- Epaper
- Home
- राष्ट्रीय
- आंतरराष्ट्रीय
- संपादकीय
- मनोरंजन
- विश्वसंचार
- फीचर्स
- स्पोर्ट्स
- व्हिडिओ गॅलरी
- मुंबई/कोकणमुंबई/कोकण
- पुणे/पश्चिम महाराष्ट्रपुणे/पश्चिम महाराष्ट्र
- मराठवाडामराठवाडा
- नाशिक/उत्तर महाराष्ट्रनाशिक/उत्तर महाराष्ट्र
- विदर्भविदर्भ
पुढारी ऑनलाईन डेस्क : आशियाई पॅरा स्पर्धेत भारतीय खेळाडूंनी भालाफेकमध्ये चमकदार कामगिरी केली आहे. पुरुषांच्या भालाफेक एफ ५५ स्पर्धेत भारताच्या नीरजने ३३.६९ मीटरच्या नवीन रेकॉर्ड थ्रोसह सुवर्ण पदकावर मोहर उमटवली, तर टेक चंदने ३०.३६ मीटरच्या नवीन वैयक्तिक सर्वोत्तम प्रयत्नासह कास्य पदकावर नाव कोरले. नीरजने भालाफेकमध्ये भारतासाठी हे २७ वे सुवर्णपदक जिंकले आहे.
संबंधित बातम्या :
पुढारी ऑनलाईन डेस्क : आशियाई क्रीडा स्पर्धेत भारताच्या शिरपेचात मानाचा तुरा रोवल्यानंतर आशियाई पॅरा गेम्समध्येही भारतीय खेळाडूंनी सर्वोत्कृष्ट कामगिरी केली आहे. चीनमधील हांगझोऊ येथे सुरू असलेल्या या स्पर्धेत एक नवा इतिहास रचत भारताने आता पदकांची शंभरी पार केली आहे. भारतीय खेळाडूंनी विविध क्रीडा प्रकारात आतापर्यंत १०० हून अधिक पदकांवर मोहोर उमटवली आहे. या कामगिरीच्या रुपानं भारताच्या शिरपेचात आणखी एक मानाचा तुरा रोवला गेला आहे. याआधी २०१८ मध्ये इंडोनेशिया पॅरा गेम्समध्ये भारताने ७२ पदके जिंकली होती.
आशियाई पॅरा गेम्समध्ये भारताकडून पदकांची लयलूट सुरूच आहे. आज शनिवारी स्पर्धेच्या सहाव्या दिवशी भारताने पहिले सुवर्ण जिंकत नवा इतिहास रचला आहे. दिलीप महादू गावित याने पुरुषांच्या ४०० मी-टी ४७ स्पर्धेत सुवर्णपदक जिंकले. ४९.४८ सेकंद वेळेत त्याने ही सुवर्ण कामगिरी केली आहे. या पदकासह भारताने या स्पर्धेत पदकांची शंभरी पार केली आहे.
शुक्रवारी नितीश कुमार आणि तरुण या भारतीय जोडीने पुरुष दुहेरी SL3-SL4 बॅडमिंटनमध्ये सुवर्णपदक जिंकले. तसेच सुहास यथीराजने बॅडमिंटन एकेरी SL-4 मध्ये सुवर्णपदक जिंकले. भारताला बॅडमिंटन एकेरी SL-3 स्पर्धेत दोन पदके मिळाली. प्रमोद भगतने सुवर्णपदक तर नितेश कुमारने रौप्यपदक पटकावले. महिला एकेरीच्या SU-5 प्रकारात तुलसीमती मुरुगेसनने चीनच्या क्विशिया योगाचा पराभव करून सुवर्णपदक जिंकले. पुरुषांच्या 1500 मीटर टी-38 शर्यतीत रमण शर्माला सुवर्णपदक तर देवेंद्र कुमारला डिस्कस थ्रोमध्ये सुवर्णपदक मिळाले. राकेश कुमारने तिरंदाजीमध्ये पुरुषांच्या वैयक्तिक कंपाऊंड स्पर्धेत रौप्य पदक जिंकले. पुरुष दुहेरीच्या एसयू-5 सामन्यात चिराग बरेथा आणि राजकुमार यांना इंडोनेशियाकडून पराभव पत्करावा लागल्याने रौप्यपदकावर समाधान मानावे लागले. लक्ष्मीने डिस्कस थ्रो F37/38 स्पर्धेत कांस्यपदक जिंकले. भालाफेकमध्ये प्रदीप कुमारने रौप्य आणि अभिषेक चमोलीने कांस्यपदक जिंकले.
हेही वाचा :
