नाशिक : जिल्ह्यात सव्वादोन लाख महिलांना ‘मातृ वंदने’चे बळ

नाशिक : पुढारी वृत्तसेवा
आर्थिक आणि सामाजिक अडचणींमुळे गरोदरपणाच्या शेवटच्या दिवसांतही अनेक स्त्रिया कुटुंबाच्या उदरनिर्वाहासाठी काम करत असतात. अशा परिस्थितीत महिलांना त्यांच्या आरोग्याची काळजी घेता येत नाही. यासाठी केंद्र सरकारने प्रधानमंत्री मातृत्व वंदना योजना 2022 सुरू केली आहे. जिल्ह्यात या योजनेमार्फत दोन लाख 20 हजार मातांना अर्थसहाय्य आले आहे. या योजनेअंतर्गत गरोदर महिलांना सहा हजार रुपयांची मदत दिली जाते.

• कर्नाटक विधानसभा निवडणूक : भाजपची देवेंद्र फडणवीसांसह ४० स्टार प्रचारकांची यादी जाहीर

पंतप्रधान नरेंद्र मोदी यांनी 1 जानेवारी 2017 रोजी प्रधानमंत्री मातृत्व वंदना योजना सुरू केली. याअंतर्गत गरोदर महिला आणि स्तनदा महिलांना 5 हजार रुपयांची आर्थिक मदत दिली जाते. ही योजना महिला आणि बालविकास मंत्रालय विभागामार्फत राबवली जाते. योजनेंतर्गत महिलांना देण्यात येणारी ही रक्कम हप्त्यांमध्ये दिली जाते. पात्र महिला जननी सुरक्षा योजनेंतर्गत लाभार्थी असेल, तर तिला अतिरिक्त 1 हजार रुपये म्हणजेच एकूण 6 हजार रुपये दिले जातात. यासाठी अंगणवाडी केंद्र किंवा आरोग्य केंद्राला भेट देऊन या योजनेसाठी अर्ज करता येतो. लाभार्थीला दिलेली ही रक्कम थेट त्याच्या बँक खात्यात हस्तांतरित केली जाते. याचा पहिला हप्ता अंगणवाडी केंद्रात किंवा आरोग्य सुविधेवर गर्भधारणेची नोंदणी करण्यासाठी 1 हजार रुपयांची आर्थिक मदत दिली जाते. दुसरा हप्ता हा गर्भधारणेच्या सहा महिन्यांनंतर, 2 हजार रुपयांचा दिला जातो. तर तिसरा हप्ता हा मुलाच्या जन्माची नोंदणी आणि लसीकरणाच्या वेळी 2 हजार रुपये दिला जातो.

नोंदणी प्रक्रिया रखडली
मातृ वंदन योजनेची नोंदणी करण्यासाठी आवश्यक असलेली संगणक प्रणाली गेल्या 21 दिवसांपासून बंद पडली आहे. त्यामुळे याची नोंदणी करण्यासाठी आलेल्या स्तनदा मातांना नोंदणी करता येत नाही. त्याचा परिणाम या महिलांना लाभ मिळण्यासाठी होत आहे. वेब प्रणाली बदलण्याच्या तयारीत असून, त्याच्या अद्ययावतीकरण करण्याचे काम सुरू असल्याचे आधिकार्‍याकडून सांगण्यात आले आहे.

नाशिक शहराचे सर्वाधिक प्रमाण
योजना सुरू झाल्यापासून नाशिक जिल्ह्यात आतापर्यंत 2 लाख 20 हजार 564 लाभार्थी मातांनी नोंदणी केली आहे. यामध्ये सर्वाधिक प्रमाण हे नाशिक शहराचे असून, शहरातील 50 हजार 431 मातांचा समावेश आहे. त्याखालोखाल निफाड तालुक्याचे असून, 17 हजार 550 मातांचा यामध्ये समावेश आहे. मालेगाव मनपा क्षेत्रात 16 हजार 848 मातांचा समावेश आहे.

तालुका                            लाभार्थी माता
बागलाण                           13120
चांदवड                             8259
देवळा                               6553
दिंडोरी                             12007
इगतपुरी                             9862
कळवण                             9099
मालेगाव                           13679
नांदगाव                              7850
नाशिक                             10308
निफाड                             17550
पेठ                                    5302
सिन्नर                               11653
सुरगाणा                              8008
त्र्यंबक                                 8917
येवला                                  8321
सिन्नर शहर                             911
देवळाली शहर                         846
मनमाड शहर                        2252
मालेगाव मनपा                    16848
नाशिक मनपा                     50431
एकूण                               220564

हेही वाचा:

• नगर : धक्कादायक ! विद्यार्थ्यांच्या हाती चोरीचे मोबाईल
• जाणून घ्या उष्माघाताची लक्षणे…
• नाशिकमध्ये काँग्रेसचे "जवाब दो' आंदोलन