नागपूर: शस्त्राचा धाक दाखवून ८ लाखांची रोकड पळवली
नागपूर, पुढारी वृत्तसेवा : हुडकेश्वर पोलीस स्टेशन हद्दीत शनिवारी रात्री उशिरा पाच ते सहा अज्ञात दरोडेखोरांनी अमित दुरुगकर यांच्या घरात दरोडा घातल्याची घटना घडली आहे. यात दरोडेखोरांनी ८ लाखांची रोकड लंपास केली.
दरोडेखोरांनी घरात घुसून मीटरमधून लाईट कनेक्शन बंद करून घरात प्रवेश केला. दरोडेखोरांनी अमित दुरुगकर याला मारहाण करुन जखमी केले. व जवळील शस्त्राचा धाक दाखवत तुझ्या आईला ठार करेल, अशी धमकी देऊन घरातून नगदी रक्कम ८ लाख रुपये पळवून नेले असल्याची तक्रार हुडकेश्वर पोलीस स्टेशमध्ये देण्यात आली आहे.
अज्ञात पाच ते सहा आरोपींविरुद्ध गुन्हा नोंदवण्यात आला आहे. पोलिसांकडून आरोपींचा शोध घेतला जात आहे
हेही वाचा