नाशिक : दिंडोरी नगरपंचायतसाठी ८० टक्के मतदान; ४३ उमेदवारांचे भवितव्य मतपेटीत बंद
दिंडोरी, पुढारी वृत्तसेवा
दिंडोरी नगरपंचायत निवडणूक अतिशय शांततेत व सुरळीतपणे मतदान प्रक्रिया पार पडली. एकूण १२२४६ मतदारांपैकी ९७८४ मतदारांनी आपला मतदानाचा हक्क बजावला आहे. या नगरपंचायतसाठी ८० टक्के मतदान झाले असून, ४३ उमेदवारांचे भवितव्य मतपेटीत बंद झाले आहे.
सकाळच्या सत्रात अवघे १३ टक्के मतदान झाले होते. दुसऱ्या व तिसऱ्या सत्रात ५७ टक्के मतदान झाले. सर्व मतदान केंद्रावर चोख पोलीस बंदोबस्त असल्याने कुठेही अनुचित प्रकार न घडता शांततेत मतदान पार पडले.
एकूण १७ प्रभाग असून त्यापैकी प्रभाग क्रमांक ११ व १६ यांची निवडणूक प्रक्रिया १८ जानेवारीला होणार आहे. व प्रभाग क्रमांक १७ मधून सुजित मुरकुटे बिनविरोध निवडून आलेले आहे.
१४ प्रभागात झालेले मतदान खालीलप्रमाणे
- प्रभाग क्रमांक १ – एकूण १०६४ पैकी ८६१ (८१ %)
- प्रभाग क्रमांक २- एकूण १३०८ पैकी १०८९ ( ८३%)
- प्रभाग क्रमांक ३- एकूण ८२२ पैकी ६६३ ( ८१% )
- प्रभाग क्रमांक ४ एकूण १३२० पैकी १००२ ( ७६%)
- प्रभाग क्रमांक ५एकूण ८३६ पैकी ७०२ ( ८४%)
- प्रभाग क्रमांक ६ एकूण ८०१ पैकी ६३८(८०% )
- प्रभाग क्रमांक ७ एकूण ७५७ पैकी ६१७( ८१ %)
- प्रभाग क्रमांक ८ एकूण ४५७ पैकी ३६९ ( ८१ %)
- प्रभाग क्रमांक ९ एकूण ८०५ पैकी ६०१( ७५%)
- प्रभाग क्रमांक १० एकूण १०८३ पैकी ८७६( ८१%)
- प्रभाग क्रमांक १२ एकूण ७९४ पैकी ५९१ (७४ %)
- प्रभाग क्रमांक १३ एकूण ७५० पैकी ६३८ (८५%)
- प्रभाग क्रमांक १४ एकूण ९२६ पैकी ७२१ ( ७८ %)
- प्रभाग क्रमांक १५ एकूण ५२३ पैकी ४१६( ८० %) याप्रमाणे मतदान झाले आहे
४३ उमेदवारांपैकी १४ जागांसाठी राष्ट्रवादी काँग्रेस १२, भाजपा १०, शिवसेना ८, इंदिरा काँग्रेस २, मनसे २ व अपक्ष ९ जागांवर उमेदवारी करत आहे. मतमोजणी १९ जानेवारीला होणार असल्याने तोपर्यंत सर्वच उमेदवारांची निकलाबाबतची उत्सुकता लागून राहिली आहे.
हेही वाचा :