कोल्हापूर : वाघवे परिसरात बिबट्याचे दर्शन, ग्रामस्थांत भितीचे वातावरण

कोतोली (जि. कोल्हापूर); पुढारी वृत्तसेवा : वाघवे पैकी कुराडवाडी/ मानेवाडी येथील देसाई गुऱ्हाळाजवळ बिबट्याचे दर्शन झाले आहे. यामुळे परिसरात भितीचे वातावरण पसरले आहे. अधिक माहिती अशी, वाघवे (ता. पन्हाळा) येथील बारा वाड्या पन्हाळ गडाच्या पायथ्याशी आहेत. शुक्रवारी सायंकाळी देसाई गुऱ्हाळघराच्या जवळून जात असताना काहींनी बिबट्याला पाहिला. येथील गुऱ्हाळ घर रात्री उशिरापर्यंत सुरू असल्याने बिबट्याचे दर्शन ग्रामस्थांना झाले.

कोल्हापूरहून लोक या भागातून रात्री उशिरापर्यंत ये- जा करत असतात. यामुळे सध्या या परिसरात भितीचे वातावरण निर्माण झाले आहे. वाड्यांच्या उत्तरेला दाट जंगल आहे. तर सभोवताली ऊसपीक आहे. या ठिकाणी बिबट्या अनेकदा दिसला असल्याचे शेतकऱ्यांनी सांगितले. वनखात्याने याचा बंदोबस्त करावा अशी मागणी वाड्यातील ग्रामस्थांची आहे.

हे ही वाचा :

• कोल्हापूर : जोतिबाच्या पायथ्याला पुन्हा बिबट्या
• सांगली : हुबालवाडी येथे शेतकऱ्यावर बिबट्याच्या हल्ल्याचा प्रयत्न