INDW vs NZW 1st ODI : भारतीय महिला टीमचा न्यूझीलंडकडून ६२ धावांनी पराभव
पुढारी ऑनलाईन : सध्या भारतीय महिला क्रिकेट टीम न्यूझीलंडच्या दौऱ्यावर आहे. या दौऱ्यातील एक दिवसीय मालिकेत एकूण पाच सामने खेळवण्यात येणार आहेत. यातील पहिल्या एक दिवसीय सामन्यात न्यूझीलंडच्या महिला संघाने भारतीय संघाचा ६२ धावांनी पराभव केला.
पहिल्यांदा फलंदाजी करताना यजमान न्यूझीलंडने भारतीय संघाला २७५ धावांचे आव्हान दिले होते. या धावसंख्येचा पाठलाग करताना भारतीय संघ ऑल आऊट झाला. भारतीय संघाला २१३ धावांपर्यंत मजल मारता आली. यावेळी भारतीय कप्तान मिताली राजने केलेली अर्धशतकी खेळी भारताला विजयी करू शकली नाही. तिने ७३ चेंडूत ५९ धावा केल्या.
हा सामना न्यूझीलंडमधील क्वीन्सटाउन इव्हेंट सेंटर या मैदानावर खेळवण्यात आला. तत्पूर्वी भारताने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करण्यासाठी आलेल्या न्यूझीलंडच्या सलामीवीर फलंदाजांनी सुरूवातीपासून आक्रमक खेळीवर भर दिला.
भारताच्या दीप्ती शर्माने मॅडी ग्रीनच्या रूपात भारतीय संघाने न्यूझीलंडला पहिला धक्का दिला. त्यानंतर भारतीय संघ न्यूझीलंडला धक्के देत राहिला. न्यूझीलंडसाठी एका बाजूने खिंड लढवणारी सलामीवीर बेट्स भारतासाठी डोकेदु:खी ठरत होती. तिला आपल्या जाळ्यात ओढण्यात भारताची दीप्ती शर्मा यशस्वी झाली. बेट्सने आपल्यासंघासाठी १११ चेंडूत १०६ धावा केल्या. तिच्या शतकी व सॅटरथवेटने केलेल्या अर्धशतकी (६७ चेंडू,६३ धावा) खेळीच्या जीवावर न्यूझीलंडने भारतासमोर २७५ धावांचा डोंगर ऊभा केल्या.
- ‘नासा’ मंगळावरील नमुने आणणार पृथ्वीवर
- इंडियन आयडल मराठी : लता दीदींसाठी स्वरांजली
- Happy Hug Day : मिठीत तुझ्या असताना…’हग डे’साठी पाठवा ‘हे’ शुभेच्छा संदेश
Jess Kerr dismisses Mithali Raj for 59 ☝️
India are in trouble at 133/4 after 31 overs. They need 143 more runs to win.
Catch all the action LIVE or on-demand on https://t.co/CPDKNxoJ9v (in select regions) 👉 https://t.co/vYOlp0xiFe pic.twitter.com/GTH5rUQ3Uh
— ICC (@ICC) February 12, 2022
#NZvIND | Indian women’s cricket team lose to New Zealand by 62 runs in 1st ODI in Queenstown. India trail 0-1 in 5-match ODI series.
— ANI (@ANI) February 12, 2022