ओव्हरलोड नसलेल्या ट्रकला दंडाची पावती केल्यानंतर चालकाने दंड भरण्यास नकार देताच आरटीओ अधिकाऱ्यासह कर्मचाऱ्यांनी ट्रकचालकास बेदम मारहाण केली. लाकडी दांडके आणि काठ्यांनी मारहाण करून गंभीर जखमी केल्याची तक्रार ट्रकचालकाने दाखल करताच तिघांविरोधात गुन्हा दाखल करण्यात आला आहे.
छत्तीसगढचा चालक विनोद मुकूंदलाल चौरे (वय ३७) हा मालवाहू ट्रक घेवून जळगावहून जात होता. १५ नोव्हेंबर रोजी पहाटे साडेपाच वाजेच्या सुमारास (एम.एच. ०४ के.आर. ६४१९) या शासकीय वाहनातून आलेल्या आरटीओ विभागाच्या अधिकार्यांसह दोन कर्मचारी अशा तिघांनी चौरे यांचा ट्रक महामार्गावर जळगाव शहरात अग्रवाल चौकात ऍक्सेस ब्रेन हॉस्पिटलच्या समोर अडविला. हा ट्रक ओव्हरलोड आहे. तुला दंड भरावा लागेल, असे त्यांनी चालकास सांगितले.
चालकाने ट्रक ओव्हरलोड नसल्याचे सांगत गाडी वजन करण्यास नेली. तेथे हा ट्रक ओव्हरलोड नसल्याचे स्पष्ट झाले. तरीही त्याला दंड भरण्यास सांगितले. मात्र, त्याने नकार देताच अधिकार्यांसह कर्मचार्यांनी चौरे यांच्या कानशिलात लगावली. तसेच लाकडी दांडक्याने मारहाण मारहाण केली.
बेदम मारहाण केल्याने चालक चौरे यांच्या पायाचे हाड मोडले असून दुखापत झाली आहे. जखमी चालक विनोद चौरे यांनी दिलेल्या तक्रारीवरुन सोमवारी २२ नोव्हेंबर रोजी याप्रकरणी ( एम.एच. ०४ के.आर. ६४१९ ) या आरटीओ विभागाच्या वाहनावरील अधिकारी तसेच कर्मचारी अशा तीन जणांविरोधात रामानंदनगर पोलिसात गुन्हा दाखल झाला आहे. तपास पोलीस निरिक्षक विजय शिंदे हे करीत आहेत.
हेही वाचलं का?
