Bomb Threat By E-mail: दिल्लीतील शाळेला पुन्हा 'ई-मेल' द्वारे बॉम्बची धमकी
पुढारी ऑनलाईन: दिल्लीतील मथुरा रोडवरील दिल्ली पब्लिक स्कूलला आज (दि.२६) सकाळी ई-मेलद्वारे बॉम्बची धमकी मिळाली आहे. धमकीनंतर शाळा मोकळी करण्यात आली असून, दिल्ली पोलीस शाळेच्या परिसराची झडती घेत आहेत. मात्र अद्याप पोलिसांना परिसरात कोणतीही संशयास्पद गोष्ट सापडलेली नाही. घटनास्थळी तपास सुरू आहे, असे दिल्ली पोलिसांकडून सांगण्यात येत आहे.
शाळेच्या आवारात अद्याप कोणतीही संशयास्पद वस्तू न आढळल्याने कोणताही धोका नाही. परिस्थिती सामान्य आहे. दरम्यान शाळेच्या परिसरात बॉम्ब निकामी पथक, श्वान पथक आणि SWAT टीम दाखल आहेत. दरम्यान शाळेच्या इमारतींची स्वच्छता करण्यात येत आहे, अशी माहिती दक्षिण पूर्व दिल्लीचे DCP राजेश देव यांनी दिली आहे.
Delhi Public School, Mathura Road receives bomb threat via e-mail; investigation underway, says Delhi Fire Service. pic.twitter.com/MxbfoshrOs
— ANI (@ANI) April 26, 2023
यापूर्वी या महिन्याच्या सुरुवातीला दिल्लीच्या सादिक नगरमधील ‘द इंडियन स्कूल’ला ईमेलद्वारे धमकी मिळाली होती. या मेलद्वारे शाळेच्या परिसरात बॉम्ब असल्याचे सांगण्यात आले होते. यामुळे संपूर्ण शाळेत खळबळ उडाली होती. त्यानंतर तात्काळ शाळा मोकळी करून मुलांना सुट्टी देण्यात आली होती. दरम्यान घटनास्थळी बॉम्ब शोध आणि निकामी पथक दाखल होऊन, तपास करण्यात आला होता. यानंतर हा मेल फसवणूक असल्याचे दिल्ली पोलिसांकडून सांगण्यात आले होते.