पारनेर : व्यवस्थापकाला गोळी घालत पतसंस्थेत लूट
पारनेर/वाडेगव्हाण : पुढारी वृत्तसेवा : नगर-पुणे महामार्गावर पारनेर तालुक्यातील बेलवंडी फाटा येथील पारनेर ग्रामीण पतसंस्थेत अज्ञात दरोडेखोराने शाखा व्यवस्थापकाला गोळी घालून सुमारे 5 लाख रुपयांची रोकड लंपास केली.
छातीत गोळी लागल्याने शाखा व्यवस्थापक बाळासाहेब सोनवणे हे गंभीर जखमी झाले. ही घटना शनिवारी (दि.7) दुपारी अडीच वाजेच्या सुमारास घडली. भरदिवसा घडलेल्या या घटनेने एकच खळबळ उडाली आहे.
- #tokyo olympic: भालाफेकपटू नीरजचे अभिनंदन करताना मोदी म्हणाले…
- पुण्यातील निर्बंधही शिथिल होणार! सोमवारपासून अंमलबजावणी
प्राथमिक माहितीनुसार, चोर एकच होता. तो दुचाकीवरून आला होता आणि त्याने डोक्यात हेल्मेट घातले होते. हातात बंदूक घेऊनच तो पतसंस्थेत आला. रोखपाल महिलेला धमकावून पाच लाख 20 हजारांची रोकड ताब्यात घेतली.
परत फिरत असताना त्याचा शाधिकारी सोनवणे यांच्याशी सामना झाला. त्यांना हूल देत चोर पळून जाऊ लागल्याने सोनवणे यांनी हाती आलेला तेथील झाडू घेतला. त्याचे एक दोन फटकेही चोराला मारले. तेव्हा चोराने गोळी झाडली.
त्यात शाखाधिकारी बाळासाहेब सोनवणे हे गंभीर जखमी झाले आहेत. त्यानंतर चोर दुचाकीवरून पळून गेला. त्याचे आणखी कोणी साथीदार होते का? या बद्दल अद्याप माहिती मिळालेली नाही.
- नीरज चोप्रा : नीरजच्या गोल्डन आर्मने दुसऱ्या फेकीतच जिंकले गोल्ड
- horse riding: ऑलिम्पिकमध्‍ये भारताच्‍या फवाद मिर्झाबराेबर असणार्‍या घोडीची किंमत माहीत आहे?
सोनवणे यांना स्थानिक ग्रामस्थांच्या मदतीने शिरूर येथील खासगी रुग्णालयात दाखल करण्यात आले आहे.
तेथून त्यांना पुणे येथे हलविण्यात आले असून, त्यांची प्रकृती चिंताजनक असल्याचे स्थानिक ग्रामस्थांनी सांगितले.
संस्थेचे अध्यक्ष काशिनाथ दाते हेदेखील घटनास्थळी दाखल झाले. घटनेची माहिती मिळताच स्थानिक गुन्हे शाखेचे पोलिस निरीक्षक अनिल कटके व सुपा पोलिस घटनास्थळी दाखल झाले.
रात्री उशिरापर्यंत गुन्हा नोंदविण्याचे काम सुरू होते. पुढील तपास सुपा पोलिस ठाण्याचे निरीक्षक नितीनकुमार गोकावे यांच्या मार्गदर्शनाखाली पोलिस करत आहेत.
हे ही वाचलं का?
- व्हिडिओ न्यूड शूट करून मला गुप्तांग दाखवलं जाणार नाही असं सांगितलं, पण..
- सायना नेहवाल हिला चाहत्यांचा सवाल; ‘तुला सिंधूशी काय प्रॉब्लेम आहे?’
- पॉर्न फिल्म रॅकेट : ‘राज कुंद्राने माझे फूल न्यूड व्हिडिओज केले, शिल्पाला ते आवडायचे’