सांगली : दरीकोनूर येथे सेवानिवृत्त पोलिसाच्या घरी चोरी; चार लाखांचा ऐवज लंपास

जत; पुढारी वृत्तसेवा : दरीकोनूर ( ता.जत) येथे भरदिवसा एका सेवानिवृत्त पोलिसाच्या घरातून चोरट्यांनी चार लाखांचा ऐवज लंपास केला. या चोरीत एक लाख रुपये रोख, तीन लाखाचे दागिने असा एकूण ४ लाखांचा ऐवज लंपास करण्यात आला आहे. या घटनेनंतर श्वान पथकालाही पाचारण करण्यात आले होते. या घटनेचा तपास पोलीस कसून करत आहेत. जवळच्या व्यक्तीनेच चोरी केल्याचा संशय पोलिसांनी व्यक्त केला आहे.

याबाबत अधिकची माहिती अशी की, दरीकोनूर येथील सायबण्णा मलगौंडा पाटील हे सेवानिवृत्त पोलीस कर्मचारी आहेत. सिद्धनाथ रोडला त्यांचे घर आहे. गुडीपाडव्या दिवशी घरातील काम आटोपून घरासमोरील शेतात सर्वजण गेले होते. याचाच फायदा उचलत अज्ञात चोरट्याने घराचे कुलूप तोडून घरात प्रवेश केला. घरातील रोख एक लाख रुपये व तीन लाख किमतीचे सोन्याचे दागिने असा एकूण चार लाखांचा ऐवज लंपास झाला आहे. या घटनेचा तपास स.पो.नि जगताप करत आहेत.

हेही वाचलंत का?

• हा तर महाराष्ट्राच्या अस्मिता, स्वाभिमान आणि प्रगतीवर फेकलेला दगड आहे : डॉ. जितेंद्र आव्हाड
• Praniti Shinde : केंद्र सरकारच्या हुकूमशाहीविरोधात ‘भारत जोडो’ यात्रा: प्रणिती शिंदे
  
• Virat Kohli : टी-२० विश्वचषकात ‘हा’ विक्रम रचण्यापासून विराट कोहली २७ धावा दूर; जाणूयात त्या विक्रमाबद्दल…