Al Pacino | 'गॉडफादर' अभिनेता वयाच्या ८३ व्या वर्षी बनला बाप; २९ वर्षीय गर्लफ्रेंडला पुत्ररत्न
पुढारी ऑनलाईन : हॉलिवूड सिनेसृष्टीतील प्रसिद्ध अभिनेते अल पचिनो (Al Pacino) हे वयाच्या 83 व्या वर्षी बाप बनले आहेत. त्यांच्या २९ वर्षीय प्रेयसीला पुत्ररत्न झाले आहे. या बातमीने त्यांच्या चाहत्‍यांना चांगलाच धक्‍का बसला आहे. पचिनो हे ८३ व्या वर्षी एका गोड मुलाचे बाप झाले आहेत. याबाबत त्यांच्या मॅनेजरने ही माहिती दिली आहे.
29 वर्षीय नूर अलफल्लाह एप्रिल 2022 पासून अभिनेते अल पचिनो यांना डेट करत आहे. दोघांची प्रेमकहाणी एका डिनर पार्टीदरम्यान सुरू झाली. त्यावेळी दोघेही एका आर्ट गॅलरीच्या उद्घाटनात एकत्र दिसले होते. अल पचिनोच्या आधीही नूरचे हाय प्रोफाइल बॉयफ्रेंड होते. ती अमेरिकन-कुवेत वंशाच्या श्रीमंत कुटुंबातील आहे.
अल पचिनो यांचे हे चौथे अपत्य आहे. पचिनो यांना त्याच्या माजी मैत्रिणीसोबतची आधीच एक मुलगी आहे. अँटोन आणि ऑलिव्हिया अशी जुळी मुलेही आहेत. मात्र, नूर अलफल्लाहचे हे पहिलेच अपत्य आहे. निर्मात्याचे आधी मिक जेगरशी संबंध जोडले गेले होते, ज्याला तिने एका वर्षाहून अधिक काळ डेट केले होते, परंतु 2018 मध्ये ते वेगळे झाले होते.
अल पचिनो आणि नूर अल्फल्लाह 2022 पासून रिलेशनशीप होते . या जोडप्याचा एकत्र जेवतानाचा फोटो समोर आला होता. त्‍यावरून डेटिंगच्या अफवा पसरल्या. या जोडप्याने आज आपल्या मुलाचे स्वागत केले आणि त्याचे नाव रोमन पचिनो ठेवले. गुरुवारी, अभिनेत्याच्या मॅनेजरने स्टॅन रोसेनफिल्ड यांनी यूएसए टुडेकडे या माहितीची पुष्टी केली आहे. तथापी, बाळाच्या जन्माची तारीख अद्याप पुढे आलेली नाही.
नूर अलफल्लाह एक लोकप्रिय टेलिव्हिजन निर्माती आहे. ती कुवेतची आहे. ला पेटीट मॉर्ट आणि ब्रोसा नॉस्त्रा या मालिकेची निर्मिती करण्यासाठी ती प्रसिद्ध आहे. तिच्या आगामी प्रकल्पांमध्ये लिटल डेथ आणि बिली नाइट यांचा समावेश आहे.
दरम्यान, अल पचिनो हे त्यांच्या काळातील सर्वात प्रसिद्ध अभिनेत्यांपैकी एक आहेत. जो द गॉडफादर, स्कारफेस, हीट, द डेव्हिल्स अॅडव्होकेट आणि बरेच काही यासारख्या चित्रपटांमध्ये अभिनयासाठी प्रसिद्ध आहे. त्यांनी 1992 मध्ये त्यांच्या ‘सेंट ऑफ अ वुमन’ या चित्रपटासाठी सर्वोत्कृष्ट अभिनेत्याचा ऑस्करही जिंकला आहे.
Al Pacino becomes father again at 83, welcomes baby with 29-year-old girlfriend Noor Alfallah
Read @ANI Story | https://t.co/D5kPLoD8zz#AlPacino #nooralfallah #Hollywood pic.twitter.com/wY73yqDB2a
— ANI Digital (@ani_digital) June 16, 2023
हेही वाचा :
- Earthquake in Assam: आसामसह ईशान्येकडील भागाला भूकंपाचे धक्के
- धक्कादायक ! आईनेच केला 8 महिन्यांच्या बाळाचा नाक-तोंड दाबून खून
- Cyclone Biparjoy | ‘बिपरजॉय’चा तडाखा, कच्छ, सौराष्ट्रात हाहाकार, २ मृत्यू, २३ जखमी