Sachin Tendulkar : 'बनावट जाहिराती' विरोधात 'सचिन'ची मुंबई सायबर सेलकडे तक्रार
पुढारी ऑनलाईन डेस्क : सचिन तेंडुलकरच्या अधिकृततेशिवाय फॅट-बर्निंग स्प्रे, फॅट मेल्टिंग पॅच, बेली बर्नर ऑइल यासारख्या उत्पादनांच्या जाहिरातींमध्ये सचिन तेंडुलकरचे (Sachin Tendulkar ) नाव आणि प्रतिमा वापरल्याबद्दल वांद्रे कुर्ला संकुलातील सायबर पोलिसांनी अज्ञात व्यक्तींविरुद्ध गुन्हा दाखल केला आहे. पोलिसांनी सांगितले की, क्रिकेटपटूचे वैयक्तिक सहाय्यक रमेश पारधे यांनी दाखल केलेल्या तक्रारीच्या आधारे हा गुन्हा दाखल करण्यात आला आहे. मुंबई पोलिसांच्या सायबर सेलने अज्ञात लोकांविरुद्ध कलम ४२६, ४६५ आणि ५०० अन्वये गुन्हा दाखल केला आहे.
पोलिसांनी सांगितले की, सचिन तेंडुलकरचे वैयक्तिक सहाय्यक रमेश पारधे यांनी दाखल केलेल्या तक्रारीच्या आधारे हा गुन्हा दाखल करण्यात आला आहे. त्यांनी दावा केला होता की, एका कंपनीने त्यांची उत्पादने विकण्यासाठी तेंडुलकरच्या नावाची वेबसाइट देखील सुरू केली होती आणि त्यांच्या उत्पादनांची जाहिरात करण्यासाठी त्याचे नाव आणि छायाचित्रे वापरली होती.
Sachin Tendulkar : फसवणूक, बनावटगिरी आणि मानहानीचा गुन्हा
सचिन कोणत्याही प्रकारे उत्पादनांशी संबंधित नसल्यामुळे, कंपनी केवळ त्याच्या ब्रँडचा गैरवापर करत नाही तर त्यांच्या स्वत: च्या ग्राहकांची फसवणूक देखील करत आहे,” असे पोलिस उपायुक्त (सायबर) बलसिंग राजपूत म्हणाले. कंपनीशी संबंधित लोकांचा शोध सुरू असल्याचे त्यांनी सांगितले. आरोपींवर भारतीय दंड संहिता आणि माहिती तंत्रज्ञान कायद्याच्या संबंधित कलमांतर्गत फसवणूक, बनावटगिरी आणि मानहानीचा गुन्हा दाखल करण्यात आला आहे.
Maharashtra | Former cricketer Sachin Tendulkar lodges a Police complaint at Mumbai Crime Branch, over his name, photo and voice being used in “fake advertisements” on the internet to dupe people. Case registered by Mumbai Police Cyber Cell against unidentified people under… pic.twitter.com/skkfDYa1eP
— ANI (@ANI) May 13, 2023
हेही वाचा
- Karnataka Election Results : ‘काँग्रेसला पूर्ण बहुमत मिळेल, माझे वडील मुख्यमंत्री होणार’ : यतिंद्र सिद्धरामय्या
- Cyclone Mocha Update : चक्रीवादळ ‘मोचा’ वाढतय वेगाने; ‘IMD’ने सांगितले भारतावर काय होणार परिणाम
- बापरे ! बॅटरी तब्बल एवढ्या वर्षे टिकणार ? पुण्यातील डिफेन्स इन्स्टिट्यूट ऑफ अॅडव्हान्स्ड टेक्नॉलॉजीमध्ये संशोधन
- धुळे जिल्ह्यातील दुर्गम भागात पावसाळ्यापूर्वी धान्यासह औषधांचा साठा उपलब्ध करून द्यावा – डॉ. विजयकुमार गावित
- Suryakumar Yadav : ‘तुला मानलं भाऊ’! शतकवीर ‘सूर्या’दादाला ‘विराट’च्या ‘मराठी’तून शुभेच्छा…
- Gyanvapi Mosque Case : ज्ञानवापी मशिदीत सापडलेल्या ‘शिवलिंग’प्रकरणी अलाहाबाद हायकोर्टाचा मोठा निर्णय! पुरातत्व विभागाला दिले वैज्ञानिक सर्वेक्षणाचे निर्देश