर्षे), विरसिंग आर्या, सुरेखा डावरे, सुनिता राजाराम कवशे यांचा समावेश आहे. तर ट्रॅक्टर चालक लहु खरे (रा. करता) यांच्यावर करकंब पोलीस ठाण्यात गुन्हा दाखल करण्यात आला आहे.
अपघातातील एका जखमी महिलेचा सोलापूर येथील सिविल हाॅस्पिटलमध्ये मृत्यू झाला, तर करकंब येथील ग्रामीण रुग्णालयात दोन महिला आणि एक दोन वर्षाची मुलगी व एक मुलगा मृत झाला. तर तीनजण जखमी झाले आहेत.
महेश पांढरे, सोलापूर
हेही वाचा :
- राज्यकर्त्यांनी साहित्य क्षेत्रात राजकारण आणू नये, पुरस्कार रद्द करण्याच्या निर्णयाचं सरकार लंगडं समर्थन करतंय : अजित पवार
- रायगड : ठाकरे गटाचे आमदार राजन साळवी अँटी करप्शन कार्यालयात चौकशीला हजर
- Gold rate today | लग्नसराईत सोन्याच्या दराने घाम फुटला; जाणून घ्या १८ ते २४ कॅरेटचा दर