सर्वोच्च न्यायालयात दोन न्यायमूर्तींनी घेतली शपथ तर न्या. जोसेफ यांना निरोप

By:Swaliya Shikalagar Published on: May 19, 2023, 4:24 PM

Supreme Court judge — सर्वोच्च न्यायालयात दोन न्यायमूर्तींनी घेतली शपथ

नवी दिल्ली : पुढारी वृत्तसेवा – आंध्र प्रदेश उच्च न्यायालयाचे न्यायमूर्ती प्रशांतकुमार मिश्रा तसेच ज्येष्ठ वकील के. व्ही. विश्वनाथन यांनी शुक्रवारी सर्वोच्च न्यायालयाचे न्यायमूर्ती म्हणून पद आणि गोपनियतेची शपथ घेतली. दरम्यान पुढील महिन्यात सेवानिवृत्त होत असलेल्या न्यायमूर्ती के. एम. जोसेफ यांना निरोप देण्यात आला.

सरन्यायाधीश डी. वाय. चंद्रचूड यांनी न्यायमूर्ती मिश्रा तसेच विश्वनाथन यांना शपथ दिली. या दोन नियुक्त्यानंतर सर्वोच्च न्यायालयातील न्यायमूर्तींची सर्व पदे भरली गेली आहे. दरम्यान पुढील १६ जून रोजी सेवानिवृत्त होत असलेल्या न्यायमूर्ती जोसेफ यांना आज निरोप देण्यात आला.

सर्वोच्च न्यायालयाच्या उन्हाळी सुट्ट्यांना सोमवारपासून सुरुवात होणार आहे. त्यामुळे पुढील काही दिवस न्यायालयाचे कामकाज होणार नाही. या पार्श्वभूमीवर जोसेफ यांचा निरोप समारंभ आयोजित करण्यात आला होता. ‘जोसेफ आणि आपण लहानपणापासूनचे मित्र आहोत. १९७२ साली जेव्हा दिल्लीत आलो, तेव्हा तेच माझे पहिले मित्र होते’, असे सरन्यायाधीश चंद्रचूड यांनी यावेळी सांगितले.