चंद्रपूरचे खासदार बाळू धानोरकर यांचे उपचारादरम्यान निधन
चंद्रपूर ; पुढारी वृत्तसेवा चंद्रपूर लोकसभा क्षेत्राचे खासदार सुरेश उर्फ बाळू धानोरकर यांचे आज (मंगळवार) पहाटे तीन वाजण्याच्या सुमारास दिल्ली येथील वेदांता हॉस्पिटल मध्ये उपचारादरम्यान निधन झाले. मागील काही दिवसांपासून त्यांना पोटाचा आजार होता. यासाठी ते नियमित उपचार करीत होते. प्रकृतीत बिघाड झाल्याने शनिवारी (२९ मे) रोजी नागपूर येथील खाजगी रुग्णालयात किडनी स्टोनवर उपचार करण्यासाठी दाखल करण्यात आले होते. त्यानंतर त्यांना पुढील उपचारासाठी विशेष एअर ॲम्बुलन्सने दिल्ली येथील वेदांता हॉस्पिटल येथे हलवण्यात आले होते. आज दिल्ली येथील वेदांता हॉस्पिटल मध्ये उपचारादरम्यान त्यांचे निधन झाले.
चंद्रपूर जिल्ह्यात मागील काही दिवसांपासून राजकीय आणि सामाजिक घडामोडी घडत असतानाच कौटुंबिक दुःखद घटना घडली. त्यांचे वडील नारायण धानोरकर यांचे निधन झाल्याने अस्वस्थ झाले होते. पोटाच्या आजाराने त्यांची प्रकृती बिघडली होती. नुकत्याच पार पडलेल्या कृषी उत्पन्न बाजार समिती निवडणुका, काँग्रेस मधील गटातटाचे राजकारण यामुळे वातावरण ढवळून निघाले होते. तसेच पत्नी आमदार प्रतिभा धानोरकर यांचे भाऊ प्रवीण काकडे यांना चौकशीसाठी ईडीची नोटीस आलेली होती.
Congress Chandrapur MP Balu Dhanorkar passes away at Delhi’s Medanta Hospital, says Maharashtra Congress spokesperson Atul Londhe
— ANI (@ANI) May 30, 2023
हेही वाचा :
- तिन्ही सैन्य दलांत आता मनुष्यबळाची अदलाबदल! : भारतीय सैन्याचे क्रॉस स्टाफिंग, लष्कराच्या ४० अधिकाऱ्यांची तुकडी लवकरच हवाई तसेच नौदलात
- मराठ्यांना कुणबी प्रमाणपत्र देण्यासाठी समितीची स्थापना
- Aliens Signals : मंगळावरून पृथ्वीवर आलेल्या एलियन्सच्या सिग्नलबाबत शास्त्रज्ञांचा खुलासा; म्हणाले, ‘तो एन्कोडेड संदेश हा…’