Cabinet Decision | ‘अहमदनगर’चे नाव आता ‘अहिल्यानगर’: अहिल्यादेवींचे विचार, कार्य पुढे घेऊन जाणारा निर्णय- उपमुख्यमंत्री अजित पवार यांची प्रतिक्रिया | पुढारी

Cabinet Decision | 'अहमदनगर'चे नाव आता ‘अहिल्यानगर’: अहिल्यादेवींचे विचार, कार्य पुढे घेऊन जाणारा निर्णय- उपमुख्यमंत्री अजित पवार यांची प्रतिक्रिया

By:Monika Kshirsagar Published on: March 13, 2024, 4:38 PM
Ajit Pawar

मुंबई: पुढारी वृत्तसेवा; अहमदनगर शहराचे नाव ‘पुण्यश्लोक अहिल्यादेवी नगर’ करण्याचा राज्यमंत्रिमंडळाने घेतलेला निर्णय पुण्यश्लोक अहिल्यादेवींच्या कार्यकर्तृत्वाचा गौरव करणारा, त्यांचे विचार, कार्य, स्मृती पुढे घेऊन जाणारा, लोकप्रतिनिधींना चांगले कार्य करण्यासाठी प्रेरणा देणारा आहे. यामुळे अहमदनगर शहर, जिल्हा आणि महाराष्ट्रवासियांच्या इच्छेची पूर्तता झाल्याची प्रतिक्रिया उपमुख्यमंत्री अजित पवार यांनी ,दिली आहे. (Cabinet Decision)

पुढे बोलताना ते म्हणाले, या निर्णयाने अहमदनगर शहरवासियांची, जिल्हावासियांची, महाराष्ट्रातील तेरा कोटी नागरिकांची महत्वाची इच्छा पूर्ण झाली आहे. हा निर्णय होण्यात आमदार संग्राम जगताप, आमदार दत्तामामा भरणे, आमदार आशुतोष काळे, आमदार नितीन पवार या लोकप्रतिनिधींनी महत्वाची भूमिका बजावली. त्या सर्वांचे तसेच समस्त महाराष्ट्रवासियांचे मनापासून अभिनंदन करतो. अशा शब्दात उपमुख्यमंत्री अजित पवार यांनी अहमदनगर शहराचे नाव ‘पुण्यश्लोक अहिल्यादेवी नगर’ करण्याच्या निर्णयाचे स्वागत केले. तसेच मुख्यमंत्री तसेच राज्य मंत्रिमंडळातील सहकाऱ्यांचे आभार मानले आहेत. (Cabinet Decision)

हे ही वाचा:

Tags
By:Monika Kshirsagar Published on: March 13, 2024, 4:38 PM
Back to top button