Golmaal ५: ‘सिंघम ३’ च्या घोषणेनंतर रोहित शेट्टीचा आणखी एक धमाका
पुढारी ऑनलाईन डेस्क : हिंदी चित्रपटसृष्टीतील प्रसिद्ध दिग्दर्शक रोहित शेट्टी लवकरच ‘भारतीय पोलीस दल’मधून ओटीटीमध्ये पदार्पण करणार आहे. दरम्यान, त्याने आपल्या लोकप्रिय ‘गोलमाल फ्रँचायझी’च्या (Golmaal ५) पुढील चित्रपटाबाबतही माहिती दिली. रिपोर्टनुसार, त्याने अजय देवगणसोबत ‘गोलमाल ५’ बनवणार असल्याची घोषणा केली आहे. आता पुन्हा एकदा अजय देवगण आणि रोहित शेट्टी मोठ्या पडद्यावर थिरकताना दिसणार आहेत. (Golmaal ५)
अलीकडेच रोहित शेट्टीने अजय देवगणसोबत ‘सिंघम ३’ बनवण्याची घोषणा केली. त्याचवेळी, एका वेबसाईटला दिलेल्या मुलाखतीत रोहितने ‘गोलमाल’ बनवणार असल्याची पुष्टी केली आहे. तो म्हणाला की ‘गोलमाल’ ‘सिंघम’ नंतर किंवा कदाचित आणखी एका वर्षानंतर सुरू होईल. रोहितच्या म्हणण्यानुसार, त्याला ‘गोलमाल’ बनवण्यात आनंद आहे. तो जोपर्यंत आहे तोपर्यंत तो चित्रपट बनवत राहील. रोहितने शेअर केले की, ‘गोलमाल’च्या निर्मितीला कोरोनामुळे विलंब झाला. आता सर्व ठीक आहे, आम्हाला आशा आहे की लवकरच ‘गोलमाल’वर काम सुरू होईल.
- #BoycottDobaara : ट्विटर वर बॉयकॉटची लहर, अनुराग कश्यप तापसी पन्नूच्या 2:12 DoBaaraa बॉयकॉटचा ट्रेंड
रोहित शेट्टीच्या म्हणण्यानुसार तो ‘गोलमाल’ आणि आता ‘सर्कस’ या पोलिस युनिव्हर्स चित्रपटांसह त्याच्या चित्रपटाच्या ब्रँडवर खूश आहे. चित्रपट निर्मितीची शैली त्यांनी बदललेली नाही. इंडस्ट्रीमध्ये गोंधळ सुरू असताना, त्यांची टीम आणि ते सध्या शांत आहे,त कारण ते ज्यावर विश्वास ठेवतात तो सिनेमा बनवत आहेत.
रोहित शेट्टीबद्दल सांगायचे तर, सध्या तो टीव्हीवरील प्रसिद्ध रिअॅलिटी शो ‘खतरों के खिलाडी’मध्ये दिसत आहे. तो अनेक वर्षांपासून हा शो होस्ट करत आहे. याशिवाय तो ‘भारतीय पोलिस दल’सोबत ओटीटीच्या जगात प्रवेश करण्यास तयार आहे. ‘इंडियन पोलिस फोर्स’मध्ये सिद्धार्थ मल्होत्रा, शिल्पा शेट्टी आणि विवेक ओबेरॉय दिसणार आहेत.
हेदेखील वाचा-